Saŋ 6
6
Yeesu a mayƭanda puuru
(ɗeeti Mace 14:13-21; Mark 6:30-44; Lik 9:10-17)
1Yaa keene a xewna, Yeesu a laqtooxa kaltaa o Maag olaa Galile, leng-leng a nqoyan o Maag ole Tiberiya. 2Wiin mayu a ndeefanaan yaam ne da nga’na xa anddiloor axe ta fi’oogna na bodand ale no jiru we. 3Yeesu a dalfooxa o ŋaay took o joong olaa reeƭna maaga, soo a moof fo daalbe um. 4A soƥ’a koy bes fee na Colandax ale refna ref xew fee no Yaawuur we, a faambnoox. 5Yaa ta ƴooklooxna boo a ga wiin mayu a nqotiidaa farna fa den, Yeesu a laamta a Filip ee:
«Ndi mam i njegitkaa puuru ndax wene a njeg kaa da ñaamna?» 6Kaa ɗeetlooxoogun soom, yaam a and’a xil ke ta fi’kaa.
7Filip a doonaan ee:
«Andaam ee i njik’angaa xa qanjar teemeed ƭik sax oo xetandkee a den, deykee a den njemaƭax sax!»
8O leng no daalbe we ten oxaa ne’eena Andare, a ref o ndeɓ Simoŋ Piyeer, a layaan ee:
9«A jega mene de o njaaƈ o ngoor onqaa saqna puuru ƥetik kaa mbi’teena lorso, fo liƥ ƭik, ndaa andiim ke keene a ɗaxna faan fod nene.»
10Yeesu a laya daalbe waa yee:
«Layyo a den da moof.» Maaga a jeg’a suuƴin mayu.
A ndalfooxa o moof, goor we a ndef ngap cuni ƥetik. 11Yeesu a janga puuru kaa, a gidim a Roog soo a lasin we moof’ina. A cooxa a den itam no liƥ kaa boo da ndeyƭoox. 12Yaa fop a ngiñna, Yeesu a laya daalbe um ee:
«Mbokatyo xa ƭeg axe yoqna ndax dara mo’kee teen.»
13A ndalfooxa o mbokat a den soo a yip puuru lorso ke yoqna na ƭamba xarɓaxay fo a ƭamba ƭak ye fop a ñaamna boo a ngiñ.
14Yaa wiin weene a nga’na o anddiloor ole Yeesu a fi’’ina, a layrooga yee:
«Oxene o mat refu o Tuleer oxe warna o gar na adna.»
15Yaa Yeesu a andna koy ee kaa mbugin o ngif, a ndodkin o maad, a dalfooxa o inoox, a ret no joong olaa, ten doŋ.
Yeesu a ñaaƴa took foofi le
(ɗeeti Mace 14:22-33; Mark 6:45-52)
16Yaa roog a yaarna, daalbe we ten a ndalfooxa o mbudoox, a ngar na ƥeeraamb alaa. 17A ndoka no suk, a nqaañ o maag ole, a ndet Kapernawum. Tigaa a yeng’a sax, too Yeesu daab’afulee a den. 18A xeñooga nqeñ ƭomu, o maag ole a jiqtooxaa nen kaa o leng a andeerna. 19Yaa da lafna boo ngap kilomeet ƥetik mbaat ɓetaa fo leng, a ƈooka a Yeesu ta ñaaƴaa took foofi laa no maag ole, a garaa farna fo suk ne. A ndiid’a lool. 20Kaa koy, Yeesu a laya a den ee:
«Ba nu ndiid! Mi yoo.»
21A mbugaan o ndokin no suk naa, too ndak fo ndak suk naa a ranga maa da njofoogna.
Faan le oxe waaƭaa a Yeesu
22Wiin waa yoq’ina kaltaa koy, a nga’a yee suk leng kut reeƭu maaga, ta ref ne daalbe we a ndok’ina a ndet, too Yeesu yoon’ee fa den. 23No feet olaa, yaa suk lakas a inoortiidna Tiberiya, a ngar boo paam maa da ñaamit’ina puuru kaa ye o Yaal oxe a xeɗna boo a ƴut, 24wiin waa a nga’a yee Yeesu fo daalbe um ndeeƭee taaga. Maaga, a ndalfooxa o ndok no suk kaaga, a ndet Kapernawum, a mbaaƭik a Yeesu.
