Gẹnẹsis 14
14
Ebram Fan Lọt Vbe Irri
1Avbe ọba enẹ, Amrafẹl ne ọba ọghe Babilonia, Ariọk ne ọba Elasa, Kiedolaoma ọba ọghe Ẹlam kevbe Tidal ne ọba ọghe Goim. 2Iran keghi mu okuo gie ọba isẹn, Bera ọghe Sọdom, Risia ọghe Gomorra, Sinab ọghe Adma, Siẹmba ọghe Zẹboim kevbe ọba ọghe Bẹla (ra Zoa) 3Avbe ọba isisẹn na keghi ku obọ gbe, iran tẹn iyokuo iran kugbe vbe iya ọghe Sidim ne a ghi tie ẹre Okun Nọwu na. 4Kiedolaoma keghi kagha khaemwisẹ yan iran vbe ukpo iweva, sokpan ọ ghi sẹ ukpo ne ogiwera, iran na sọtẹ ghe ẹre. 5Vbe ukpo nogiwenẹ, Kiedolaoma kevbe iran ne ọ guẹe ku obọ gbe bu iran gha dee, iran keghi khọn miẹn Refeim otọ vbe Astarrọt-kanem, Zuzim ne Ham, emwi ne ọ rre otọ nọ rriẹe ọghe kirriatam. 6Ke Horit ne ọ rre uhunmwu oke ọghe Idọm rhinrin yasẹ Elparan ne ọ rre vbe a ra la ato fo. 7Iran keghi fi ọdelegbe, iran na gha die Kedẹs (Enmispat ọre a tie ẹre ẹghẹ nii), iran keghi khọn otọ Amẹlẹk hia muotọ kevbe ọghe Amọn ni rre Hazazọn-tama.
8Ẹre ọba ọghe Sọdom, Gomorra, Adma, Zẹboim kevbe Bẹla na ku iyokuo iran kugbe ne iran ya khọn vbe Iya ọghe Sidim, ne iran 9na gu avbe ọba ọghe Ẹlam, kevbe ọghe Giom, Babilonia, kevbe Elasa gbinna, ọba isẹn kegha gu ọba enẹ khọn.
10Uvun ọdan ọre ọ vuọn iya ọghe Sidim, ugbẹn vbe avbe ọba Sọdom kevbe Gomorra ghi te ra lẹ kua vbe okuo, iran na kharha ye uwu uvun nii, iran nekpa ke lẹ la uhunmwu oke. 11Avbe ọba enenẹ nii keghi viọ emwi hia ni rre Sọdom kevbe Gomorra, yasẹ egbe evbare, iran na gha rrie. 12Iran keghi vbe mu e Lọt kẹe kevbe emwi ne ọ mwẹ hia rhunmwuda Sọdom rẹn gha ye.
13Sokpan okpia ọkpa ne ọ lẹ fe keghi do tama Ebram ne ovbi e Hibru, ọkpẹn erhan iruemwi ọghe Mamrẹ ne ọmwa Amọri rẹn gha ye, ọmwa Mamrẹ ne ọ re ọtẹn Ẹskọl kevbe Anẹ keghi re emwa ni ye obọ ba Ebram. 14Ugbẹn vbe Ebram ghi họn ighẹ iran mu ọtiọnrẹn, ọ keghi tie emwa ni gia mu ẹtin yan vbe avbe emwa rẹn si koko, arhin evairrọvbiyehan yan uri (318), ọ na khu avbe ọba nii ya sẹ Dan. 15Rẹn vbe emwa rẹn keghi ghae ye otu vbe evba, iran keghi dekun iran vbe odẹ ekẹn ọghe Damaskọs. 16Iran keghi viọ emwi iran hia werriegbe. Ọ kevbe mu ọtiọnrẹn ighẹ Lọt werriegbe rre, kẹe kevbe emwi ẹnrẹn hia, kevbe avbe ikhuo kevbe avbe oghunmwu ọvbehe.
