Yowanane 7
7
Yezu ne bana babu
1Pashishe Yezu kuendakana mu ditunga dia Ngalileya. Kavua musue kualukila mu Yudeya, bualu bamfumu ba bena Yuda bavua basue kumushipa. 2Tshibilu tshia bena Yuda tshia tuzubu tua Bisasa#7.2 Tshibilu tshia tuzubu tua Bisasa: tshibilu tshia bena Yuda etshi tshivua tshinenga lumingu bijima. Bavua batshienza mu ntuadijilu wa muvu wa mashika, diba dia kunowa bia pa madimi. Tshivua tshivuluija bena Izrayele muvuabu basombe mu tshipela. Tangila Lev 23.34-36; Diel 16.13. tshikavua pabuipi. 3Bana babu ne Yezu kumuambila ne:
— Umuka munemu, uye mu Yudeya bua balongi bebe kabidi bamone midimu iudi ukuata. 4Muntu kena usokoka bidiye wenza padiye musue bua bamumanye. Bu muudi wenza midimu minene nanku, enza bua bantu bonsu bakumone.
5(Bana babu mene kabavua bamuitaba to). 6Yezu kubambila ne:
— Dianyi diba kadiena dianji kufika to. Kadi buenu nuenu, diba dionsu ndimpe. 7Ba pa buloba kabena mua kunukina. Kadi badi bankina meme, bualu ndi njadika ne: midimu idibu bakuata mmibi. 8Nuye nuenu ku tshibilu. Meme tshiena nya ku tshibilu etshi to,#7.8 tshiena nya: mu imue mikanda ya kale mbafunde ne: tshiena nya mpindiewu to. bualu dianyi diba kadiena dianji kufika.
9Yezu mumane kubambila nanku, kushalaye mu Ngalileya.
Yezu mu tshibilu tshia tuzubu tua Bisasa
10Bana babu ne Yezu bamane kuya ku tshibilu atshi, Yezu kabidi kuyamu mu musokoku, kayi musue kudileja kudi bantu. 11Bamfumu ba bena Yuda bavua bamukeba mu tshibilu atshi,#7.11 Tangila 7.2 ne diumvuija . bakonkangana ne:
— Udi penyi?
12Bantu bavua belangana mpata bikole bualu buende. Bamue bavua bamba ne: “Mmuntu wa malu mimpe.” Bakuabu ne: “To, udi udinga bantu.” 13Kadi kakuvua muntu nansha umue uvua umutela patoke, bualu bavua batshina bamfumu ba bena Yuda.
14Matuku a tshibilu akavua pankatshikatshi, ke Yezu kubuela mu nzubu wa Mvidi Mukulu, kubanga kulongesha. 15Bena Yuda bavua bakatshila, bamba ne:
— Mmunyi mudi muntu ewu mumanye malu bungi nenku, kayi mulonge mikanda.#7.15 Fuanyikija ne Mat 13.54; Luk 2.47.
16Ke Yezu kubandamuna ne:
— Dilongesha dindi ndongesha kadiena difuma kundi, kadi kudi Mvidi Mukulu uvua muntume. 17Muntu udi musue kuenza tshidi Mvidi Mukulu musue, neajingulule mudi dilongesha dianyi difume kudi Mvidi Mukulu, nansha kundi meme nkayanyi. 18Muntu udi wakula mu dina diende nkayende udi udikebela lumu. Kadi muntu udi ukuata mudimu bua kutumbisha uvua mumutume, udi wamba malu malelela. Kena ushima ku bualu nansha bumue to. 19Moshe uvua munuelele mikenji. Ki mmomu anyi? Kadi kakuena muntu wa kunudi nansha umue udi utumikila mikenji eyi. Kadi nudi nukeba kunshipa bua tshinyi?
20Bantu kumuandamuna ne:
— Udi ne mukishi mubi munda muebe! Udi ukeba kukushipa nnganyi?
