مزگینیا یوحەننای 12
12
ل بێت‌عەنیا مەریەم گولاڤێ ب پێیێن عیسای دا دكەت
(مەتتا 26:6-13؛ مەرقۆس 14:3-9)
1بەری جەژنا دەربازبوونێ ب شەش رۆژان، عیسا هاتە بێت‌عەنیا، كو لەعازەر، ئەوێ عیسای ئەو ژ ناڤ مریان راكری، ئاكنجیێ وێرێ بوو. 2ل وێرێ شیڤەك بۆ وی چێكر و مەرتایێ خزمەت دكر، لەعازەر ژی ئێك ژ وان بوو یێن ل گەل وی روینشتی. 3مەریەمێ لیترەك#12:3 لیترەكا رۆمایی یا وی سەردەمی، نێزیكی 325 گرامێن ئەڤرۆنە. ژ روینێ بێهنخۆش یێ بهاگران ژ جۆرێ ناردینا خۆڕستی هەلگرت و پێیێن عیسای پێ ڤەمالین و ب پرچا خۆ پێیێن وی زوها كرن. مال ژ بێهنا خۆش تژی بوو. 4ئینا ئێك ژ شاگردێن وی، كو یەهودایێ ئەسخەریوتی بوو، ئەوێ دێ پاشی بێبەختیێ لێ كەت، گۆت: 5«بۆچی ئەڤ گولاڤە ب سێ سەد دیناران#12:5 ل وی سەردەمی هەر دینارەك، كرێیا رۆژەكێ یا پالەی بوو. نەهاتە فرۆتن و بهایێ وێ دابا هەژاران؟» 6وی ئەڤ چەندە گۆت، نە چنكو دلێ وی ب هەژاران ڤە بوو، لێ چنكو ئەو دز بوو، ئەو بەرپرسێ سندوقكا پارەیان بوو و وی ژ پارەیێ دهاتە تێدا، ددزی.
7ئەڤجا عیسای گۆت: «بهێلە، وێ ئەڤ گولاڤە بۆ رۆژا ڤەشارتنا من یا ل نك خۆ هەلگرتی. 8هەژار هەمی دەمان یێن ل نك هەوە هەین، لێ ئەز هەمی دەمان ل نك هەوە نابم.»
پیلانا كوشتنا لەعازەری
9دەمێ جەماوەرەكێ مەزن ژ جوهیان زانی كو ئەو یێ ل وێرێ، ئەو هاتن، نە ب تنێ ژ بەر عیسای، لێ دا لەعازەرێ ژی، ئەوێ ژ ناڤ مریان راكری، ببینن. 10ئەڤجا سەرۆكێن كاهنان پیلان دانا كو لەعازەری ژی بكوژن، 11چنكو گەلەك ژ جوهیان ژ بەر وی دچوون و باوەری ب عیسای دئینا.
عیسا ب رێزگرتن دچیتە د ئورشەلیمێ ڤە
(مەتتا 21:1-11؛ مەرقۆس 11:1-11؛ لوقا 19:28-40)
12ل رۆژا پاشتر، ئەو جەماوەرێ زۆر یێ هاتیە جەژنێ، بهیست كو عیسا دێ هێتە ئورشەلیمێ. 13ئینا ئەوان چەقێن دارقەسپێ هەلگرتن و دەركەفتنە پێشوازیا وی و كرنە هەوار:
«هۆساننا! ‹یێ بەرەكەتدارە ئەوێ ب ناڤێ خودانی دهێت!›#12:13 هۆساننا: د زمانێ عیبرانی دا ب رامانا ‹مە رزگار بكە› دهێت. زەبوور 118:25-26
پاشایێ ئیسرائیلێ یێ بەرەكەتدارە!»
