Mayanzame 9
9
Saul amakoga gôésinga Jésus
(Bono na Mayanzame 22:6–16, 26:12–18)
1Tambô gô ndéô nene, Saul asitsiké ékuana aneengi aKumu Jésus ngu na gôéyôha ahngô. Amakea na gôndé pene adeekedi adigondoku. 2Amamôduka ésangô étubéda mbe: Odôô te Saul, vambanani n’edi gô yeba yanyô yewanyéô gô Damas. Na ésangôe éne, Saul ameetsô ôtômu gôétsôpa gô yeba yewanyéô yAjuif, amôgôô n’ageto akea nzéepo na Kumu Jésus. Aahtsôpa mbe akea n’ahngô na gô Jérusalem gôétsundéu.
3Saul amakea na gô Damas. Amabaka aka gôpépôpé gôétsiga na gô môsenge ône. Tsina na tsina gévede gémaviga g’ôba gématana gô kôbangô edi. 4Amamesegea na va tsina. Amookô ôgi ômatsundéda angô mbe: Saul. ?Saul, ôkuana me gôndé? 5Saul amaabéa mbe: ?Kumu éwe ndaa? Ogie ômapandôéda mbe: Ewe Saul ôndé gôékuana me. O te me, Jésus. 6Timôgaka. Tsigaka na gô môsenge. Gône ôngakebeendu éne éngeendewe. 7Avo amôgôô amakea na Saul gôémôveegeda gô Damas, ahmasikama géôngôé évovo. Amookô ôgie ômavovoni, ivô asiene môma. 8Saul amatimôga vamabakangô va tsina. Amapôa misome ivô asiene ta na sôma. Akedi amamôtsôpa gô mogome gôékea n’edi na gô Damas. 9Gô pitsi ditatô amabaka na pogu. Asiôngôé éaa môyakô, na asiôngôé ényua.
10Gô Damas gômabaka môneengi môvo amômôgôô inedi Ananias. Kumu Jésus amatsutsuga vandé angô gô ndoti na amamôbambéa mbe: Ananias. Angô te aabéa mbe: Me nangôô Kumu. 11Kumu amamôtôma mbe: Kiaka n’atsatsee gô nzéa ééndô mbe Droite. Gô eba ôdigaa Judas, ôbambéa mômôgôô eendô mbe Saul, môsi Tarse. Angô n’atsatsee andé gôévovo na Nzambé. 12Gô ndotine émeenangô, ameena mômôgôô eendô mbe Ananias aviga gôétsakéga angô mogome mbe miso medi moomba éénéa. 13Ananias amatsunda na Kumu mbe: Ivô Kumu, oma ayekani amanigôa me mane mamômôgôô nône. Me tsabômu mane mabévani metso mameendangô omee woo gô Jérusalem. 14Me namookô mbe atsigi gô môsenge ôdôô na ényangee évôni émeetsô angô na tsesuye yadeekedi adigondoku. Enyangee te gôétsôpa muetso ane ateta inee éoo. 15Ivô Kumu amamônikéda mbe: Kiaka. Te me namasevoa mômôgôô nône. Nangayanza n’edi gôémenyeda inami gô tsengeye yetso madeo disookanô éangô. Atômi aô angookô. Oma aIsraël angookô te n’edi. 16Memuene nangamôtubéda éetso éngeenangô maguga gô inami.
17Vane Ananias amakea. Amatsiga gô eba aJudas na amatsakéga Saul mogome. Amavovo n’edi mbe: Saul, éwe te muana aTétee n’ami gô mbumu éaNzambé. Kumu Jésus, ône amatsutsuga gôndé éwe vamavigewe gô nzéa, atômi me na gôndé éwe, buta mbe misome moo mapôga na mbe Gédidi SaNzambé géyuéséda môtémee woo. 18Tsina na tsina gômaaga sôma gô miso medi géndé ga magagôa. Na Saul ameena. Amatimôga na ameetsô bateme. 19Na vane amaa môyakô. Na ôtôe wedi ômadiia ngudi.
