མ་ཏི། 14
14
ཁྲུས་གསོར་པ་ཡུ་ཧན་ན་ གཤགས་པ༌ལ།
1ཨུ་ཉུ་གང་ཀ་ ག་ལིལ་དབང་ཁཱན་ དཔོན་ཧེ་རོད་གི་ ཡི་ཤུ་ག་ཀོར་གེ་ ན་ཐ་ཝ༌ལ། 2རོ་ཀི་ རོ་ཀ་གཡོག་པ་བ་ཀ་ གསུངས་མ་ལ་ རོག་ཤོ་ ཁྲུས་གསོར་པ་ཡུ་ཧན་ན་ ཤི་ཝ་གེ་ལོག་ཉི་ ཝུ་ཝ་གི་ཝ༌ལ། ཨོ་ཉི་ཨ་དེན་གེ་ ཨོ་ཐ་རྫུ་འཕྲུལ་བ་ གེན་མེ་ག་དབང་ཚད་ རོག་ཀབ་ཉི་ལ་དག༌ཉི།
3ཧང་ཡ་དག་ནེ་ལ་ ཧེ་རོད་གི་ རོ་ཀ་བོ་ཉིང་ཕི་ལིབ་ག་མེ་ཝག་ཙ་ ཧེ་རོ་དི་ཡཱས་ག་ཡོར་ཀེ་ ཡུ་ཧན་ན་ཙུང་མེ་བིན་ཐཱན་ བཙོན་ག་ཙུག་པ་གི་ཝ༌ལ། 4ཧང་ཡ་དག་ནེ་ལ་ ཡུ་ཧན་ན་གི་ ཧེ་རོད་ག་ ནཱན་གི་ ན་ག་བོ་ཉིང་ག་མེ་ཝག་ཙ་ཀབ་ཉི་ ཆོ་ལེ་མ་ན་ལ་དག་ཉི་ གསུངས་མ་ཆོ་ཝ༌ལ། 5ཨོ་ཉི་ཨ་དེན་གེ་ ཧེ་རོད་གི་ ཡུ་ཧན་ན་བཀྲོངས་མེ་ག་ ཐུགས་བསམ་གནང་མ༌ལ། དག་པ་ཀབ་ཉི་ སོ་ངོ་བ་ཀི་ ཡུ་ཧན་ན་ལུང་བསྟན་པ་ཨ་ཉི་ ཙི་ཝ་ཨ་དེན་གེ་ ཧེ་རོད་ སོ་ངོ་བ་ཀེ་ ཡོང་ཁེ་ཝ༌ལ།
6ནོང་ཐུར་ ཧེ་རོད་ག་ འཁྲུངས་སྐར་དུས་ཆེན་ནོང་ཀ་ ཧེ་རོ་དི་ཡཱས་ག་ཟ་མིན་གི་ ངང་བོརོ་ཇོང་མ་ཀབ་ཉི་ ཧེ་རོད་ གནམ་མེད་ས་མེད་ ཐུགས་བཞེས་ཝ༌ལ། 7ཉི་རོ་ཀི་ ཨོ་ཉ་ཟ་མིན་ག་ གསུངས་མ་ལ་ ནཱན་གི་ཧང་ཚཱས་པེ་དག་ཉི་ ཡེག་པ་ཐུར་ ཇི་གི་ན་ག་བི་ལེ་དག༌ཉི། 8རོ་ཀ་ཨ་མ་གི་ མ་ན་ཝ་ཨ་དེན་གེ་ ཟ་མིན་གི་ དཔོན་ག་ཞུ་ཝ་ལ་ ཁྲུས་གསོར་པ་ཡུ་ཧན་ན་ག་ ཤ་རང་ཅཱད་ཕཱན་ཐཱན་ དེར་མ་ཐུང་ཀ་ཀེ་ཉི་ཕའི་དག༌ཉི། 9ཨུ་ཉུ་ད་བུ་ ན་ཐ་ལ་ཀབ་ཉི་ དཔོན་ཐུགས་དོགས་པ༌ལ། དག་པ་ཀབ་ཉི་ རོ་ཀི་ རོ་ཀ་ཤི་མིན་བ་ཀ་པོང་ཀ་ ན་ཟ་ཝ་ཨ་དེན་གེ་ ཨོ་ཉ་ཟ་མིན་གི་ཞུ་ཁཱན་ཁེ་པ་ བི་དག་ཉི་བཀའ་གནང་མ༌ལ། 10ཉི་བཙོན་ག་དིན་ཐཱན་ ཡུ་ཧན་ན་ག་ ཤ་རང་ཅཱད་པ༌ལ། 