Yeesu mbuuru ne na ñoowdandaa
25Yaa da soƥna a Yeesu kaltaa o maag olaa, a layaan ee:
«O Caajangin oxe! A mban garo mene?»
26Yeesu a doona a den ee:
«No ndigil, no ndigil, mexe layaa a nuun ee: Refee yee yaam ne nu nga’na xa anddiloor taxu nu mbaaƭaxam, ndaa yaam ne nu ñaamneena puuru boo naag tem. 27Koo qoyni, baa ŋos-ŋos nuun a haan no ñaamel ke andoona yee a miñ miñ kaa ƥooskaa rek, ndaa fat a haan no ñaamel ke na ndefkaa boo no ñoow o fagkeer olaa, too o Ƥeenqe no kiin oxe a ci’kan a nuun. Ten o mat, Roog Faap fee a ñaasu.»
28A layaan yee:
«Xar i mbaru o mbi boo mbadin a pi ake Roog a bugna?»
29Maaga, Yeesu a doona a den ee:
«A pi ale Roog a bugna refu yee nu ngim no xe ta luliidna.»
30A layahinaan ee:
«O anddiloor olum o fi’kaa koy boo i nga’ood, ngim na wo? Xar o fi’kaa fi? 31Daan in a ñaama maan na koƥ alaa naagna halit, ne ta bindteena yee ‹A ci’a a den mbuuru aa-asamaan da ñaam.› »#Sut 16:4, 15; Kt 78:24
32Yeesu a doona a den ee:
«No ndigil, no ndigil, mexe layaa a nuun ee: Reeƭee yee Moyiis ci’u a nuun mbuuru aa-asamaan, Faap es kañ na ci’aa a nuun mbuuru aa-asamaan ndiindigil ne. 33Mbuuru ne Roog refu ne fudoorna na asamaan, too adna fop, ta ci a den o ñoow.»
34A layaan ee:
«O Yaal oxe, boo ndiik rek ci’i a in no mbuuru naaga.»
35Yeesu a laya a den ee:
«Mi refu mbuuru ne na ñoowdandaa. Oxuu garna me mi xeexkaand boo muk, too gimna na mi hoɗomkaand boo faw. 36Kaa koy, layaanum a nuun, nu nga’axam, ndaa nu ngimee. 37We Faap fee a ci’axama fop, xan a ngar me mi, too koy o mat, sutkiim muk oxaa garna me mi. 38Yaam ke taxna um inoor na asamaan gar, refee yee ndax um fi ke felaxama fel, ndaa ndax um fi ke felna oxe luliidaxama. 39Ke felna oxe luliidaxama koy, refu yee o leng no we ta ci’axama mo’kiraam, ndaa um xontooxnoor a den no ñaal mbalakaand naa. 40Ke Faap es a bugna refu yee oxuu ga’na o Ƥeenqe, too a gim no ten, a jeg o ñoow o fagkeer ole, too xam xontooxnoorin no ñaal mbalakaand naa.»
41Yaawuur waa koy, a nqaada a Yeesu, yaam ne ta lay’ina yee: «Mi refu mbuuru ne fudoorna na asamaan.»
42A laya yee:
«Andum tiye kaa refatee Yeesu fee o ƥiy Yoseef, rimeena na kid in, baa um oo ya um oo, fop i and a den? E, nam a waagu o layit boog ee: ‹Na asamaan fudoorum›?»
43Yeesu a doona a den ee:
«Koo ba nu nqaadaam. 44O leng waagee o gar me mi yaa Faap fee luliidaxama a qiciideeruuna me mi, too yaaga xam xontooxnoorin na bes fa mbalakaand faa. 45A binde no leng na safe ke no duleer we yee: ‹Den fop, xan Roog a jangin a den.› Neene itam, oxuu andoona yee a nana ke Faap fee a layna, too a jaɓ a cangin um, xan a gar me mi.#Es 54:13 46Keene koy tektee yee o kiin a mos o ga a Roog Faap fee, a refangee oxe inoorna maa ten. Oxeene rek ga’u a Faap fee. 47No ndigil, no ndigil, mexe layaa a nuun ee: Oxuu gimna na mi, a jega o ñoow o fagkeer ole. 48Mi o mat refu mbuuru ne na ñoowdandaa. 49Daan nuun a ñaama maan kam a koƥ-a-ƥor alaa, too yaqanee da nqon. 50Oxene koy refu mbuuru ne fudoorna na asamaan, ndax oxuu ñaamna teen xonkee. 51Mi refu mbuuru ne no ñoow ole hatna na asamaan. Oxuu ñaamna no mbuuru neene koy xan a ñoowaa boo faw. Mbuuru ne um ci’taa koy refu cer es ke um ci’itkaa, ndax adna fee a ñoow.»
