John 20
20
1Chi bes bu jeka ba nak chi ay i bes ba, Mariama dika têl cha bamel ba, ba mu lendeme, te mu gis ñu tegi on doch wa cha bamel ba.
2Mu dou nak, te dika fa Simon Peter, ak benen talube ba Yesu sop’ on, te ne len, Da ñu jel Borom bi cha bir bamel ba, te h͈amu ñu fu ñu ko tedal.
3Peter gēna dem, ak benen talube ba, te ñu dem fa bamel ba.
4Te ñu douando; te benen talube ba rau Peter, te jeka agsi cha bamel ba;
5Te mu sega, sêt cha bir, te gis ser yu wêh͈ ya di teda; wande tabiwul cha bir.
6Simon Peter itam ñou, di ko topa, te duga cha bir bamel ba; te mu sêt ser yu wêh ya di teda,
7Ak ser ba nek’ on chi bop’ am tedul ak ser yu wêh͈ ya, wande mu lemu chi mpet mōm dal.
8Tah͈na benen talube ba duga cha bir itam, ka jek’ on a dika cha bamel ba, te mu gis te gum.
9Ndege h͈amangu ñu on mbinda ma, ne di na dēki cha dē ga.
10Talube ya nak ñibi cha sēn ker.
11Wande Mariama tah͈ou cha biti bamel ba di joy: naka mo joye, mu sega te sêt cha bir bamel ba;
12Te mu gis ñar i malaka chi chol yu wêh͈, te ñu di tōg, kena cha bopa ba, ak kenen cha tanka ya, fa yaram i Yesu ted’ on.
13Te ñu ne ko, Jigen ji, ana lutah͈ nga di joy? Mu ne len, Ndege jel on nañu suma Borom, te h͈amu ma fu ñu ko tedal.
14Ba mu wah͈e lōlu, mu h͈inaku, te gis Yesu di tah͈ou, te h͈amul ne Yesu la.
15Yesu ne ko, Jigen ji, ana lutah͈ nga di joy? ana kan nga ūt? mu fōg ne mō di otukat i tōl ba, te ne ko, Gōr gi, so ko jel on, wah͈ ma fo ko tedal on, te di nā ko jel yubu.
16Yesu ne ko, Mariama. Mu h͈inaku, te ne ko chi lak’ i Yauod ya, Rabboni, mu tiki, ne, Borom bi.
17Yesu ne ko, Bul ma japa; ndege yēgangu ma fa Bay ba: wande demal fa suma i mboka, te ne len, Da ma yēg fa suma Bay ak sēn Bay, fa suma Yalla ak sēn Yalla.
18Mariama Magdalene dika te nitali talube ya, ne, Gis on nā Borom bi; ak naka mu ko wah͈e yef yile.
19Ba ngon jote nak cha bes bōba, bu jeka chi ay i bes ba, te bunta ya teju fa talube ya neka, ndege ragal on nañu Yauod ya, Yesu dika, te tah͈ou chi sēn diga, te ne len, Jama and’ ak yēn.
20Te ba mu wah͈e lōlu, mu won len i loh͈o am ak wet am. Tah͈na talube ya banēh͈u ba ñu gise Borom bi.
21Yesu nêti len, Jama and’ ak yēn: naka ma Bay ba yōni on, man it nōnu lā len yōni.
22Te ba mu wah͈e lōlu, mu bini cha ñom, te ne len, Nangu len Nh͈el mu Sela ma:
23Ku ngēn mun a baal bakar am, di nañu len ko baal; ku ngēn baalul bakar am, du ñu len ko baal.
24Wande Thomas, kena cha fuk’ ak ñar ña, ku tūda sīh͈ bi, nekul on ak ñom ba Yesu dike.
25Yenen i talube ya ne ko nak, Gis on nañu Borom bi. Wande mu ne len, Digfey gisu ma chi i loh͈o am natal i dāj ya, te def suma baram chi mpah͈ i dāj ya, te def suma loh͈o chi wet am, du ma ko gum.
26Te ganou jurom ñet’ i fan, i talube am nekati cha bir, ak Thomas and’ ak ñom. Yesu dika, feka bunta ya teju, mu tah͈ou chi sen diga, te ne, Jama and’ ak yēn.
27Ganou lōlu mu ne Thomas, Defal file sa baram, te gis suma i lōh͈o; te defal file sa loh͈o te jō ko chi suma wet: te bul gumadi, wande na nga gum.
28Thomas tontu te ne ko, Suma Borom ak suma Yalla.
29Yesu ne ko, Ndege gis nga ma tah͈na nga gum: barkel cha ña gisul, wande da ñu gum.
30Yenen koutef yu bare nak am on na, ya Yesu def on cha kanam i talube am, ya ñu bindul on chi tēre bile:
31Wande yile la ñu bind’ on ndah͈ ngēn gum ne Yesu mō di Krista, Dōm i Yalla; te naka ngēn gume, mun ngēn ami dūnda chi tur am.
Избрани в момента:
John 20: GWG
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
Published by the British and Foreign Bible Society 1882-1907.