यहून्नो 9
9
जेह्की बेहच़ी कांणे मीहबी टीरा रंड्री
1अपेहल यीशु एनोह चेला तंङ साते इबि लेहकी तोहई, दोई इच्च़ा मीह तंङरी, अरी जेहकपिमी बेहच़ी ए कांणे तोहई। 2दंङ दोऊ चेलाज़ि दुह रुहक्तिर, “हे गुरु, अच़ि पाप लहते कि दिह कांणे ज़ेहका, दि मीहे या दिऊ याह बाह ज़ि पाप लहतो?”
3यीशु ज़ि जुबाब रेंई, “माह दि पाप लहते, माह दिऊ याह बाह ज़ि पर दिह दिऊ थल्जी कांणे जेह्के शुह, कि परमेश्वरो सामर्थ दोऊ दोरच़ी प्रगट शवाह लोहतो। 4अच़ि गेह च़रसी शुगाह दु कम हेन्दिंङ नीरा नीरारिंङ लह्जी लह्पोतो! दुह रात अपिमी तोद, अपेहल छले कम माहशोर। 5अपेहल तचेक गेह संसारारंङ तोतोग, दोहपल तचेक गेह संसारो छंङी शुगाह।” 6दिह कुचे थल दोई धरतीरिंङ थूह लहरी दंङ दुह थू रंङ षोह अलेग लहरी दंङ दुह षोह दुह काणे मीहू टिरारिंङ लगाके 7दोरंङ साते कुंई, “इला, दंङ केनोह मोद” शिलोह कुण्ड़ा (मतलब भेजा हुआ) रिंङ शुहल्ज़े च़रतु, दोई मोद शुल्ज़ा दंङ खंड्रा वापिस यह्च़ा अति।
8दंङ दुह मीहू पड़ोसिरे ए ऊहई मीहरेर अच़ि दुह भीख पेट्री तंङसी तहरेर, इदि अईदिरंङ साते कुट्री लेहतिर, “छि दिह दुहए मश्ता अरी भीख पेट्री तोहई?” 9रेह मीहरे कुट्री लेहतिर, “दिह दुहए शुह,” ऊईज़ि कुट्री लेहतिर, माह शुह पर दोऊ “ए ठ्रोह तोह” दोई कुंई, “गेह दुहए शुगाह।” 10दंङ दोरे दोबि रुहक्च़ी लेहतिर, “कांह छना खंड्री लेहतिन?”
11दुह मीहे जुबाब रेंई, “यीशु मिंदंङ इच्च़ा मीहे श्रोह अलेग लेह गिऊ टिरो टोईच़ी चाए गेरंङ साते कुंई, केनोह मोद शिलोहो कुण्ड़ा रिंङ शुहल्ज़े च़रतु, दंङ गेह कुण्ड़ा रिंङ इलिगा, दंङ शुहल्ज़े खंड्री लेहती।” 12दोच़ी दुह रुहक्ती, “दुह मीह अंऊर तोह?” दोई कुंई, “गेह माह ञेंहगा।”
फरिसी तु दोरच़ी ठीक लहसी ऊ जांच पड़ताल
13-14अंऊ ध्याड़ा रिंङ यीशु ज़ि दुह मीह ठीक लहते, दुह अरामो ध्याड़ा तोहई। दिऊ थल्जी मीह ज़ि दुह मीहबी फरीसी मीहतु कछंङ रेंज़ा शिलिर। 15दंङ फरीसी मीहज़ी ला दुह रुहक्तिर, कांह छना खंड्री लेहतिन? दोई दोतु हखा कुंई, “दोई गिऊ टिरारिंङ षोह लगाएती दंङ गेह शुहल्ज़ातग धह गेह खंड्री लेह्की तोतोग।”
16दिरंङ महस फरीसी मीहरेर कुट्री लेहतिर, “दी मीह परमेश्वरो दोरच़ी माह शुह, छना कुचे दीह अरामो ध्याड़ा माह मनेक्च़ा।” ऊई मीहरे कुट्री लेहतिर, “दिह ठ्रोह पापी मीहे झांह ठ्रोह चिन्ह चमत्कार छना लेह तरपा?” दोऊ थल दोतु बिचंङ अनबन शुहचे इलि। 17दोच़ी दुह काणे मीह यह्च़ा रूह्कतिरे, “केई दोऊ पाहठी छि कुट्रातन?” दोई कुंई, “दुह भविष्यवक्ता शुह।”