Saul ameekéda gô Damas mane mamavovo Nzambé
Saul amadigaa dipo pitsi n’aneengie gô Damas. 20Asidingé éengéa na gô yeba yewanyéô gôéékéda mbe: Jésus te Muana ANzambé. 21Muetso amookô gameekédangô ahmatsapéô. Ahmasôbasôbana mbe: ?Oô ka te ti ône amakuana gô Jérusalem ane amabambéa ina aJésusa? ?Tambô angô asivigé n’egô gôétsôpa ane ameetsa Jésus mitémamie-a? ?Na gôékeda ahngô na gôndé tsesu yadeekedi adigondoku-a?
22Vane ngudi dimabaka na Saul gôéékéda dimakôndama ti kôndama. Ajuif amadenganô gô Damas asibédô na ngudi yetsuma ébégôe paga vamanigôa angô mbe: Jésus te Christ, ône amatômu na Nzambé.
23Vamoota dipo pitsi, Ajuif amadigaa gô kundu gôévanga gépangô gôéyôha Saul. 24Ivô éne émavovo ahngô gô gépangô saô, Saul amayetédu éangô. Diômbaye yagô môsenge dimakenéôkô yetso na pitsi n’omandee gôébénga émôyôha. 25Aneengie amabaka na Saul amamôwedéa na pitsi gôémôkôndéda môgômbe amôsenge. Amamôsutuméda gô gésambi.
Saul amabuéa gô Jérusalem
26Saul amanika na gô Jérusalem. Vamatsigangô amanyôngéô évamba n’aneengie aJésus. Ivô muetso ahmeena angô gomo. Ahmatsuma paga mbe: Mavooe asikogé na gô pie môneengi n’asô. 27Vane Barnabas amakea n’edi na gôndé ane amatômukuni. Amanigôa ahngô muetso mbe: Gômakea Saul ôdôô gô nzéa ameena Kumu Jésus. Kumu amavovo n’edi. Bandôa ndéô nene asatsika éékéda ina aJésus na bôkédé gô Damas. 28Bandôa nyoone, Saul amavamba n’aneengie. Amakénga na Jérusalem nyetso gôéékéda na bôkédé gô ina aKumu Jésus. Ameetsa môtémedi wetso gô éne émeekédangô. 29Amanigôana n’Ajuif, ane amavovo ôgi aGrec. Ivô omee ane amabuta émôyôha. 30Vamookô ana atétee n’edi agô mbumu éaNzambé ébégôe éne, amaveegeda Saul na gô Césarée gôémôkeda na gô Tarse.
31Gô tsengeye yaJudée na Galilée na Samarie, asi mbumu éaNzambé amabaka gô gétabé. Amasipa na ahmoodo gô mabégô manzéa éaKumu Jésus. Ahmakea na gô mbene gômookô ahngô Kumu Jésus gomo. Gô ngudi yaGédidi SaNzambé ôtangôe waô ômakôndama te kôndama.
Enée amadôngédu
32Pierre amaseta tsengene nyetso. Nyovo amabuéa gôndé ane ameetsa Jésus mitéma, ahdigaa gô mbôka étetu mbe Lydda. 33Gô Lydda amadenga mômôgôô amakata éeyo, inedi Enée. Amabaka yama v’ekoko te aka mipuma génana n’ebeea éne. 34Pierre amavovo n’edi mbe: Enée, menya mbe Jésus-Christ agôdôngédi. Timôgaka. Kônzaka ékokoe ébaki éwe. Tsina na tsina Enée amatimôga. 35Asi Lydda muetso, n’asi gô géndamba gééndô mbe: Saron, ameena éne émabuéani na amakoa matasame gôéétsa Kumu Jésus mitéma miaô.