21Yezu kubandamuna ne:
— Ndi muenze amu tshishima tshimue, nuenu nukadi nukemangana bonsu! 22Moshe uvua munuelele mukenji wa kuteka bana ba balume panshi. Moshe kavua mutuadije kuenza nanku to, kadi bavua batuadija mbankambua benu.#7.22 Tangila Lev 12.3; Tshib 17.10-13. Nudi nuanyisha bua bateke muntu panshi, nansha dituku dia Dikisha! 23Panudi nuteka muana wa balume panshi dituku dia Dikisha, bualu kanuena basue kunyanga mikenji ya Moshe, kadi nudi numfikila munda bua tshinyi, pandi meme mujikije disama dijima dia muntu dituku dia Dikisha?#7.23 Tangila 5.8-9. 24Lekelayi kukosa nsambu amu ku malu anudi numona ne mesu. Kadi nulonde tshilumbu tshia muntu kanuyi ne kansungasunga.#7.24 Fuanyikija ne Lev 19.15; Yesh 11.4.
Yezu udi Meshiya anyi?
25Bena mu Yerushalayime bakuabu bavua bakonka ne:
— Muntu ewu bamfumu bavua bakeba kumushipa, ki mmomumue anyi? 26Kadi tangilayi: udi wakula kumpala kua bantu bonsu, kakuyi muntu umuenza bualu! Bamfumu betu mbajadike bulelela ne: udi Meshiya anyi? 27Kadi pafika Meshiya, muntu kena mua kumanya kudiye ufuma. Kadi muntu ewu tudi bamanye kudiye ufuma.
28Diba adi Yezu uvua ulongesha mu nzubu wa Mvidi Mukulu. Kuelaye diyi dikole ne:
— Nuenu nudi baajingulule meme, bamanye menemene kundi mfuma anyi? Tshiena mudivuile mu dina dianyi to. Kadi uvua muntume, nudi mua kutekemena kudiye. Nuenu kanuena bamumanye. 29Meme ndi mumumanye, bualu ndi mufume kudiye. Yeye kabidi ke udi muntume.
30Nanku bantu bavua basue kumukuata. Kadi muntu nansha umue kavua mua kumupeta, bualu diba dia kumukuata kadivua dianji kukumbana. 31Kadi ba bungi ba ku bavua muaba awu, kumuitaba. Bavua bakonkangana ne: “Pafika Meshiya, neenze bishima bipite bivua muntu ewu muenze anyi?”
Badi batuma basolayi bua kukuata Yezu
32Baparushe kumvua bantu bavule banungana bua Yezu. Ke bamfumu ba batuangaji ne Baparushe kutuma basolayi bua kumukuata. 33Kadi Yezu kuamba ne: — Ntshidi kabidi nenu amu bua matuku utabala ku minu, pashishe nenye kudi uvua muntume. 34Nenunkebe, kadi kanuakummona kabidi. Bualu kanuena mua kuya muaba undi to.
35Bena Yuda kukonkangana ne:
— Nkuepi kuayaye kutudi katuyi mua kumumona? Uyaya kudi bena Yuda badi batangalaka mu bena Ngreke bua kulongesha bena Ngreke anyi?#7.35 Bena Ngreke aba mbantu bonsu badi kabayi bena Yuda. 36Padiye wamba ne: Nenunkebe kanuyi nummona, bualu kanuena mua kuya kundi nya, tshidiye musue kumvuija ntshinyi?
Misulu ya mayi a muoyi
37Dituku dia ndekelu dia tshibilu divua dituku dinene dipite.#7.37 Tangila Lev 23.36. Dituku adi, Yezu kuimana kulu kumpala kua bantu tshisumbu tshinene, wela diyi dikole ne:
— Pikala muntu ne nyota, alue kundi, anue. 38Ke padibu bafunde mu Mikanda ya tshijila#7.38 Fuanyikija ne Yez 47.1; Zek 14.8; Nsum 18.4. ne: “Misulu ya mayi a muoyi neyipueke munda mua muntu udi ungitaba.”
39(Yezu uvua uleja nanku Mueyelu wa Tshijila uvua bantu bavua bamuitaba ne bua kupeta. Bualu diba adi bantu kabavua banji kupeta Mueyelu wa Tshijila to, bualu Yezu kavua muanji kupeta butumbi buende).
Bantu badi baditapulula bualu bua Yezu
40Ku bantu bavua bamane kumvua muvua Yezu muakule, bamue bavua bamba ne:
— Bulelela muntu ewu udi Muambi utudi bindile!
41Bakuabu bavua bamba ne:
— Yeye ke Meshiya!