14عیسای جانەكەرەك دیت و لێ سیار بوو، هەروەكو هاتیە نڤیسین:
15«نەترسە سییۆنا كچ#12:15 سییۆنا كچ: ئانكو ئورشەلیم. ل فەرهەنگۆكێ بنێڕە سییۆن.،
ئها ئەڤە پاشایێ تە یێ دهێت،
ل جانەكەرەكی یێ سیارە.»#12:15 زەكەریا 9:9
16(ل دەستپێكێ شاگردێن وی د ڤان تشتان نەگەهشتن، لێ دەمێ عیسا هاتیە مەزنكرن، بیرا وان هات كو ئەڤ تشتە دەربارەی وی یێن هاتینە نڤیسین و وان ژ بۆ وی ئەڤ تشتە كر.) 17ئەو جەماوەرێ ل گەل وی، دەمێ وی گازی لەعازەری كری كو ژ گۆڕی دەركەڤیت و ئەو ژ ناڤ مریان راكری، شاهدەیی ل سەر ڤێ چەندێ ددا. 18لەوما خەلك چوو پێشوازیا وی، چنكو وان بهیستبوو كو وی ئەو نیشان یا كری. 19ئەڤجا فەریسیان گۆتە ئێكودوو: «هوین دبینن، تشتەك ژ دەستێ مە ناهێت! ئەڤە هەمی جیهان ب دویڤ وی كەفت!»
هندەك یونانی ل عیسای دگەڕیێن
20د ناڤ وان دا یێن سەركەفتینە ئورشەلیمێ، دا د جەژنێ دا پەرستنێ بكەن، هندەكێن یونانی هەبوون. 21ئەو هاتنە نك فیلیپۆسێ خەلكێ بێت‌سایدایا دەڤەرا جەلیلێ و گۆتێ: «ئەزبەنی، مە دڤێت عیسای ببینین.» 22فیلیپۆس چوو و گۆتە ئەندراوسی، پاشی ئەندراوس و فیلیپۆس چوون و گۆتنە عیسای. 23عیسای بەرسڤا وان دا و گۆت: «دەم هات كو كوڕێ مرۆڤ#12:23 ل فەرهەنگۆكێ بنێڕە. بهێتە مەزنكرن. 24ب راستی ب راستی دبێژمە هەوە: ئەگەر دندكا گەنمی نەكەڤیتە د ناڤ ئەردی دا و نەمریت، دێ مینیتە ب تنێ، لێ ئەگەر مر، دێ گەلەك بەرهەمی دەت. 25هەر كەسێ حەز ژ ژیانا خۆ بكەت، دێ وێ ژ دەست دەت و هەر كەسێ كەرب ژ ژیانا خۆ ل ڤێ جیهانێ ڤەببن، دێ وێ بۆ ژیانا هەروهەر هەلگریت. 26هەر كەسێ بڤێت خزمەتا من بكەت، بلا ب دویڤ من بكەڤیت، ئەز ل كیرێ بم، خزمەتكارێ من ژی دێ ل وێرێ بیت. هەر كەسێ خزمەتا من بكەت، باب دێ رێزێ ل وی گریت.
عیسا بەحسێ مرنا خۆ دكەت
27نوكە گەلەكێ دلتەنگم. ئەز چ بێژم؟ ‹باب، من ژ ڤێ دەمژمێرێ#12:27 ڤێ دەمژمێرێ: دەمێ ئازاركێشان و مرنا وی ل سەر خاچێ. قورتال بكە›؟ نەخێر! ژ بەر ڤێ ئەگەرێ ئەز یێ گەهشتیمە ڤێ دەمژمێرێ. 28باب، ناڤێ خۆ مەزن بكە!» پاشی دەنگەكی ژ ئەسمانی بەرسڤ دا: «من یێ مەزن كری و دێ هێشتا مەزن كەم.» 29ئەو جەماوەرێ ل وێرێ یێ راوەستیای و ئەو بهیستی گۆت: «گڕگڕا عەوران بوو!» هندەكێن دی گۆت: «فریشتەیەك ل گەل وی ئاخفت!» 30عیسای بەرسڤ دا و گۆت: «ئەڤ دەنگە نە ژ بەر من چێبوو، لێ ژ بەر هەوە. 31نوكە دەمێ دادكرنێیە ل سەر ڤێ جیهانێ، نوكە سەرۆكێ ڤێ جیهانێ#12:31 مەبەست پێ ئبلیسە. بنێڕە 14:30 دێ بۆ ژ دەرڤە هێتە دەرئێخستن. 32دەمێ ئەز ژ ئەردی هاتمە بلندكرن، دێ هەمی مرۆڤان بۆ خۆ راكێشم.» 33ب ڤێ گۆتنێ ئەوی ئاماژە دكر كا دێ ب مرنەكا چەوا مریت.
