John 7
7
1Cha ganou yef yile Yesu doh͈ on na cha Galilee: ndege bugul on a doh͈ chi Judea, ndege Yauod ya don nañu ko ūt a rēy.
2Te h͈ewte i Yauod ya jegēnsi na, mu di h͈ewte i mbār ya.
3Mbok’ am ya ne ko nak, Gēnal file te dem cha Judea, ndah͈ sa i talube itam mun a gis sa koutef yi nga def.
4Ndege ken deful lef chi kumpa, te mō buga ñu h͈am ko chi biti. So defe yef yile fêñal sa bopa chi aduna si.
5Ndege i mbok’ am sah͈ gumu ñu on chi mōm.
6Yesu ne len, Suma wah͈tu jotangul; wande sēn wah͈tu sā su neka la.
7Aduna si munul len a bañ; wande man la bañ, ndege sēde nā chi lu jem chi mōm ne i ligey am bon nañu.
8Yēn dem len cha h͈ewte ga; mā demangul cha h͈ewte gile; ndege suma wah͈tu motangul.
9Ba mu len wah͈e yef yile, mu dekandi cha Galilee.
10Wande ba i mbok’ am deme cha h͈ewte ga, mu dem fa itam, du chi kanam i ñepa, wande chi wētay.
11Yauod ya nak ūt ko cha h͈ewte ga, te ne, Ana mu?
12Te werante yu bare neka chi bir mbōlo ya chi lu jem chi mōm: ñena ne, Nit ku bāh͈ la; ñenen ne, Dēdēt, wande defa nah͈ mbōlo ma ndah͈ ñu jada.
13Wande ken wah͈ul chi biti chi lu jem chi mōm, ndig ragal i Yauod ya.
14Wande ba dig’ i h͈ewte ga jote, Yesu dem cha bir juma ja, te jemantale.
15Tah͈na Yauod ya jomi, ne, Naka la kile def be mun a janga, te mosul a jemantu?
16Yesu tontu len mbōk, te ne, Suma njemantal dowul suma bos, wande bos i ka ma yōni on.
17Su kena buge def mbugel am, di na h͈am su njemantal mi juge cha Yalla, mbāte da ma wah͈al suma bopa.
18Ku di wah͈ chi bop’ am, ndam i bop’ am la di ūt: wande ku di ūt ndam i ka ko yōni on, mō di dega, te jubadi nekul chi mōm.
19Ndah͈ Musa joh͈ul len on yōn wi? te ken chi yēn deful yōn wi. Ana lutah͈ ngēn di ma ūt a rēy?
20Mbōlo ma tontu, ne, Am nga jine: ana ku la ūt a rēy?
21Yesu tontu te ne len, Def on nā bena koutef, te ngēn jomi yēn ñepa.
22Mōtah͈ Musa joh͈ on na len h͈arfal (du cha Musa la juge, wande cha h͈āt ya); te chi Dimas ngēn di h͈arfal gōr.
23Su ngēn h͈arfale gōr chi Dimas mbōk, ndah͈ du len moy eble’ Musa ba, ndah͈ da ngēn ma mere ndege weral on nā nit cheng cha Dimas ja?
24Bu len ate chi h͈ar kanam, wande ate len ate bu jūb.
25Ñena chi wā’ Jerusalem ya ne nak, Ndah͈ du kile la ñu ūt a rēy?
26Te munga wah͈ chi biti, te wah͈u len ko dara. Ndah͈ kēlifa ya h͈am nañu ne kile di Krista chi dega?
27Wande h͈am nañu kile fu mu juge: wande su Krista ñoue, ken du h͈am fu mu juge.
28Tah͈na Yesu h͈āchu cha juma ja, di jemantale, ne, Da ngēn ma h͈am, te h͈am fu ma juge itam; te diku ma chi suma bopa, wande ka ma yōni on dega la, ka ngēn h͈amul.
29Mā ko h͈am; ndege fa mōm lā juge, te mō ma yōni on.
30Ñu di ko ūt a japa nak; wande ken tegul loh͈o chi kou am, ndege wah͈tu am jotangul.
31Wande lu bare cha mbōlo ma gum on nañu chi mōm; te ñu ne, Su Krista di dika, ndah͈ di na def koutef yu upa yi kile def on?
32Pharisee ya dēga mbōlo ma ñu werante yef yile chi lu jem chi mōm; te njīt i seriñ ya ak Pharisee ya yōni i saltige ñu japa ko.
33Yesu ne len, Wah͈tu wu new reka lā neka ak yēn, te di nā dem fa ka ma yōni on.
34Di ngēn ma ūti, te du len ma gis; te fu ma neka, du len mun a dika.
35Tah͈na Yauod ya ne chi sen bopa, Fan la kile di dem, be du ñu ko mun a feka? ndah͈ di na dem cha ña tasāro cha bir Gentile ya, te jemantal Gentile ya am?
36Ana lu di bāt bile mu wah͈, Di ngēn ma ūti, te du len ma gis; te fu ma neka, du len mun a dika?
37Cha bes i h͈ewte bu rey bu muje ba, Yesu tah͈ou te h͈achu, ne, Su kena mare, na ñou fi man te nān.
38Ku gum chi man, naka mbinda ya wah͈e, i deh͈ i ndoh͈ um dūnda di nañu wal chi bir am.
39Wande wah͈ on na lile chi lu jem cha Nh͈el ma, ndah͈ ña gum chi mōm di nañu am; ndege mayêngu ñu Nh͈el ma, ndege Yesu amangul ndam am.
40Ñena chi mbōlo ma nak, ba ñu dēge bāt yōyu, ne, Chi dega kile di yonent ba.
41Ñenen ne, Kile di Krista. Wande ñenen ne, Lan, ndah͈ cha Galilee la Krista di jugeji?
42Ndah͈ mbinda mi wah͈ul on, ne Krista di na jugeji chi gēño’ Dauda, ak cha Bethlehem, deka ba Dauda nek’ on?
43Lile indi na werante be mbōlo ma h͈ājale ko.
44Te ñena chi ñom buga nañu ko japa; wande ken tegul loh͈o chi kou am.
45Saltige ya nak delusi chi i njīt i serin ya ak Pharisee ya; te ñu ne len, Ana lutah͈ be indiwu len ko?
46Saltige ya tontu, ne, Ken mosul a wah͈ niki kile.
47Pharisee ya tontu len, ne, Ndah͈ yēn itam da ngēn di jada?
48Ndah͈ ñena chi kēlifa yi am nañu ngum chi mōm, mbāte chi Pharisee yi?
49Wande mbōlo mile ñi h͈amul yōn wi, da ñu alaku.
50Nicodemus ne len (ka jek’ on a dika fi mōm, te kena la chi ñom),
51Ndah͈ suñu yōn ate na nit, su ko jekule dēga, te h͈am lu mu def?
52Ñu tontu te ne ko, Ndah͈ you itam cha Galilee nga boka? Ūtal te gis ne cha Galilee bena yonent jugewu fa.
53Te ku neka ñibi cha ker am; wande Yesu dem cha tūnda i Olive ya.
Избрани в момента:
John 7: GWG
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
Published by the British and Foreign Bible Society 1882-1907.