أفسس 3
3
خطة الله الكبيره عشان الامم
1وعشان كذا، انا بولس سجين المسيح يسوع عشانكم انتو يا ناس، 2باعتبار انكم سمعتو بتدابير الله اللي اعطاني هي عشانكم: 3وكيف كشفلي السر عن طريق الوحي، زي ما كتبت من اول وأوجزت، 4وتقدروا، لما تقرو اللي كتبتو، انكم تستوعبو اللي اتعلمتوا عمق عن سر المسيح، 5هذاك السر اللي ماحد دري عنو من الناس من الاجيال اللي قبلنا زي ما انتشر عنو دحين بوحي الروح لرسلو القدييسين وأنبياؤه: 6اللي ماهم يهود بيتشاركو مع اليهود في الورث، و اعضاء معاهم بالجسد، ولهم حق إنهم يستفيدوا من الوعد كمان. و ذا في يسوع المسيح بفضل الإنجيل 7اللي انا صرت خادم ليه بنعمة الله اللي رزقني هي بعمل قدرتو. 8وليا، انا أصغر من اصغر واحد في القديسين كلهم، اتوهبت لي النعمة هادي: إني اعلن بين البشر غنا المسيح اللي ما لو حد، 9وأنوّر على الكل بمعرفة حقيقة تدبير السر اللي خلاه الله، خالق كل شي، متخبي على كل الأجيال. 10و الهدف عشان يترفع دحين قدام الزعامات والسلطات في السموات هو اللي بيظهر في الكنيسة من حكمة الله اللي لها اكثر من وجه، 11زي ما جا بالمعنى اللي ما ينتهي اللي قصدو الله في المسيح يسوع ربنا، 12اللي بيه لنا جرأة وقربه واثِقه بسبب الايمان فيه 13عشان كذا بطلب منكم انو ما يقل العزم عندكم عشان المصاعب اللي بقاسيها عشانكم، وهيه حاجه تفتخروا فيها.
صلاة لأهل أفسس
14وعشان كذا أنحني على ركبي للأب 15اللي هو أصل لكل أبوه في السماوات وفي الأرض، 16عشان يديكم، على حسب غنى مجدو، ويمد لكم روح الكيان الداخلي لكل واحد منكم بالقوة المؤيدة، 17عشان يعيش المسيح في قلوبكم بالايمان؛ عشان اذا اتأصلتو وكبرتو بالمحبة، 18تصيرو قادرين تستشعرو و تعرفو، مع القديسين كلهم، ايش هوا الطول و العرض والتعالي والتعمق، 19و تعرفو محبة المسيح اللي هيه تتفوق على المعرفة، فتتملّوا إلين تصيرو مليانين بكل كمال الله. 20و اللي يقدر يسوي، زي القدره اللي متحركة فينا، اللي تتعدى من غير حدود كل اللي نطلبو و نتصورو، 21لوه المجد في الكنيسة، في المسيح يسوع، في كل الأجيال والدهور! آمِينَ.
Избрани в момента:
أفسس 3: HNAV
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
Hijazi New Arabic Version © 2024 Strategic Resource Group