52Took a ƭelem akaaga, Yaawuur waa a ndalfooxa o ñimatiraa yee:
«Nam a waagu o ñaamnit a in cer um?»
53Yeesu a laya a den ee:
«No ndigil, no ndigil, mexe layaa a nuun ee: Nu ñaamangee cer no Ƥeenqe no kiin oxe, yer fo’oy um, nu saqee o ñoow na nuun. 54Oxuu ñaamna cer es, a yer fo’oy es, a jega o ñoow o fagkeer ole, too na bes fa mbalakaand faa xam xontooxnoorin. 55Cer es ñaamel tigi yoo, fo’oy es a ref a yer tigi. 56Ñaamna cer es, a yer fo’oy es, xan a sax na mi, um sax no ten. 57Oxuu ñaamaxama, xan a ñoowit na mi, ne um ñoowtaa na Faap fa ñoow jok fee lulaxama. 58Oxene mat refu mbuuru ne fudoorna na asamaan. Refitkee nen daan we nuun ñaam’ina maan, too yaqanee da nqon. Oxuu ñaamna no mbuuru neeke koy, xan a ñoowaa boo faw.»
59Keene fop Yeesu xe laytaan no mbind a qeƭ naa Kapernawum, a soƥ ta jangnaa.
Fa lay fee na ci’taa o ñoow o fagkeer ole
60Yaa mayu no daalbe we Yeesu a nanna a ƭelem akaaga, a laya yee:
«Heey! Fa lay fene a ñexeta koy! An waagu waag o moof sax tee kaa o nan-gilooxan?»
61Yaa Yeesu a andanna a xoox um ee daalbe we sax me da ndefna kaa nqaadoox yaam keene, a laya a den ee:
«Ca! Tiye kaa bug o ref na nuun a panq? 62Ii, nu nga’angaa o Ƥeenqe no kiin oxe a ŋaay, a nomtooxaa maa ta reeƭna koy? 63Yiif le Roog na ñoownaa, cer ƭaxee dara boo dara fag. A ƭelem ake layuuma a nuun koy, Yiif fo o ñoow a ndefu. 64A jega koy a ndeer nuun waa ngimeerna.»
Yeesu no mberaand naa a andit’u we ngimeerna. A and’a itam oxe nar’uuna o ɓoxot.
65Yeesu a doona taaga, a lay a den ee:
«Keene mat taxu um lay a nuun ee o leng waagee o gar me mi, a refangee kaa Faap fee a ci’in o ten.»
66Na waxtu faaga, mayu no daalbe we ten a nomtooxu a cinj, a mbañat o yoonaa fo ten. 67Yeesu a laya xarɓaxay fo ɗik we yee:
«Nuun koy, ndax kaa nu mbugee o ndet?»
68Simoŋ Piyeer a layaan ee:
«O Yaal oxe, na an i njofkaa? Mee ndax wo saqu fa lay fee na ci’taa o ñoow o fagkeer ole!#Mace 16:16; Mark 8:29; Lik 9:20 69In koy, i ngima, too i anda yee wo refu o Tedu xe hatna na Roog.»
70Yeesu a doona a den ee:
«Nuun xarɓaxay fo ɗik we, ndax refee yee mi jilu a nuun? A jega na nuun koy oxaa fogna no ƈiƴ oxe.»
71Yudaa o Iskariyot oxe o ƥiy Simoŋ a ne’oogu, yaam o ten na ɓoxotkan, too no xarɓaxay fo ɗik we a fogu.
