Gẹnẹsis 13
13
Ebram Vbe Lọt Wannọ Egbe
1Ebram keghi la odẹ okuọ lahin Igipt rre gha rrie otọ odẹ ekẹn Kenan, ke irẹn kevbe amwẹ ọnrẹn, kevbe emwi ne irẹn mwẹ hia. Lọt kevbe lelẹe. 2Ebram kegha re ọmwa ne ọ fe ne ọ mwẹ ohuan, ẹwe kevbe ẹmila deba igoru kevbe esiliva. 3Rẹn keghi si ke agọ la agọ kevbe ihe ọkpa la ọvbehe gha rrie odẹ Bẹtẹl vbe ehe ne ọ ka bu agọ yi ẹghẹ ọkpa vbe ẹkpo Bẹtẹl kevbe Ai. 4Ọ kegha rrie eke ne ọ ka gbe aka yi, ọ keghi ya ga e Nọyaẹnmwa vbe evba. 5E Lọt ne ọ lelẹe kevbe gha mwẹ ohuan, ẹwe, ẹmila kẹe kevbe ẹgbẹe ọre kevbe eguọmwadia ẹre. 6Ehe ne avbe emwirri na rria ma sẹ ne iran gba gha rre ihọkpa, rhunmwuda emwirri ne iran eveva mwẹ bun gbe. 7Rhunmwuda ọnii, okhọn kegha rre ẹkpo emwa ni gbearoghe emwirri ọghe Ebram kevbe emwa ni gbearoghe ọghe Lọt, (Ẹghẹ ne a kha na, emwa Kenan kevbe emwa Pẹriz he ye rre otọe na).
8Ẹre Ebram na khama Lọt wẹẹ, “Etẹn ma khin, ọ ma kei ne emwa mwẹ kevbe emwa ruẹn gba gha gui. 9Gie ima wannegbe. Lahọ zẹ obọ ne ọ yẹ ruẹ sẹ vbe otọe na ne u sẹ mwẹ rae, wẹ ghi laghe obọ ọkpa ne imẹ laghe obọ nọkpa.” 10Lọt keghi tọn aro mu ọ na miẹn wẹ, iya ọghe ẹzẹ Jọdan hia wa ya sẹ Zoa, amẹ wa rrọọ ẹsẹse zẹ vbe ogba ọghe Nọyaẹnmwa, kevbe sẹ vbe otọe Igipt! (Ẹghẹ na, Nọyaẹnmwa ma he fuẹn otọ Sọdom kevbe Gomorra). 11Lọt keghi zẹ otọe iya ọghe Jọdan hia ne egbe ẹre, ọ keghi si kpao laghe odẹ ọlarre owẹn. Erriọ iran eveva ya wannọ egbe. 12Ebram keghi di Kenan ya, Lọt keghi gbe ẹkun sotọ yin avbe ẹvbo ni rre iya nii, ọ na bu agọ ye ọkpẹn Sọdom, 13ne emwa rẹn re emwa dan ni vbe ru orukhọ ghe Nọyaẹnmwa.
Ebram Si Gha Rrie Hibrọn
14Ugbẹn vbe Lọt ghi kpao nẹ, e Nọyaẹnmwa keghi tama Ebram wẹẹ, “Wa hẹko ke ehe ne u ye nii ghe lẹga egbe. 15I gha mu otọe ne u bẹghe hia ne uwẹ vbe uniẹn ruẹn, ọ ghi vbe gha re ọwuẹ ẹdẹdẹmwẹdẹ. 16I gha viọ uniẹn nibun nuẹn, iran gha bun sẹrriọ wẹ a i miẹn ọmwa ne ọ gha sẹtin ka iran zẹ vbe ne a i miẹn ọmwa ne ọ gha sẹtin ka ikpẹ ekhae ne otọ! 17Wanwanna nian, mu egbe ne u khian la otọe nii ga a, rhunmwuda, te I ra mu ehia nuẹn.” 18Rhunmwuda ọnii, Ebram na si agọ ẹre, ọ keghi ya bu ẹre ye ọkpẹn erhan iruẹmwi ọghe Mamrẹ vbe Hibrọn, ọ ke gba aka ne Nọyaẹnmwa vbe evba.