Dorcas amakunduu g’ôwa
36Gô môsenge aJoppé gômabaka g’ôtangôe aneengie môgeto inedi Tabitha. (G’ôgi aGrec te Dorcas. G’ôgi aGétsogo te Tsetsi.) Amayanza na pitsi n’omanda gôéénda akedi mabégô mamisôba, na gôéwedéa misuga. 37Nyovo amabaka n’ebeea na amawa. Akedi amamôôvôa ôtôe na amamôvumba gô môgényé agô ngongo eba. 38Aneengie aJésus asi Joppé amookô mbe Pierre aka gô Lydda, mbôkane ésatongonéa na Joppé. Amatôma oma abaé na môkudéga mbe: Kokooye éwe Pierre, yavôga éviga na gôndé we égô. 39Pierre amayavôga ékea na ane amaviga na môkudégee. Vamatsigahngô gô Joppé amakea na Pierre na gô tsongone éagô ngongo eba. Mikué muetso amaweséa na vandé Pierre ahdéa. Agetoe ane ahmamôtubéda édénga na ngoyiye dimatuba Dorcas vamabangô agédôngaka. 40Pierre amapatsa oma muetso mbe: Kusani. Amasiba mabongo medi gôévovo na Nzambé. Amagéngôga gôébono nzumbine na amamôénda mbe: Tabitha, timôgaka. Môgetone amapôa misome. Vameenangô Pierre, amadigaa. 41Pierre amamôtsôpa g’ôgogo na amamôwedéa gôétema môtie. Pierre amabambéa ane ameetsa Jésus mitémamie mbe: Ingéani. Nôeni gôkundugi môkanyô. 42Ebégôe émookanô môsenge wetso aJoppé. Ayekani ameetsa Kumu Jésus mitémamie gébédô na paga. 43Pierre amoomba édigaa pitsi diyekani gô Joppé. Amadigaa gô eba amômôgôône eendô mbe Simon. Angô te môgémbi egôbôkô éanyama.
Избрани в момента:
Mayanzame 9: TSV
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
Alliance Biblique du Gabon (Bible Society in Gabon) 1983
Mayanzame 9
9
Saul amakoga gôésinga Jésus
(Bono na Mayanzame 22:6–16, 26:12–18)
1Tambô gô ndéô nene, Saul asitsiké ékuana aneengi aKumu Jésus ngu na gôéyôha ahngô. Amakea na gôndé pene adeekedi adigondoku. 2Amamôduka ésangô étubéda mbe: Odôô te Saul, vambanani n’edi gô yeba yanyô yewanyéô gô Damas. Na ésangôe éne, Saul ameetsô ôtômu gôétsôpa gô yeba yewanyéô yAjuif, amôgôô n’ageto akea nzéepo na Kumu Jésus. Aahtsôpa mbe akea n’ahngô na gô Jérusalem gôétsundéu.
3Saul amakea na gô Damas. Amabaka aka gôpépôpé gôétsiga na gô môsenge ône. Tsina na tsina gévede gémaviga g’ôba gématana gô kôbangô edi. 4Amamesegea na va tsina. Amookô ôgi ômatsundéda angô mbe: Saul. ?Saul, ôkuana me gôndé? 5Saul amaabéa mbe: ?Kumu éwe ndaa? Ogie ômapandôéda mbe: Ewe Saul ôndé gôékuana me. O te me, Jésus. 6Timôgaka. Tsigaka na gô môsenge. Gône ôngakebeendu éne éngeendewe. 7Avo amôgôô amakea na Saul gôémôveegeda gô Damas, ahmasikama géôngôé évovo. Amookô ôgie ômavovoni, ivô asiene môma. 8Saul amatimôga vamabakangô va tsina. Amapôa misome ivô asiene ta na sôma. Akedi amamôtsôpa gô mogome gôékea n’edi na gô Damas. 9Gô pitsi ditatô amabaka na pogu. Asiôngôé éaa môyakô, na asiôngôé ényua.
10Gô Damas gômabaka môneengi môvo amômôgôô inedi Ananias. Kumu Jésus amatsutsuga vandé angô gô ndoti na amamôbambéa mbe: Ananias. Angô te aabéa mbe: Me nangôô Kumu. 11Kumu amamôtôma mbe: Kiaka n’atsatsee gô nzéa ééndô mbe Droite. Gô eba ôdigaa Judas, ôbambéa mômôgôô eendô mbe Saul, môsi Tarse. Angô n’atsatsee andé gôévovo na Nzambé. 12Gô ndotine émeenangô, ameena mômôgôô eendô mbe Ananias aviga gôétsakéga angô mogome mbe miso medi moomba éénéa. 13Ananias amatsunda na Kumu mbe: Ivô Kumu, oma ayekani amanigôa me mane mamômôgôô nône. Me tsabômu mane mabévani metso mameendangô omee woo gô Jérusalem. 14Me namookô mbe atsigi gô môsenge ôdôô na ényangee évôni émeetsô angô na tsesuye yadeekedi adigondoku. Enyangee te gôétsôpa muetso ane ateta inee éoo. 15Ivô Kumu amamônikéda mbe: Kiaka. Te me namasevoa mômôgôô nône. Nangayanza n’edi gôémenyeda inami gô tsengeye yetso madeo disookanô éangô. Atômi aô angookô. Oma aIsraël angookô te n’edi. 16Memuene nangamôtubéda éetso éngeenangô maguga gô inami.
17Vane Ananias amakea. Amatsiga gô eba aJudas na amatsakéga Saul mogome. Amavovo n’edi mbe: Saul, éwe te muana aTétee n’ami gô mbumu éaNzambé. Kumu Jésus, ône amatsutsuga gôndé éwe vamavigewe gô nzéa, atômi me na gôndé éwe, buta mbe misome moo mapôga na mbe Gédidi SaNzambé géyuéséda môtémee woo. 18Tsina na tsina gômaaga sôma gô miso medi géndé ga magagôa. Na Saul ameena. Amatimôga na ameetsô bateme. 19Na vane amaa môyakô. Na ôtôe wedi ômadiia ngudi.
Saul ameekéda gô Damas mane mamavovo Nzambé
Saul amadigaa dipo pitsi n’aneengie gô Damas. 20Asidingé éengéa na gô yeba yewanyéô gôéékéda mbe: Jésus te Muana ANzambé. 21Muetso amookô gameekédangô ahmatsapéô. Ahmasôbasôbana mbe: ?Oô ka te ti ône amakuana gô Jérusalem ane amabambéa ina aJésusa? ?Tambô angô asivigé n’egô gôétsôpa ane ameetsa Jésus mitémamie-a? ?Na gôékeda ahngô na gôndé tsesu yadeekedi adigondoku-a?
22Vane ngudi dimabaka na Saul gôéékéda dimakôndama ti kôndama. Ajuif amadenganô gô Damas asibédô na ngudi yetsuma ébégôe paga vamanigôa angô mbe: Jésus te Christ, ône amatômu na Nzambé.
23Vamoota dipo pitsi, Ajuif amadigaa gô kundu gôévanga gépangô gôéyôha Saul. 24Ivô éne émavovo ahngô gô gépangô saô, Saul amayetédu éangô. Diômbaye yagô môsenge dimakenéôkô yetso na pitsi n’omandee gôébénga émôyôha. 25Aneengie amabaka na Saul amamôwedéa na pitsi gôémôkôndéda môgômbe amôsenge. Amamôsutuméda gô gésambi.
