KEJADIAN 5
5
Nai Adam in sufan
(I Taw. 1:1-4)
1Le i sul ainaf neu Nai Adam in sufan. [Anbi tabu Uisneno anmepu atoni, In anmo'e sin namas on Uisneno kun. 2In anmepu sin atoni ma bife. In anfe neu sin tetus ma athoe neno nalali te In nakanab sin nak, “Atoni”.] 3Leka Nai Adam in nan ton 130, in napeni li'anmone le namnes nok in human, ma in nakanab Nai Set. 4Nalali onane te Nai Adam fe' anmoni anteni ton 800 ma napeni anteni li'ana-li'ana bian. 5In anmate anbi tabu in nan ton 930.
6Anbi tabu Nai Set anmoni nan ton 105, in napeni li'anmone, ma in nakanab Nai Enos. 7Nalali onane te Nai Set fe' anmoni nan ton 807 anteni ma napeni anteni li'ana-li'ana bian. 8In anmate anbi tabu in nan ton 912.
9Anbi tabu Nai Enos in anmoni nan ton 90, in napeni li'anmone, le in kanan Nai Kenan. 10Nalali onane te Nai Enos fe' anmoni nan ton 815 anteni ma in napeni li'ana-li'ana bian. 11In anmate anbi tabu in nan ton 905.
12Anbi tabu Nai Kenan in anmoni nan ton 70, in napeni li'anmone, le in kanan Nai Mahalaleel. 13Nai Kenan fe' anmoni nan ton 840 anteni ma in napeni anteni li'ana-li'ana bian. 14In anmate anbi tabu in nan ton 910.
15Anbi tabu Nai Mahalaleel anmoni nan ton 65, in nahonis in anmone, le in nakanab Nai Yared. 16Nalali onane te Nai Mahalaleel fe' anmoni nan ton 830 anteni ma in napeni anteni li'ana-li'ana bian. 17In anmate anbi tabu in nan ton 895.
18Anbi tabu Nai Yared anmoni nan ton 162, in nahonis in anmone, le in nakanab Nai Henokh. 19Namuni onane te Nai Yared fe' anmoni nan ton 800 anteni ma in napeni anteni li'ana-li'ana bian. 20In anmate anbi tabu in nan ton 962.
21Anbi tabu Nai Henokh anmoni nan ton 65, in nahonis in anmone, le in nakanab Nai Metusalah. 22Nalali onane te Nai Henokh nameseb in monin nok Uisneno anbi ton 300 in nanan. In napeni anteni anah-anah bian sin, 23talantia in nan ton 365. 24Natuin Nai Henokh anmoni anbi matalus nok Uisneno, es nane te, in namneku natuin Uisneno naiti in.
25Anbi tabu Nai Metusalah in moni nan ton 187, in napeni li'anmone mese le in nakanab Nai Lamekh. 26Nalali onane te Nai Metusalah fe' anmoni nan ton 782 anteni ma in napeni anteni li'ana-li'ana bian. 27In anmate anbi tabu in nan ton 969.
28Anbi tabu Nai Lamekh in moni nan ton 182, in napeni li'anmone mese. 29Nai Lamekh namolok nak, “Li'ana le i of anha'kaf nani kit anbi tabu hit atmepu afu le Uisneno ansukat nalali.” Es nane te Nai Lamekh nakanab li'ana nane Nai Nuh. 30Nalali onane te Nai Lamekh fe' anmoni nan ton 595 anteni ma in napeni anteni li'ana-li'ana bian, 31ma in anmate anbi tabu in nan ton 777.
32Leka Nai Nuh in nan ton 500, in napeni li'anmone tenu, esle' Nai Sem, Nai Yafet ma Nai Ham.
Избрани в момента:
KEJADIAN 5: AOZ
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте