John 11
11
1Jena way jēr on na, Lazarus cha Bethany, dek’ i Mariama, ak mag am Martha.
2Te kile di Mariama ma diw on Borom bi ak h͈êñh͈êñ, te fomp’ i tank’ am ak kouar am, ku chameñ am Lazarus jēr on.
3Jigen am ya nak yōni fa mōm, ne, Borom bi, gisal ka nga sopa jēr na.
4Wande ba ko Yesu dēge, mu ne, Jēr bōbu du tah͈ mu dē, wande di na jem chi ndam i Yalla, ndah͈ Dōm i Yalla jele chi ndam.
5Yesu nak sop’ on na Martha, ak rak’ am ju jigen, ak Lazarus.
6Ba mu dēge ne jēr na, mu jēki fa be ñar i fan cha bereb ba mu nek’ on.
7Cha ganou lōlu mu ne talube ya, Na ñu demati Judea.
8Talube ya ne ko, Rabbi, Yauod ya’ngi la don ūt ndah͈ ñu jumat la ak i doch; te di nga fa demati?
9Yesu tontu, ne, Ndah͈ dowul fuk’ i wah͈tu ak ñar chi bechek? Su kena doh͈e chi bechek, du fakatalu, ndege di na gis lêr i aduna sile.
10Wande su kena doh͈e chi gudi, di na fakatalu, ndege lêr gi nekul chi mōm.
11Yef yile la wah͈ on; te ganou lōlu mu ne len, Lazarus suñu h͈arit defa nelou; wande di nā dem ndah͈ ma ê ko chi nelou am.
12Talube ya ne ko, Borom bi, su neloue, di na wer.
13Yesu nak chi dē am la wah͈ on; wande ñu dēfe ne chi nopaliku’ nelou la wah͈ on.
14Mōtah͈ Yesu nelen bu set, Lazarus dē na.
15Te da ma kontan ndig yēn ne neku ma fa won, ndah͈ ngēn gum; wande na ñu dem fa mōm.
16Thomas ku tuda sīh͈ bi, ne i morom i talube am ya, Na ñu dem itam, ndah͈ ñu dē ak mōm.
17Ba Yesu agse, mu feka mu am nak ñenent i fan cha bamel ba.
18Bethany jegeñ na Jerusalem, lu day ni fuk’ i furlong ak jurom.
19Te Yauod yu bare ñou on nañu fa Martha ak Mariama, ndah͈ ñu jālesi len sēn chameñ.
20Martha nak ba mu dēge ne Yesu agsi na, mu dal di ko gatanduji: wande Mariama tōgandi cha bir nēg ba.
21Martha ne Yesu, Borom bi, so fi nek’ on, suma chameñ dowul kōn dēi.
22Te nistey itam, h͈am nā ne lo mun a ñān Yalla, Yalla di na la ko may.
23Yesu ne ko, Sa chameñ di na dēkêti.
24Martha ne ko, H͈am nā ne di na dēki cha ndēkite ga kera bes ba.
25Yesu ne ko, Mā di ndēkite gi ak dūnda gi: ku gum chi man, su dēe sah͈, di na dūnda:
26Te ku mu mun a don ku di dūnda te gum chi man, du dē muka. Ndah͈ gum nga lile?
27Mu ne ko, Wau, Borom bi, gum nā ne Yā di Krista, Dōm i Yalla, ka dika chi aduna si.
28Ganou ba mu wah͈e lōlu, mu dem te ô Mariama rak’ am chi kumpa, ne, Borom ba’ngi fi, te mungi la ô.
29Te mōm ba mu ko dēge, mu jog bu gou te dem fa mōm.
30Yesu nak dikangul on cha bir deka ba, wande munga cha bereb ba ko Martha fek’ on.
31Yauod ya nak ña nek’ on ak mōm cha nēg ba, di ko jāle, ba ñu gise ne Mariama jog bu gou te gēna, ñu topa ko, ndege fōg on nañu ne munga dem cha bamel ba ndah͈ mu yuh͈u fa.
32Ba Mariama agse fa Yesu nek’ on, te gis ko, mu dānu chi i tank’ am, ne ko, Borom bi, so fi nek’ on, suma chameñ dowul kōn dēi.
33Ba ko Yesu gise mu di yuh͈u, ak Yauod ya di yuh͈u ña and’ ak mōm, mu bini chi nh͈el ma, te getenu,
34Te ne, Ana fu ngēn ko tedal? Ñu ne ko, Borom bi, dikal te gis.
35Yesu joy.
36Yauod ya ne nak, Sêt len, naka mu ko sope won!
37Wande ñena chi ñom ne, Kile ūbi won i but i silmah͈a ba, ndah͈ munul on a tah͈ itam ne kōku dowul on dēi?
38Yesu nak, di binêti chi bop’ am, dika cha bamel ba. Nkan la won, te teg on nañu doch chi kou am.
39Yesu ne, Tegi len doch wi. Martha, jigen i ka dē on, ne ko, Borom bi, wah͈tu wile di na feka mu h͈asou; ndege dē on na be am ñenent i fan.
40Yesu ne ko, Ndah͈ wah͈u ma la won ne, so gume, di nga gisi ndam i Yalla?
41Mōtah͈ ñu tegi doch wa. Te Yesu yēkati i but am, te ne, Bay bi, mangi la gerem ndege dēga nga ma.
42Te h͈am nā ne dēga nga ma sā su neka: wande ndig mbōlo mu tah͈ou file ma wah͈ ko, ndah͈ ñu gum ne Yā ma yōni on.
43Te ba mu wah͈e nōgule, mu h͈āchu be cha kou, ne, Lazarus, gēnasil.
44Ka dē on gēnasi, ak na ñu ewe won loh͈o am ak tank’ am ak yēre’ bamel ya; te kanam am ñu lah͈as ko ak ser. Yesu ne len, Ewi len ko, te bayi ko mu dem.
45Yauod yu bare nak ña dik’ on fa Mariama, te gis li mu def on, gum chi mōm.
46Wande ñena chi ñom dem fa Pharisee ya, te nitali len yef ya Yesu def on.
47Njīt i seriñ ya nak ak Pharisee ya dajalo fēncho, te ne, Ana lu ño def? ndege nit kile def na koutef yu bare.
48Su ñu ko bayie nōgule, ñepa di nañu gum chi mōm: te wā’ Rome ya di nañu dika, te jel suñu bereb ak suñu rew itam.
49Wande kena chi ñom, Caiaphas, ka don kēlifa i seriñ ya cha at mōmale, ne len, H͈amu len dara,
50Te sêtluwu len ne di na len genal ndah͈ kena nit dē ndig mbōtay gi, te du h͈êt gi gepa di boka sanku.
51Te lile wah͈u ko won chi bop’ am; wande ndege mō nek’ on kēlifa i seriñ ya cha at mōmale, mu wolif ne Yesu war a dē ngir h͈êt wi;
52Te du ngir h͈êt wi reka, wande ndah͈ mu mun a dajale chi bena dōm i Yalla ña tasāro won fu neka.
53Cha ganou bes bōbale, ñu fēncho ndah͈ ñu rēy ko.
54Tah͈na Yesu doh͈atul cha kanam i Yauod ya, wande mu bayako fa, dem rew mu jegeñ manding ma, cha deka bu tūda Ephraim; te mu jēki fa ak talube ya.
55H͈ewte i Yauod ya jegeñsi na; te ñu bare juge cha deka ya, dem cha Jerusalem ba h͈ewte ga lāta jot, ndah͈ ñu setal sēn bopa.
56Ñu ūt Yesu nak, te wah͈ante chi sēn bopa ba ñu tah͈oue cha juma ja, ne, Ana lu ngēn dēfe? Ne du ñou chi h͈ewte gi?
57I njīt i seriñ ya ak Pharisee ya joh͈e won nañu eble, ne su kena h͈ame fu mu neka, na ko wone, ndah͈ ñu japa ko.
Избрани в момента:
John 11: GWG
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
Published by the British and Foreign Bible Society 1882-1907.