Избрани в момента:
Saŋ 6: SRR23
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
Copyright © 2015-2023 by Eglise luthérienne du Sénégal
Saŋ 6
6
Yeesu a mayƭanda puuru
(ɗeeti Mace 14:13-21; Mark 6:30-44; Lik 9:10-17)
1Yaa keene a xewna, Yeesu a laqtooxa kaltaa o Maag olaa Galile, leng-leng a nqoyan o Maag ole Tiberiya. 2Wiin mayu a ndeefanaan yaam ne da nga’na xa anddiloor axe ta fi’oogna na bodand ale no jiru we. 3Yeesu a dalfooxa o ŋaay took o joong olaa reeƭna maaga, soo a moof fo daalbe um. 4A soƥ’a koy bes fee na Colandax ale refna ref xew fee no Yaawuur we, a faambnoox. 5Yaa ta ƴooklooxna boo a ga wiin mayu a nqotiidaa farna fa den, Yeesu a laamta a Filip ee:
«Ndi mam i njegitkaa puuru ndax wene a njeg kaa da ñaamna?» 6Kaa ɗeetlooxoogun soom, yaam a and’a xil ke ta fi’kaa.
7Filip a doonaan ee:
«Andaam ee i njik’angaa xa qanjar teemeed ƭik sax oo xetandkee a den, deykee a den njemaƭax sax!»
8O leng no daalbe we ten oxaa ne’eena Andare, a ref o ndeɓ Simoŋ Piyeer, a layaan ee:
9«A jega mene de o njaaƈ o ngoor onqaa saqna puuru ƥetik kaa mbi’teena lorso, fo liƥ ƭik, ndaa andiim ke keene a ɗaxna faan fod nene.»
10Yeesu a laya daalbe waa yee:
«Layyo a den da moof.» Maaga a jeg’a suuƴin mayu.
A ndalfooxa o moof, goor we a ndef ngap cuni ƥetik. 11Yeesu a janga puuru kaa, a gidim a Roog soo a lasin we moof’ina. A cooxa a den itam no liƥ kaa boo da ndeyƭoox. 12Yaa fop a ngiñna, Yeesu a laya daalbe um ee:
«Mbokatyo xa ƭeg axe yoqna ndax dara mo’kee teen.»
13A ndalfooxa o mbokat a den soo a yip puuru lorso ke yoqna na ƭamba xarɓaxay fo a ƭamba ƭak ye fop a ñaamna boo a ngiñ.
14Yaa wiin weene a nga’na o anddiloor ole Yeesu a fi’’ina, a layrooga yee:
«Oxene o mat refu o Tuleer oxe warna o gar na adna.»
15Yaa Yeesu a andna koy ee kaa mbugin o ngif, a ndodkin o maad, a dalfooxa o inoox, a ret no joong olaa, ten doŋ.
Yeesu a ñaaƴa took foofi le
(ɗeeti Mace 14:22-33; Mark 6:45-52)
16Yaa roog a yaarna, daalbe we ten a ndalfooxa o mbudoox, a ngar na ƥeeraamb alaa. 17A ndoka no suk, a nqaañ o maag ole, a ndet Kapernawum. Tigaa a yeng’a sax, too Yeesu daab’afulee a den. 18A xeñooga nqeñ ƭomu, o maag ole a jiqtooxaa nen kaa o leng a andeerna. 19Yaa da lafna boo ngap kilomeet ƥetik mbaat ɓetaa fo leng, a ƈooka a Yeesu ta ñaaƴaa took foofi laa no maag ole, a garaa farna fo suk ne. A ndiid’a lool. 20Kaa koy, Yeesu a laya a den ee:
«Ba nu ndiid! Mi yoo.»
21A mbugaan o ndokin no suk naa, too ndak fo ndak suk naa a ranga maa da njofoogna.
Faan le oxe waaƭaa a Yeesu
22Wiin waa yoq’ina kaltaa koy, a nga’a yee suk leng kut reeƭu maaga, ta ref ne daalbe we a ndok’ina a ndet, too Yeesu yoon’ee fa den. 23No feet olaa, yaa suk lakas a inoortiidna Tiberiya, a ngar boo paam maa da ñaamit’ina puuru kaa ye o Yaal oxe a xeɗna boo a ƴut, 24wiin waa a nga’a yee Yeesu fo daalbe um ndeeƭee taaga. Maaga, a ndalfooxa o ndok no suk kaaga, a ndet Kapernawum, a mbaaƭik a Yeesu.