34ئینا جەماوەری بەرسڤا وی دا: «مە ژ دەستووری یا بهیستی كو مەسیح دێ هەتا هەتایێ مینیت. ئەڤجا چەوا تۆ دبێژی كو پێدڤیە كوڕێ مرۆڤ بهێتە بلند كرن؟ ئەڤ كوڕێ مرۆڤ كیە؟» 35عیسای گۆتە وان: «رۆناهی بۆ دەمەكێ دی ژی یێ كورت دێ ل گەل هەوە مینیت. ئەڤجا هندی رۆناهی ل گەل هەوەیە بڕێڤە هەڕن، نەكو تاری ب سەر هەوە دا بهێت. ئەوێ ل تاریاتیێ بڕێڤە دچیت، ئەو نزانیت كیڤە دچیت. 36هندی رۆناهی ل گەل هەوەیە، باوەریێ ب رۆناهیێ بینن، دا ببنە كوڕێن رۆناهیێ.»
پشتی عیسای ئەڤ چەندە گۆتی، چوو و خۆ ژ وان ڤەشارت.
بێباوەریا خەلكی
37سەرەڕای كو وی ل بەرامبەری وان ئەڤ هەمی نیشانە كرن، وان باوەری ب وی نەئینا، 38دا گۆتنا ئیشایا پێغەمبەری ب ج‍‌ھ بهێت:
«خودان، كێ باوەر ژ پەیاما مە كر؟
زەندێ خودانی#12:38 ئانكو هێزا خودێ. بۆ كێ دیار بوو؟»#12:38 ئیشایا 53:1
39لەوما ئەو نەشیان باوەریێ بینن، چنكو ئیشایای ئەڤە ژی یا گۆتی:
40«وی چاڤێن وان كۆرە كرینە و مەژیێ وان هشك كریە،
دا ب چاڤێن خۆ نەبینن و ب مەژیێ خۆ تێنەگەهن
و بۆ من ڤەنەگەڕن، دا ئەز وان ساخ بكەم.»#12:40 ئیشایا 6:10
41ئیشایای ئەڤ چەندە گۆت، چنكو مەزناهیا مەسیحی دیت و بەحسێ وی كر. 42سەرەڕای وێ چەندێ ژی گەلەك ژ سەرۆكێن جوهیان ژی باوەری ب عیسای ئینا، لێ وان ژ بەر فەریسیان دانپێدان نەكر، دا ژ كنیشتەیێ نەهێنە دەرئێخستن، 43چنكو وان حەز ژ وێ مەزناهیێ كر یا ژ نك مرۆڤان دهێت، پتر ژ وێ مەزناهیێ یا ژ نك خودێ دهێت.
گۆتنێن عیسای ل رۆژا دویماهیێ دادكرنێ دكەن
44ئینا عیسای ب دەنگەكێ بلند گۆت: «هەر كەسێ باوەریێ ب من بینیت، ئەو باوەریێ ب وی دئینیت یێ ئەز هنارتیم، نە ب من 45و هەر كەسێ من دبینیت، وی دبینیت یێ ئەز هنارتیم. 46ئەز وەكو رۆناهی هاتیمە جیهانێ، دا هەر كەسێ باوەریێ ب من بینیت، د تاریاتیێ دا نەمینیت. 47ئەگەر ئێكی گۆتنا من بهیست و ب ج‍‌ھ نەئینا، ئەز وی داد ناكەم، چنكو ئەز نەهاتیمە جیهانێ داد بكەم، لێ جیهانێ قورتال بكەم. 48ئەوێ من رەت بكەت و گۆتنێن من قەبیل نەكەت، ئێك یێ هەی وی داد بكەت، ئەو گۆتنا من گۆتی، دێ ل رۆژا دویماهیێ وی داد كەت. 49چنكو ئەز ژ نك خۆ نە ئاخفتیمە، لێ ئەو بابێ ئەز هنارتیم، وی فەرمانا ل من كری كا دێ چ بێژم و چ ئاخڤم. 50ئەز دزانم فەرمانا وی ژیانا هەروهەرە. ئەڤجا ئەو ئاخفتنا ئەز دبێژم، ئەز وەسا دبێژم هەروەكو بابی گۆتیە من.»
Избрани в момента:
مزگینیا یوحەننای 12: BHD
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
All rights reserved.