Избрани в момента:
Gẹnẹsis 13: EDO96
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
@ The Bible Society of Nigeria, 1996
Gẹnẹsis 13
13
Ebram Vbe Lọt Wannọ Egbe
1Ebram keghi la odẹ okuọ lahin Igipt rre gha rrie otọ odẹ ekẹn Kenan, ke irẹn kevbe amwẹ ọnrẹn, kevbe emwi ne irẹn mwẹ hia. Lọt kevbe lelẹe. 2Ebram kegha re ọmwa ne ọ fe ne ọ mwẹ ohuan, ẹwe kevbe ẹmila deba igoru kevbe esiliva. 3Rẹn keghi si ke agọ la agọ kevbe ihe ọkpa la ọvbehe gha rrie odẹ Bẹtẹl vbe ehe ne ọ ka bu agọ yi ẹghẹ ọkpa vbe ẹkpo Bẹtẹl kevbe Ai. 4Ọ kegha rrie eke ne ọ ka gbe aka yi, ọ keghi ya ga e Nọyaẹnmwa vbe evba. 5E Lọt ne ọ lelẹe kevbe gha mwẹ ohuan, ẹwe, ẹmila kẹe kevbe ẹgbẹe ọre kevbe eguọmwadia ẹre. 6Ehe ne avbe emwirri na rria ma sẹ ne iran gba gha rre ihọkpa, rhunmwuda emwirri ne iran eveva mwẹ bun gbe. 7Rhunmwuda ọnii, okhọn kegha rre ẹkpo emwa ni gbearoghe emwirri ọghe Ebram kevbe emwa ni gbearoghe ọghe Lọt, (Ẹghẹ ne a kha na, emwa Kenan kevbe emwa Pẹriz he ye rre otọe na).
8Ẹre Ebram na khama Lọt wẹẹ, “Etẹn ma khin, ọ ma kei ne emwa mwẹ kevbe emwa ruẹn gba gha gui. 9Gie ima wannegbe. Lahọ zẹ obọ ne ọ yẹ ruẹ sẹ vbe otọe na ne u sẹ mwẹ rae, wẹ ghi laghe obọ ọkpa ne imẹ laghe obọ nọkpa.” 10Lọt keghi tọn aro mu ọ na miẹn wẹ, iya ọghe ẹzẹ Jọdan hia wa ya sẹ Zoa, amẹ wa rrọọ ẹsẹse zẹ vbe ogba ọghe Nọyaẹnmwa, kevbe sẹ vbe otọe Igipt! (Ẹghẹ na, Nọyaẹnmwa ma he fuẹn otọ Sọdom kevbe Gomorra). 11Lọt keghi zẹ otọe iya ọghe Jọdan hia ne egbe ẹre, ọ keghi si kpao laghe odẹ ọlarre owẹn. Erriọ iran eveva ya wannọ egbe. 12Ebram keghi di Kenan ya, Lọt keghi gbe ẹkun sotọ yin avbe ẹvbo ni rre iya nii, ọ na bu agọ ye ọkpẹn Sọdom, 13ne emwa rẹn re emwa dan ni vbe ru orukhọ ghe Nọyaẹnmwa.
Ebram Si Gha Rrie Hibrọn
14Ugbẹn vbe Lọt ghi kpao nẹ, e Nọyaẹnmwa keghi tama Ebram wẹẹ, “Wa hẹko ke ehe ne u ye nii ghe lẹga egbe. 15I gha mu otọe ne u bẹghe hia ne uwẹ vbe uniẹn ruẹn, ọ ghi vbe gha re ọwuẹ ẹdẹdẹmwẹdẹ. 16I gha viọ uniẹn nibun nuẹn, iran gha bun sẹrriọ wẹ a i miẹn ọmwa ne ọ gha sẹtin ka iran zẹ vbe ne a i miẹn ọmwa ne ọ gha sẹtin ka ikpẹ ekhae ne otọ! 17Wanwanna nian, mu egbe ne u khian la otọe nii ga a, rhunmwuda, te I ra mu ehia nuẹn.” 18Rhunmwuda ọnii, Ebram na si agọ ẹre, ọ keghi ya bu ẹre ye ọkpẹn erhan iruẹmwi ọghe Mamrẹ vbe Hibrọn, ọ ke gba aka ne Nọyaẹnmwa vbe evba.
Избрани в момента:
:
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
@ The Bible Society of Nigeria, 1996