Mẹlkizẹdẹk Fiangbe Ebram
17Ugbẹn vbe Ebram ghi ke ehe ne ọ na ya khọn miẹn Kiedolaoma kẹe kevbe avbe ọba nekpa ni yaba ẹre rre, ọba Sọdom keghi khian bu ẹre sẹ iya ọghe Siave (ne avbe tie ẹre iya ọba). 18E Mẹlkizẹdẹk ne ọba Salẹm kevbe ne ọ vbe re ohẹn ọghe Osanobua Nọyosẹ keghi viọ ebrẹd kevbe ayọn gie Ebram, 19ọ keghi fiangbẹe vbe nian wẹẹ, “Te Osanobua Nọyosẹ, ne ọ yii ẹrinmwi kevbe agbọn, gha fiangbe Ebram! 20Te Osanobua Nọyosẹ, ne ọ rhie akhọnmiotọ nuẹn vbe uhunmwu avbe eghian ruẹn gha re ne a rho!” Ebram keghi wa emwi ne ọ viọ rre ye ihe igbe, ọ na viọ obọkpa vbọ ne Mẹlkizẹdẹk.
21Ọba ọghe Sọdom keghi tama Ebram wẹẹ, “Viọ emwi hia ne u viọ rre gha khian sokpan viọ avbe emwa mwẹ dọlegbe mẹ.”
22Sokpan Ebram keghi wanniẹn wẹẹ, “Ekhọekekhọe ọre i wa ya vẹn ihẹn vbe odaro Nọyaẹnmwa Osanobua Nọyosẹ, ọmwa ne ọ yii ẹrinmwi kevbe agbọn. 23Wẹ mẹ I ra rhie emwikemwi nọ re ọwuẹ, yasẹ egbe oru irri ibata, ne u ghẹ ya gha tae khian wẹẹ, ‘Mẹ ọre ọ fee Ebram.’ 24Mẹ i ra rhie emwi rhọkpa ọghe obọ mwẹ. I gha rhan obọ miẹn emwi ne avbe emwa mwẹ loro. Sokpan, gie avbe ihomwa, Anẹ, Ẹskọl kevbe Mamrẹ, viọ emwi ni sẹ iran obọ.”
Избрани в момента:
Gẹnẹsis 14: EDO96
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
@ The Bible Society of Nigeria, 1996
Gẹnẹsis 14
14
Ebram Fan Lọt Vbe Irri
1Avbe ọba enẹ, Amrafẹl ne ọba ọghe Babilonia, Ariọk ne ọba Elasa, Kiedolaoma ọba ọghe Ẹlam kevbe Tidal ne ọba ọghe Goim. 2Iran keghi mu okuo gie ọba isẹn, Bera ọghe Sọdom, Risia ọghe Gomorra, Sinab ọghe Adma, Siẹmba ọghe Zẹboim kevbe ọba ọghe Bẹla (ra Zoa) 3Avbe ọba isisẹn na keghi ku obọ gbe, iran tẹn iyokuo iran kugbe vbe iya ọghe Sidim ne a ghi tie ẹre Okun Nọwu na. 4Kiedolaoma keghi kagha khaemwisẹ yan iran vbe ukpo iweva, sokpan ọ ghi sẹ ukpo ne ogiwera, iran na sọtẹ ghe ẹre. 5Vbe ukpo nogiwenẹ, Kiedolaoma kevbe iran ne ọ guẹe ku obọ gbe bu iran gha dee, iran keghi khọn miẹn Refeim otọ vbe Astarrọt-kanem, Zuzim ne Ham, emwi ne ọ rre otọ nọ rriẹe ọghe kirriatam. 6Ke Horit ne ọ rre uhunmwu oke ọghe Idọm rhinrin yasẹ Elparan ne ọ rre vbe a ra la ato fo. 7Iran keghi fi ọdelegbe, iran na gha die Kedẹs (Enmispat ọre a tie ẹre ẹghẹ nii), iran keghi khọn otọ Amẹlẹk hia muotọ kevbe ọghe Amọn ni rre Hazazọn-tama.
8Ẹre ọba ọghe Sọdom, Gomorra, Adma, Zẹboim kevbe Bẹla na ku iyokuo iran kugbe ne iran ya khọn vbe Iya ọghe Sidim, ne iran 9na gu avbe ọba ọghe Ẹlam, kevbe ọghe Giom, Babilonia, kevbe Elasa gbinna, ọba isẹn kegha gu ọba enẹ khọn.