11ཉི་གེ་ རོ་ཀ་ཤ་རང་ དེར་མ་ཐུང་ཀ་ཀེ་ཉི་ཕཱན་ཐཱན་ ཟ་མིན་ག་བི་ཝ༌ལ། ཉི་ཟ་མིན་གི་ རོ་ཀ་ཨ་མ་ག་བི་ཝ༌ལ། 12ཉི་ཡུ་ཧན་ན་ག་ སློ་མ་བ་ཨུན་ཐཱན་ རོ་ཀ་སྐུ་ཕུང་ ས་ག་ཝང་ཕི་ཝ༌ལ། ཉི་གེ་ རོག་ཏེ་བ་དིན་ཐཱན་ ཧང་ཇུང་མ་གི་ལ་སྨོ་ ཨོ་ཉ་ཀོར་གེ་ ཡི་ཤུ་ག་ཞུ་ཝ༌ལ༎
སོ་ངོ་ 5000 ག་ ལྟོ་གནང་མ༌ལ།
13ཡི་ཤུ་གི་ ཨོ་ཐ་ཀོར་གེ་ སྙན་གསེང་པ་ཐུར་ག་རང་ རོག་ཐུར་ཏེན་ཨ་ཉི་ བཞུགས་པེ་དེན་གེ་ གྲུ་ག་ནུབ་ཐཱན་ ས་ལོག་ཐུར་ལོ་ཀ་ཏཱན་ བྱོན་མ༌ལ། དག་པ་ཀབ་ཉི་ སོ་ངོ་མང་པུ་ཐུར་གི་ ཨོ་ཉ་ཀོར་གེ་ ན་ཐ་ལ་ཀབ་ཉི་ ཁྲོམ་བ་ཀེ་དང་ཉི་ ཡི་ཤུ་བཞུགས་ས་ག་ཏཱན་ དི་ཝ༌ལ། 14རོག་གྲུ་གེ་ཕིས་ཀ་ཤོ་ལ་ཀབ་ཉི་ སོ་ངོ་མང་པུ་ཨ་ཉི་ཛོ་མ་ག་ ཡི་ཤུ་གི་གཟིགས་པ༌ལ། ཉི་རོག་ཏེ་བ་ཀ་གོད་ཉི་ ཕང་པེ་ཨོ་ཕ་ཨ་དེན་གེ་ རོ་ཀི་ རོག་ཏེ་བ་ཀ་ ན་ཚ་དྲག་ཉི་གནང་མ༌ལ།
15མིང་མེར་དེན་གེ་ རོ་ཀ་སློ་མ་བ་ རོ་ཀ་སྐུན་མདུན་ག་ཨུན་ཐཱན་ ཞུ་ཝ་ལ་ ཨོ་ཐ་ས་ཆ་ག་ལ་ ཧང་རང་མ་ལ་ ཉི་མིང་བུ་མེར༌ལ། ཨོ་ཉི་ཨ་དེན་གེ་ རང་རང་ས་དེན་གེ་ ལྟོ་ཏེ་ངོ་ཉི་ཟ་ལེ་དེན་གེ་ ཨོ་ཐ་སོ་ངོ་བ་ དུང་བ་ཀ་ཏཱན་ ཀུན་ཏིན་གནང་ཤོ་དག༌ཉི།
16ཡི་ཤུ་གི་ རོག་ཏེ་བ་ཀ་ གསུངས་མ་ལ་ རོག་ཏེ་བ་ དི་ལེ་མ་ཁེ༌ལ། ན་ཤི་ རོག་ཏེ་བ་ཀ་ ཧང་ཐུར་ཟ་ལེ་ག་བི་དག༌ཉི།
17རོག་ཏེ་བ་ཀི་ཞུ་ཝ་ལ་ ཨ་ཧ་ལ་ ཀེབ་ཏང་ལྔ་དང་ ང་ཤ་རང་ཉིག་ཙིང་ཤ་ཅ་དག༌ཉི།
18ཨོ་ཉ་ཀེབ་ཏང་ལྔ་དང་ ང་ཤ་རང་ཉིག་ཙིང་ ཐ་ཕའི་དག་ཉི་ ཡི་ཤུ་གི་གསུངས་མ༌ལ། 19ཡི་ཤུ་གི་ སོ་ངོ་མང་པུ་ཛོམ་ཁཱན་ག་ པ་ཐང་ཐུང་ཐུང་ལང་ཤོ་དག་ཉི་ བཀའ་གནང་མ༌ལ། ཉི་ཀེབ་ཏང་ལྔ་དང་ ང་ཤ་རང་ཉིག་ཙིང་དུང་ཐཱན་ ཞིང་ཁམས་ག་ཏཱན་གཟིགས་ཉི་ བཀའ་དྲིན་བསམ་མ༌ལ། ཉི་རོ་ཀི་ ཀེབ་ཏང་དང་ང་བིརིང་ཐཱན་ རོ་ཀ་སློ་མ་བ་ཀ་གནང་མ༌ལ། ཉི་རོ་ཀ་སློ་མ་བ་ཀི་ སོ་ངོ་བ་ཀ་བོང་ཉི་ བི་ཝ༌ལ། 20རོག་ཏེ་བ་ ཐམས་ཅན་རང་ ཕོ་ལང་ཁ་ཝ་ཨ་ཉི་ ཟ་ཝ༌ལ། ཉི་ལཱན་ཇུ་ལུས་ཁཱན་བ་ དུས་ཉི་གོད་པ་ཀབ་ཉི་ ཀེབ་ཏང་དང་ ང་བིརིང་ཁཱན་བ་ཀི་ ཤོ་མ་སོང་ཉིག་ཙིང་ ཕུང་མ་ཤོ་ཝ༌ལ། 21མེ་ཝག་ཙ་བ་དང་ ཝག་ཙ་བ་མ་ཙི་ལཱན་ ཕེ་ཝག་ཙ་ཙང་པུ་རང་ 5000 ཆོ་ཝ༌ལ༎
ཡི་ཤུ་རི་ཐུང་ཐུང་བྱོན་མ༌ལ།
22ཨོ་ཉ་ཐྲེ་ཀེ་རང་ ཡི་ཤུ་གི་ རོ་ཀ་སློ་མ་བ་ གྲུ་ནང་ཀ་ནུ་ཕེ་བིན་ཐཱན་ ལོག་ཉི་རང་ ཨོམ་ཐུར་ལོ་ཀ་ཏཱན་ ཀུན་ཏི་ཝ༌ལ། ཉི་རོག་ཤོ་ སོ་ངོ་བ་ཀུན་ཏིན་ཅ་ཨ་ཉི་ ཚིང་ཚིང་ལུས་པ༌ལ། 23ཉི་རོ་ཀི་ སོ་ངོ་བ་ ཀུན་ཏིན་ཆུམ་དེན་གེ་ རོག་ཐུར་ཏེན་ཨ་ཉི་ སྨོན་ལམ་ཏ་པེ་དེན་གེ་ ཕུ་ཐུང་ཀ་ཏཱན་བྱོན་མ༌ལ། ཉི་མིང་མེར་བ་ཀབ་ཉི་ རོག་ཐུར་ཏེན་ཨ་ཉི་ ཉ་ག་བཞུགས་པ་ཅ་གི་ཝ༌ལ།
24དག་པ་ཀབ་ཉི་ རོ་ཀ་སློ་མ་བ་ཆོ་ཁཱན་གྲུ་ཁེ་པ་ ས་གེ་ཇང་ཀིན་ཐུར་ག་ མཚོ་བར་ཀ་ རི་དི་ཤུག་ཨ་ཉི་ ཨོ་ཕ་ཨ་དེན་གེ་ མཚོ་རི་ལག་ཉི་ གྲུ་ཀ་ལུ་ཏཱད་པ་ཅ་གི་ཝ༌ལ། 25བེད་པེ་ཆུ་ཚོད་སམ་ཕང་ དི་ལ་ཀབ་ཉི་ ཡི་ཤུ་མཚོ་ཐུང་ཐུང་དང་ཉི་ རོག་ཏེ་བ་ཆོ་ས་ག་ཏཱན་ བྱོན་མ༌ལ། 26ཉི་རོ་ཀ་ སློ་མ་བ་ཀི་ རོག་རི་ཐུང་ཐུང་དང་ཉི་ བྱོན་མ་ཐོང་མ་ཀབ་ཉི་ དོན་ད་བུ་ཐོང་ཉི་ ཡོང་ཙུང་ཉི་ ཤ་དར་ཐར་བ༌ལ།
27དག་པ་ཀབ་ཉི་ ཨོ་ཉ་ཐྲེ་ཀེ་རང་ ཡི་ཤུ་གི་ རོག་ཏེ་བ་ཀ་ གསུངས་མ་ལ་ ཇང་གི༌ལ། ཡོང་མ་ཁེ་ལཱན་ དོ་རི་རི་ཨ་ཉི་ཆོའི་དག༌ཉི།
28པ་ཏྲུས་གི་ཞུ་ཝ་ལ་ གཙོ་བོ་ ནཱན་གི་ནེ་ལ་ ཇང་བུ་ རི་ཐུང་ཐུང་དང་ཉི་ ནཱན་བཞུགས་ས་ག་ཏཱན་ ཨོ་དོ་ཨ་ཉི་བཀའ་གནང་ཤོ་དག༌ཉི།