Yeesu mbuuru ne na ñoowdandaa
25Yaa da soƥna a Yeesu kaltaa o maag olaa, a layaan ee:
«O Caajangin oxe! A mban garo mene?»
26Yeesu a doona a den ee:
«No ndigil, no ndigil, mexe layaa a nuun ee: Refee yee yaam ne nu nga’na xa anddiloor taxu nu mbaaƭaxam, ndaa yaam ne nu ñaamneena puuru boo naag tem. 27Koo qoyni, baa ŋos-ŋos nuun a haan no ñaamel ke andoona yee a miñ miñ kaa ƥooskaa rek, ndaa fat a haan no ñaamel ke na ndefkaa boo no ñoow o fagkeer olaa, too o Ƥeenqe no kiin oxe a ci’kan a nuun. Ten o mat, Roog Faap fee a ñaasu.»
28A layaan yee:
«Xar i mbaru o mbi boo mbadin a pi ake Roog a bugna?»
29Maaga, Yeesu a doona a den ee:
«A pi ale Roog a bugna refu yee nu ngim no xe ta luliidna.»
30A layahinaan ee:
«O anddiloor olum o fi’kaa koy boo i nga’ood, ngim na wo? Xar o fi’kaa fi? 31Daan in a ñaama maan na koƥ alaa naagna halit, ne ta bindteena yee ‹A ci’a a den mbuuru aa-asamaan da ñaam.› »#Sut 16:4, 15; Kt 78:24
32Yeesu a doona a den ee:
«No ndigil, no ndigil, mexe layaa a nuun ee: Reeƭee yee Moyiis ci’u a nuun mbuuru aa-asamaan, Faap es kañ na ci’aa a nuun mbuuru aa-asamaan ndiindigil ne. 33Mbuuru ne Roog refu ne fudoorna na asamaan, too adna fop, ta ci a den o ñoow.»
34A layaan ee:
«O Yaal oxe, boo ndiik rek ci’i a in no mbuuru naaga.»
35Yeesu a laya a den ee:
«Mi refu mbuuru ne na ñoowdandaa. Oxuu garna me mi xeexkaand boo muk, too gimna na mi hoɗomkaand boo faw. 36Kaa koy, layaanum a nuun, nu nga’axam, ndaa nu ngimee. 37We Faap fee a ci’axama fop, xan a ngar me mi, too koy o mat, sutkiim muk oxaa garna me mi. 38Yaam ke taxna um inoor na asamaan gar, refee yee ndax um fi ke felaxama fel, ndaa ndax um fi ke felna oxe luliidaxama. 39Ke felna oxe luliidaxama koy, refu yee o leng no we ta ci’axama mo’kiraam, ndaa um xontooxnoor a den no ñaal mbalakaand naa. 40Ke Faap es a bugna refu yee oxuu ga’na o Ƥeenqe, too a gim no ten, a jeg o ñoow o fagkeer ole, too xam xontooxnoorin no ñaal mbalakaand naa.»
41Yaawuur waa koy, a nqaada a Yeesu, yaam ne ta lay’ina yee: «Mi refu mbuuru ne fudoorna na asamaan.»
42A laya yee:
«Andum tiye kaa refatee Yeesu fee o ƥiy Yoseef, rimeena na kid in, baa um oo ya um oo, fop i and a den? E, nam a waagu o layit boog ee: ‹Na asamaan fudoorum›?»
43Yeesu a doona a den ee:
«Koo ba nu nqaadaam. 44O leng waagee o gar me mi yaa Faap fee luliidaxama a qiciideeruuna me mi, too yaaga xam xontooxnoorin na bes fa mbalakaand faa. 45A binde no leng na safe ke no duleer we yee: ‹Den fop, xan Roog a jangin a den.› Neene itam, oxuu andoona yee a nana ke Faap fee a layna, too a jaɓ a cangin um, xan a gar me mi.#Es 54:13 46Keene koy tektee yee o kiin a mos o ga a Roog Faap fee, a refangee oxe inoorna maa ten. Oxeene rek ga’u a Faap fee. 47No ndigil, no ndigil, mexe layaa a nuun ee: Oxuu gimna na mi, a jega o ñoow o fagkeer ole. 48Mi o mat refu mbuuru ne na ñoowdandaa. 49Daan nuun a ñaama maan kam a koƥ-a-ƥor alaa, too yaqanee da nqon. 50Oxene koy refu mbuuru ne fudoorna na asamaan, ndax oxuu ñaamna teen xonkee. 51Mi refu mbuuru ne no ñoow ole hatna na asamaan. Oxuu ñaamna no mbuuru neene koy xan a ñoowaa boo faw. Mbuuru ne um ci’taa koy refu cer es ke um ci’itkaa, ndax adna fee a ñoow.»