10Uvun ọdan ọre ọ vuọn iya ọghe Sidim, ugbẹn vbe avbe ọba Sọdom kevbe Gomorra ghi te ra lẹ kua vbe okuo, iran na kharha ye uwu uvun nii, iran nekpa ke lẹ la uhunmwu oke. 11Avbe ọba enenẹ nii keghi viọ emwi hia ni rre Sọdom kevbe Gomorra, yasẹ egbe evbare, iran na gha rrie. 12Iran keghi vbe mu e Lọt kẹe kevbe emwi ne ọ mwẹ hia rhunmwuda Sọdom rẹn gha ye.
13Sokpan okpia ọkpa ne ọ lẹ fe keghi do tama Ebram ne ovbi e Hibru, ọkpẹn erhan iruemwi ọghe Mamrẹ ne ọmwa Amọri rẹn gha ye, ọmwa Mamrẹ ne ọ re ọtẹn Ẹskọl kevbe Anẹ keghi re emwa ni ye obọ ba Ebram. 14Ugbẹn vbe Ebram ghi họn ighẹ iran mu ọtiọnrẹn, ọ keghi tie emwa ni gia mu ẹtin yan vbe avbe emwa rẹn si koko, arhin evairrọvbiyehan yan uri (318), ọ na khu avbe ọba nii ya sẹ Dan. 15Rẹn vbe emwa rẹn keghi ghae ye otu vbe evba, iran keghi dekun iran vbe odẹ ekẹn ọghe Damaskọs. 16Iran keghi viọ emwi iran hia werriegbe. Ọ kevbe mu ọtiọnrẹn ighẹ Lọt werriegbe rre, kẹe kevbe emwi ẹnrẹn hia, kevbe avbe ikhuo kevbe avbe oghunmwu ọvbehe.
Mẹlkizẹdẹk Fiangbe Ebram
17Ugbẹn vbe Ebram ghi ke ehe ne ọ na ya khọn miẹn Kiedolaoma kẹe kevbe avbe ọba nekpa ni yaba ẹre rre, ọba Sọdom keghi khian bu ẹre sẹ iya ọghe Siave (ne avbe tie ẹre iya ọba). 18E Mẹlkizẹdẹk ne ọba Salẹm kevbe ne ọ vbe re ohẹn ọghe Osanobua Nọyosẹ keghi viọ ebrẹd kevbe ayọn gie Ebram, 19ọ keghi fiangbẹe vbe nian wẹẹ, “Te Osanobua Nọyosẹ, ne ọ yii ẹrinmwi kevbe agbọn, gha fiangbe Ebram! 20Te Osanobua Nọyosẹ, ne ọ rhie akhọnmiotọ nuẹn vbe uhunmwu avbe eghian ruẹn gha re ne a rho!” Ebram keghi wa emwi ne ọ viọ rre ye ihe igbe, ọ na viọ obọkpa vbọ ne Mẹlkizẹdẹk.
21Ọba ọghe Sọdom keghi tama Ebram wẹẹ, “Viọ emwi hia ne u viọ rre gha khian sokpan viọ avbe emwa mwẹ dọlegbe mẹ.”
22Sokpan Ebram keghi wanniẹn wẹẹ, “Ekhọekekhọe ọre i wa ya vẹn ihẹn vbe odaro Nọyaẹnmwa Osanobua Nọyosẹ, ọmwa ne ọ yii ẹrinmwi kevbe agbọn. 23Wẹ mẹ I ra rhie emwikemwi nọ re ọwuẹ, yasẹ egbe oru irri ibata, ne u ghẹ ya gha tae khian wẹẹ, ‘Mẹ ọre ọ fee Ebram.’ 24Mẹ i ra rhie emwi rhọkpa ọghe obọ mwẹ. I gha rhan obọ miẹn emwi ne avbe emwa mwẹ loro. Sokpan, gie avbe ihomwa, Anẹ, Ẹskọl kevbe Mamrẹ, viọ emwi ni sẹ iran obọ.”
Избрани в момента:
:
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
@ The Bible Society of Nigeria, 1996