29ཡི་ཤུ་གི་ དྲིག་པེ་ ཨོ་དོ་དག་ཉི་ གསུངས་མ་ཀབ་ཉི་ པ་ཏྲུས་ གྲུ་གེ་ཕིས་ཀ་ཤོན་ཐཱན་ རི་ཐུང་ཐུང་དང་ཉི་ ཡི་ཤུ་བཞུགས་ས་ག་ ཤེག་པ༌ལ།
30དག་པ་ཀབ་ཉི་ རོ་ཀི་རི་དི་ཤུག་ཨ་ཉི་ ཨོ་ཕ་ཐོང་མ་ཀབ་ཉི་ རོག་ཡོང་ཁེ་ཝ༌ལ། ཉི་རོག་ རི་ག་ཐི་མེ་གོ་ཙུག་ཅ་ཨ་ཉི་ ཞུ་ཝ་ལ་ གཙོ་བོ་ ཇ་ག་སྐྱབས་ཨ་ཉི་གནང་ཤོ་དག༌ཉི།
31ཉི་ཨོ་ཉ་ཐྲེ་ཀེ་རང་ ཡི་ཤུ་གི་ རོ་ཀ་ཕྱག་ཀི་ཨ་ཉི་ པ་ཏྲུས་ཙུང་ཐཱན་གསུངས་མ་ལ་ དབའི་ དད་པ་ཉུང་པུ་ཆོ་ཁཱན་སོ་ངོ། ནཱན་ཧང་ཨ་ཉི་ དོགས་པ་སག་ཅ་ཡ་དག༌ཉི།
32ཉི་ཡི་ཤུ་དང་ པ་ཏྲུས་གྲུ་ནང་ཀ་བྱོན་མ་ཀབ་ཉི་ རི་དི་ཨོ་ཕེ་ནོར་བ༌ལ། 33ཉི་གྲུ་ནང་ཀ་ཆོ་ཁཱན་བ་ཀི་ རོ་ཀ་གསོལ་ཝ་ཏབ་ཉི་ ཞུ་ཝ་ལ་ ནཱན་གི་ནེ་ལ་ ཏེན་ཏེན་རང་ དཀོན་མཆོག་ག་ སྲས་གི་ཝ་ལ་དག༌ཉི།
34ཉི་རོག་ཏེ་བ་ཀི་ མཚོ་གོག་ཏེན་གེ་ ས་ག་མིང་ ག་ནེ་ས་རེད་དག་ཁཱན་ག་ ཕེབས་པ༌ལ། 35ཨོ་ཉ་ས་ཆ་ག་སོ་ངོ་བ་ཀི་ ཡི་ཤུ་ཨི་བི་གི་ལ་སྨོ་ སེ་དེན་གེ་ རེབ་ཀིན་ཐུར་ག་རང་ ཡི་ཤུ་ཕེབས་པ་ལ་དག་ཉི་ ཨོ་ཉ་ཀོ་ལོ་ལོ་ཆོ་ཁཱན་ ས་ཆ་ཐམས་ཅན་ག་ སོ་ངོ་བ་ཀ་ཡེག་པ༌ལ། ཉི་མར་ཁཱན་ ཐམས་ཅན་རང་ དྲག་པེ་དེན་གེ་ སོ་ངོ་བ་ཀི་ རོ་ཀ་སྐུན་མདུན་ག་ཕཱན་ཐཱན་ 36ནཱད་པ་བ་ཀི་ རོ་ཀ་ནམ་བཟའ་ནབ་ཅི་ཐུར་ག་ ཐོ་ཕེ་གནང་ཤོ་དག་ཉི་ ཞུ་ཝ༌ལ། ཉི་རོ་ཀ་ནམ་བཟའ་ཐོབ་ཁཱན་ ཐམས་ཅན་རང་ དྲག་པ༌ལ༎
Избрани в момента:
མ་ཏི། 14: TNTB
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
Tshangla New Testament
© 2023, The Bible Society of India
all rights reserved