52Took a ƭelem akaaga, Yaawuur waa a ndalfooxa o ñimatiraa yee:
«Nam a waagu o ñaamnit a in cer um?»
53Yeesu a laya a den ee:
«No ndigil, no ndigil, mexe layaa a nuun ee: Nu ñaamangee cer no Ƥeenqe no kiin oxe, yer fo’oy um, nu saqee o ñoow na nuun. 54Oxuu ñaamna cer es, a yer fo’oy es, a jega o ñoow o fagkeer ole, too na bes fa mbalakaand faa xam xontooxnoorin. 55Cer es ñaamel tigi yoo, fo’oy es a ref a yer tigi. 56Ñaamna cer es, a yer fo’oy es, xan a sax na mi, um sax no ten. 57Oxuu ñaamaxama, xan a ñoowit na mi, ne um ñoowtaa na Faap fa ñoow jok fee lulaxama. 58Oxene mat refu mbuuru ne fudoorna na asamaan. Refitkee nen daan we nuun ñaam’ina maan, too yaqanee da nqon. Oxuu ñaamna no mbuuru neeke koy, xan a ñoowaa boo faw.»
59Keene fop Yeesu xe laytaan no mbind a qeƭ naa Kapernawum, a soƥ ta jangnaa.
Fa lay fee na ci’taa o ñoow o fagkeer ole
60Yaa mayu no daalbe we Yeesu a nanna a ƭelem akaaga, a laya yee:
«Heey! Fa lay fene a ñexeta koy! An waagu waag o moof sax tee kaa o nan-gilooxan?»
61Yaa Yeesu a andanna a xoox um ee daalbe we sax me da ndefna kaa nqaadoox yaam keene, a laya a den ee:
«Ca! Tiye kaa bug o ref na nuun a panq? 62Ii, nu nga’angaa o Ƥeenqe no kiin oxe a ŋaay, a nomtooxaa maa ta reeƭna koy? 63Yiif le Roog na ñoownaa, cer ƭaxee dara boo dara fag. A ƭelem ake layuuma a nuun koy, Yiif fo o ñoow a ndefu. 64A jega koy a ndeer nuun waa ngimeerna.»
Yeesu no mberaand naa a andit’u we ngimeerna. A and’a itam oxe nar’uuna o ɓoxot.
65Yeesu a doona taaga, a lay a den ee:
«Keene mat taxu um lay a nuun ee o leng waagee o gar me mi, a refangee kaa Faap fee a ci’in o ten.»
66Na waxtu faaga, mayu no daalbe we ten a nomtooxu a cinj, a mbañat o yoonaa fo ten. 67Yeesu a laya xarɓaxay fo ɗik we yee:
«Nuun koy, ndax kaa nu mbugee o ndet?»
68Simoŋ Piyeer a layaan ee:
«O Yaal oxe, na an i njofkaa? Mee ndax wo saqu fa lay fee na ci’taa o ñoow o fagkeer ole!#Mace 16:16; Mark 8:29; Lik 9:20 69In koy, i ngima, too i anda yee wo refu o Tedu xe hatna na Roog.»
70Yeesu a doona a den ee:
«Nuun xarɓaxay fo ɗik we, ndax refee yee mi jilu a nuun? A jega na nuun koy oxaa fogna no ƈiƴ oxe.»
71Yudaa o Iskariyot oxe o ƥiy Simoŋ a ne’oogu, yaam o ten na ɓoxotkan, too no xarɓaxay fo ɗik we a fogu.
Избрани в момента:
:
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
Copyright © 2015-2023 by Eglise luthérienne du Sénégal