Kadi bamue bavua bakonka ne:
— Meshiya udi mua kufumina mu Ngalileya#7.41 Fuanyikija ne 1.46; 7.52. anyi? 42Mbafunde mu Mikanda ya tshijila ne: Meshiya neikale wa ku ndelanganyi ya Davide. Neatumine mu Betleyeme, mu musoku uvua Davide usomba.#7.42 Tangila 2 Sam 7.12; Mi 5.1.
43Nanku bantu kuditapulula bua Yezu. 44Bamue ba kudibu bavua basue kumukuata. Kadi muntu nansha umue kavua umulenga pambidi.
Bamfumu ba bena Yuda badi babenga kuitaba
45Basolayi kupingana kudi bamfumu ba batuangaji ne kudi Baparushe. Bobu kubakonka ne:
— Kanuena balue ne Yezu bua tshinyi?
46Basolayi kuandamuna ne:
— Katshia muntu kena muanji kuakula bu muntu ewu!
47Ke Baparushe kubakonka ne:
— Mbanudinge ne nuenu kabidi anyi? 48Kudi mfumu wa kutudi nansha umue, nansha muntu wa ku Baparushe uvua mumuitabe anyi? 49Kadi bantu abu kabena bamanye mikenji ya Moshe nansha. Mbantu bavuabu bela mulawu!
50Nikodemu uvua umue wa ku Baparushe bavua muaba awu. Ke yeye uvua muye kumonangana ne Yezu kumpala kua matuku.#7.50 Tangila 3.1-2. Kubambilaye ne:
51— Bilondeshile mikenji yetu, katuena mua kupisha muntu katuyi banji kumvua bidiye wamba, katuyi bamanye bivuaye muenze.#7.51 Fuanyikija ne Diel 1.16.
52Kumuandamunabu ne:
— Wewe kabidi udi muena Ngalileya anyi? Longa Mikanda ya tshijila! Neumone ne: muambi nansha umue katshia ki mmuanji kufuma ku Ngalileya.#7.52 Fuanyikija ne 1.46; 7.41.
[ 53Pashishe muntu yonsu kupingana kuende.#7.53 Miaku idi mu 7.53—8.11 kabena bayifunde mu mikanda yonsu ya kale to.
Избрани в момента:
Yowanane 7: TSH96
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
Bible avec Livres Deutérocanoniques en Tshiluba © Société Biblique de la R. D. Congo, 1996
Yowanane 7
7
Yezu ne bana babu
1Pashishe Yezu kuendakana mu ditunga dia Ngalileya. Kavua musue kualukila mu Yudeya, bualu bamfumu ba bena Yuda bavua basue kumushipa. 2Tshibilu tshia bena Yuda tshia tuzubu tua Bisasa#7.2 Tshibilu tshia tuzubu tua Bisasa: tshibilu tshia bena Yuda etshi tshivua tshinenga lumingu bijima. Bavua batshienza mu ntuadijilu wa muvu wa mashika, diba dia kunowa bia pa madimi. Tshivua tshivuluija bena Izrayele muvuabu basombe mu tshipela. Tangila Lev 23.34-36; Diel 16.13. tshikavua pabuipi. 3Bana babu ne Yezu kumuambila ne:
— Umuka munemu, uye mu Yudeya bua balongi bebe kabidi bamone midimu iudi ukuata. 4Muntu kena usokoka bidiye wenza padiye musue bua bamumanye. Bu muudi wenza midimu minene nanku, enza bua bantu bonsu bakumone.
5(Bana babu mene kabavua bamuitaba to). 6Yezu kubambila ne:
— Dianyi diba kadiena dianji kufika to. Kadi buenu nuenu, diba dionsu ndimpe. 7Ba pa buloba kabena mua kunukina. Kadi badi bankina meme, bualu ndi njadika ne: midimu idibu bakuata mmibi. 8Nuye nuenu ku tshibilu. Meme tshiena nya ku tshibilu etshi to,#7.8 tshiena nya: mu imue mikanda ya kale mbafunde ne: tshiena nya mpindiewu to. bualu dianyi diba kadiena dianji kufika.
9Yezu mumane kubambila nanku, kushalaye mu Ngalileya.
Yezu mu tshibilu tshia tuzubu tua Bisasa
10Bana babu ne Yezu bamane kuya ku tshibilu atshi, Yezu kabidi kuyamu mu musokoku, kayi musue kudileja kudi bantu. 11Bamfumu ba bena Yuda bavua bamukeba mu tshibilu atshi,#7.11 Tangila 7.2 ne diumvuija . bakonkangana ne:
— Udi penyi?
12Bantu bavua belangana mpata bikole bualu buende. Bamue bavua bamba ne: “Mmuntu wa malu mimpe.” Bakuabu ne: “To, udi udinga bantu.” 13Kadi kakuvua muntu nansha umue uvua umutela patoke, bualu bavua batshina bamfumu ba bena Yuda.
14Matuku a tshibilu akavua pankatshikatshi, ke Yezu kubuela mu nzubu wa Mvidi Mukulu, kubanga kulongesha. 15Bena Yuda bavua bakatshila, bamba ne:
— Mmunyi mudi muntu ewu mumanye malu bungi nenku, kayi mulonge mikanda.#7.15 Fuanyikija ne Mat 13.54; Luk 2.47.
16Ke Yezu kubandamuna ne:
— Dilongesha dindi ndongesha kadiena difuma kundi, kadi kudi Mvidi Mukulu uvua muntume. 17Muntu udi musue kuenza tshidi Mvidi Mukulu musue, neajingulule mudi dilongesha dianyi difume kudi Mvidi Mukulu, nansha kundi meme nkayanyi. 18Muntu udi wakula mu dina diende nkayende udi udikebela lumu. Kadi muntu udi ukuata mudimu bua kutumbisha uvua mumutume, udi wamba malu malelela. Kena ushima ku bualu nansha bumue to. 19Moshe uvua munuelele mikenji. Ki mmomu anyi? Kadi kakuena muntu wa kunudi nansha umue udi utumikila mikenji eyi. Kadi nudi nukeba kunshipa bua tshinyi?
20Bantu kumuandamuna ne:
— Udi ne mukishi mubi munda muebe! Udi ukeba kukushipa nnganyi?
21Yezu kubandamuna ne:
— Ndi muenze amu tshishima tshimue, nuenu nukadi nukemangana bonsu! 22Moshe uvua munuelele mukenji wa kuteka bana ba balume panshi. Moshe kavua mutuadije kuenza nanku to, kadi bavua batuadija mbankambua benu.#7.22 Tangila Lev 12.3; Tshib 17.10-13. Nudi nuanyisha bua bateke muntu panshi, nansha dituku dia Dikisha! 23Panudi nuteka muana wa balume panshi dituku dia Dikisha, bualu kanuena basue kunyanga mikenji ya Moshe, kadi nudi numfikila munda bua tshinyi, pandi meme mujikije disama dijima dia muntu dituku dia Dikisha?#7.23 Tangila 5.8-9. 24Lekelayi kukosa nsambu amu ku malu anudi numona ne mesu. Kadi nulonde tshilumbu tshia muntu kanuyi ne kansungasunga.#7.24 Fuanyikija ne Lev 19.15; Yesh 11.4.
Yezu udi Meshiya anyi?
25Bena mu Yerushalayime bakuabu bavua bakonka ne:
— Muntu ewu bamfumu bavua bakeba kumushipa, ki mmomumue anyi? 26Kadi tangilayi: udi wakula kumpala kua bantu bonsu, kakuyi muntu umuenza bualu! Bamfumu betu mbajadike bulelela ne: udi Meshiya anyi? 27Kadi pafika Meshiya, muntu kena mua kumanya kudiye ufuma. Kadi muntu ewu tudi bamanye kudiye ufuma.
28Diba adi Yezu uvua ulongesha mu nzubu wa Mvidi Mukulu. Kuelaye diyi dikole ne:
— Nuenu nudi baajingulule meme, bamanye menemene kundi mfuma anyi? Tshiena mudivuile mu dina dianyi to. Kadi uvua muntume, nudi mua kutekemena kudiye. Nuenu kanuena bamumanye. 29Meme ndi mumumanye, bualu ndi mufume kudiye. Yeye kabidi ke udi muntume.
30Nanku bantu bavua basue kumukuata. Kadi muntu nansha umue kavua mua kumupeta, bualu diba dia kumukuata kadivua dianji kukumbana. 31Kadi ba bungi ba ku bavua muaba awu, kumuitaba. Bavua bakonkangana ne: “Pafika Meshiya, neenze bishima bipite bivua muntu ewu muenze anyi?”
Badi batuma basolayi bua kukuata Yezu
32Baparushe kumvua bantu bavule banungana bua Yezu. Ke bamfumu ba batuangaji ne Baparushe kutuma basolayi bua kumukuata. 33Kadi Yezu kuamba ne: — Ntshidi kabidi nenu amu bua matuku utabala ku minu, pashishe nenye kudi uvua muntume. 34Nenunkebe, kadi kanuakummona kabidi. Bualu kanuena mua kuya muaba undi to.
35Bena Yuda kukonkangana ne:
— Nkuepi kuayaye kutudi katuyi mua kumumona? Uyaya kudi bena Yuda badi batangalaka mu bena Ngreke bua kulongesha bena Ngreke anyi?#7.35 Bena Ngreke aba mbantu bonsu badi kabayi bena Yuda. 36Padiye wamba ne: Nenunkebe kanuyi nummona, bualu kanuena mua kuya kundi nya, tshidiye musue kumvuija ntshinyi?
Misulu ya mayi a muoyi
37Dituku dia ndekelu dia tshibilu divua dituku dinene dipite.#7.37 Tangila Lev 23.36. Dituku adi, Yezu kuimana kulu kumpala kua bantu tshisumbu tshinene, wela diyi dikole ne:
— Pikala muntu ne nyota, alue kundi, anue. 38Ke padibu bafunde mu Mikanda ya tshijila#7.38 Fuanyikija ne Yez 47.1; Zek 14.8; Nsum 18.4. ne: “Misulu ya mayi a muoyi neyipueke munda mua muntu udi ungitaba.”
39(Yezu uvua uleja nanku Mueyelu wa Tshijila uvua bantu bavua bamuitaba ne bua kupeta. Bualu diba adi bantu kabavua banji kupeta Mueyelu wa Tshijila to, bualu Yezu kavua muanji kupeta butumbi buende).
Bantu badi baditapulula bualu bua Yezu
40Ku bantu bavua bamane kumvua muvua Yezu muakule, bamue bavua bamba ne:
— Bulelela muntu ewu udi Muambi utudi bindile!
41Bakuabu bavua bamba ne:
— Yeye ke Meshiya!
Kadi bamue bavua bakonka ne:
— Meshiya udi mua kufumina mu Ngalileya#7.41 Fuanyikija ne 1.46; 7.52. anyi? 42Mbafunde mu Mikanda ya tshijila ne: Meshiya neikale wa ku ndelanganyi ya Davide. Neatumine mu Betleyeme, mu musoku uvua Davide usomba.#7.42 Tangila 2 Sam 7.12; Mi 5.1.
43Nanku bantu kuditapulula bua Yezu. 44Bamue ba kudibu bavua basue kumukuata. Kadi muntu nansha umue kavua umulenga pambidi.
Bamfumu ba bena Yuda badi babenga kuitaba
45Basolayi kupingana kudi bamfumu ba batuangaji ne kudi Baparushe. Bobu kubakonka ne:
— Kanuena balue ne Yezu bua tshinyi?
46Basolayi kuandamuna ne:
— Katshia muntu kena muanji kuakula bu muntu ewu!
47Ke Baparushe kubakonka ne:
— Mbanudinge ne nuenu kabidi anyi? 48Kudi mfumu wa kutudi nansha umue, nansha muntu wa ku Baparushe uvua mumuitabe anyi? 49Kadi bantu abu kabena bamanye mikenji ya Moshe nansha. Mbantu bavuabu bela mulawu!
50Nikodemu uvua umue wa ku Baparushe bavua muaba awu. Ke yeye uvua muye kumonangana ne Yezu kumpala kua matuku.#7.50 Tangila 3.1-2. Kubambilaye ne:
51— Bilondeshile mikenji yetu, katuena mua kupisha muntu katuyi banji kumvua bidiye wamba, katuyi bamanye bivuaye muenze.#7.51 Fuanyikija ne Diel 1.16.
52Kumuandamunabu ne:
— Wewe kabidi udi muena Ngalileya anyi? Longa Mikanda ya tshijila! Neumone ne: muambi nansha umue katshia ki mmuanji kufuma ku Ngalileya.#7.52 Fuanyikija ne 1.46; 7.41.
[ 53Pashishe muntu yonsu kupingana kuende.#7.53 Miaku idi mu 7.53—8.11 kabena bayifunde mu mikanda yonsu ya kale to.
Избрани в момента:
:
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
Bible avec Livres Deutérocanoniques en Tshiluba © Société Biblique de la R. D. Congo, 1996