Saul amabuéa gô Jérusalem
26Saul amanika na gô Jérusalem. Vamatsigangô amanyôngéô évamba n’aneengie aJésus. Ivô muetso ahmeena angô gomo. Ahmatsuma paga mbe: Mavooe asikogé na gô pie môneengi n’asô. 27Vane Barnabas amakea n’edi na gôndé ane amatômukuni. Amanigôa ahngô muetso mbe: Gômakea Saul ôdôô gô nzéa ameena Kumu Jésus. Kumu amavovo n’edi. Bandôa ndéô nene asatsika éékéda ina aJésus na bôkédé gô Damas. 28Bandôa nyoone, Saul amavamba n’aneengie. Amakénga na Jérusalem nyetso gôéékéda na bôkédé gô ina aKumu Jésus. Ameetsa môtémedi wetso gô éne émeekédangô. 29Amanigôana n’Ajuif, ane amavovo ôgi aGrec. Ivô omee ane amabuta émôyôha. 30Vamookô ana atétee n’edi agô mbumu éaNzambé ébégôe éne, amaveegeda Saul na gô Césarée gôémôkeda na gô Tarse.
31Gô tsengeye yaJudée na Galilée na Samarie, asi mbumu éaNzambé amabaka gô gétabé. Amasipa na ahmoodo gô mabégô manzéa éaKumu Jésus. Ahmakea na gô mbene gômookô ahngô Kumu Jésus gomo. Gô ngudi yaGédidi SaNzambé ôtangôe waô ômakôndama te kôndama.
Enée amadôngédu
32Pierre amaseta tsengene nyetso. Nyovo amabuéa gôndé ane ameetsa Jésus mitéma, ahdigaa gô mbôka étetu mbe Lydda. 33Gô Lydda amadenga mômôgôô amakata éeyo, inedi Enée. Amabaka yama v’ekoko te aka mipuma génana n’ebeea éne. 34Pierre amavovo n’edi mbe: Enée, menya mbe Jésus-Christ agôdôngédi. Timôgaka. Kônzaka ékokoe ébaki éwe. Tsina na tsina Enée amatimôga. 35Asi Lydda muetso, n’asi gô géndamba gééndô mbe: Saron, ameena éne émabuéani na amakoa matasame gôéétsa Kumu Jésus mitéma miaô.
Dorcas amakunduu g’ôwa
36Gô môsenge aJoppé gômabaka g’ôtangôe aneengie môgeto inedi Tabitha. (G’ôgi aGrec te Dorcas. G’ôgi aGétsogo te Tsetsi.) Amayanza na pitsi n’omanda gôéénda akedi mabégô mamisôba, na gôéwedéa misuga. 37Nyovo amabaka n’ebeea na amawa. Akedi amamôôvôa ôtôe na amamôvumba gô môgényé agô ngongo eba. 38Aneengie aJésus asi Joppé amookô mbe Pierre aka gô Lydda, mbôkane ésatongonéa na Joppé. Amatôma oma abaé na môkudéga mbe: Kokooye éwe Pierre, yavôga éviga na gôndé we égô. 39Pierre amayavôga ékea na ane amaviga na môkudégee. Vamatsigahngô gô Joppé amakea na Pierre na gô tsongone éagô ngongo eba. Mikué muetso amaweséa na vandé Pierre ahdéa. Agetoe ane ahmamôtubéda édénga na ngoyiye dimatuba Dorcas vamabangô agédôngaka. 40Pierre amapatsa oma muetso mbe: Kusani. Amasiba mabongo medi gôévovo na Nzambé. Amagéngôga gôébono nzumbine na amamôénda mbe: Tabitha, timôgaka. Môgetone amapôa misome. Vameenangô Pierre, amadigaa. 41Pierre amamôtsôpa g’ôgogo na amamôwedéa gôétema môtie. Pierre amabambéa ane ameetsa Jésus mitémamie mbe: Ingéani. Nôeni gôkundugi môkanyô. 42Ebégôe émookanô môsenge wetso aJoppé. Ayekani ameetsa Kumu Jésus mitémamie gébédô na paga. 43Pierre amoomba édigaa pitsi diyekani gô Joppé. Amadigaa gô eba amômôgôône eendô mbe Simon. Angô te môgémbi egôbôkô éanyama.
Избрани в момента:
:
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
Alliance Biblique du Gabon (Bible Society in Gabon) 1983