18पर यहुदी सेंहणा तिंङ विशवास माह शुई कि दिह काणे तोहई दा खंड्री लेहकी तोह, दिऊ थल्जी दोच़ी दुह मीहू अतु टिरा अल्सा इलजी तोहई दंङ खंड्री लेहकी तोहई याह ए बाह बुलाएतीर, 19दंङ दोतु हखा रुहक्तिर, “छि दिह केहतु योह शुहआ, अतु पाहठी केहच़ी कुट्रातंई कि दिह काणे जेह्की शुह? धह दिह छना खंड्रा?” 20दोऊ याह बाह ज़ि जुबाब रेंईर, “ञेंतिंङ पता तोह दिह ञेंहतु योह शुह, दंङ कांणे ए जेह्कते। 21पर ञेंतिंङ पता माह कि छना खंड्रा; माह ञेंतिंङ दिह पता तोह कि दिऊ टिरारे अच़ि अल्ज़ातो; दिह एनोह थल्जी जुबाब रंड्रीमी जोगे तोह; दोई एनोह पाहठी ऐनाह ए कंबतो।” 22दिह गप्पारे दोऊ याह बाह ज़ि दिऊ थल्जी कुह्तेर छना कुचे दोरे यहुदी सेंहणा तंङ साते बेवातेर; छना कुचे दोरे भत्ते इच्च़ा शुहचे तोईरे, कि अच़िया विशवास लहरिर ता यीशु ए मसीह शुह ता यहुदी सभा घरबारंङ च़ि धह्कते हुंच़े च़रपोर। 23दिह ए बजह च़ि दोऊ याह बाह ज़ि कुईर, दुह जुबाब रंड्रीमी थल्जी एहसी मोह्ड़े शुह, “दोऊ दोरच़ी ए रुहकी च़रतुंई।”
24दंङ यहुदी सेंहणा ज़ि दुह मीह अरी कांणे तोहई यह्च़ा बुलाके दोऊ हखा कुईर, “परमेश्वरो तुईज़ी वाईदा लोहू कि केई हेले कोहन; ञेंतिंङ ता पता तोह कि दुह मीह पापी शुह।” 25दोई जुबाब रेंई, “गेह ता माह ञेंहगा कि दुह पापी शुह आ माह शुह, गेह इच्च़ा गप्पा ञेंहच़ातग कि गेह तुई कांणे तोईग दंङ खंड्रातग।” 26दोच़ी दोऊ हखा यह्च़ा रूह्कतिरे, “दोई करंङ साते छि लहते? दोई कांह छना ठीक लहते?” 27दोई दोतंङ कुंई, “गेह तुई कंज़े च़रचातेग पर केहच़ी थाशातंई ए माह। दा यच़ाह छिले रेड्री जुंज़ातंई? छिह केरे ला दोऊ चेलारे शुबि ततना?” 28दंङ दोरे दोबि मांजी कुट्री लेहतिर, “कांह ए दोऊ चेला शॉन ञेंहरे ता मूसाऊ चेलारे शुई। 29ञेंहच़ी ञेंहनी कि परमेश्वरे मूसा रंङ साते गप्पा लहरी; पर दिह मीहबी माह ञेंहनी कि दुह अंऊरच़ि अपा।” 30दोई दोतिंङ जुबाब रेंई, “दिह ता हेरानीऊ गप्पा शुह कि केहच़ी माह ञेंहनी कि दुह अंऊखि शुह तांला दोई गिऊ टिरार ठीक लेह केई। 31ञेंतिंङ पता तोह कि परमेश्वरे पापी मीहतु माह रेड्री ञेंहई कि परमेश्वरे पापीतु मारेड्री, अगर अरीआ परमेश्वरो भक्त शुई, दंङ दोऊ गप्पा मनेक्च़ा, ता दोई दोऊ रेड्री। 32अपेहल बे संसारो शुरुवात शुहते दिह रेड्रिमी माह अति, कि अच़िला काणे जेह्की मीहबी नज़र रेंई। 33अगर दुह मीह परमेश्वरो दोरच़ी माह शुचंङ, ता दोई छले लेह मरच़ि तोहई।”
34दोच़ी दोबि जुबाब रेंईर, कांह ता पापो दोरच़ी जेह्की शुनाह, “केई ञेंतिंङ छि कंड्रातन?” दंङ दोच़ी दुह मीह यहुदी सभा घरबारंङ च़ि धह्तेका हुंच़े च़रतिर।
आत्मिकता रिंङ कांणे
35यीशु ज़ि रेड्रिरी, कि दोच़ी दुह मीह यहुदी सभा घरबारंङ च़ि धकतेखा हुंज़े चरतोर; दंङ अपेहल दोरंङ साते दोईरी ता, “छि केई परमेश्वरो योहू टोहकठे विशवास लहज़ातना?” 36दोई जुबाब रेंई, “हे श्री मान, गिह्बी कंड्रु कि दिह परमेश्वरो योह अरी शुह कि गेह दोऊ टोहकठे विशवास लेह तरपोग?”
37यीशु ज़ि दोरंङ साते कुंई, “गेह परमेश्वरो योह शुगाह, केई गिह्बी तुईबे तंङातेन; दंङ गेह दुह शुगाह अंऊ करंङ साते-साते गप्पा लहज़ी लेहकी तोतोग।” 38दोई यीशु रंङ साते कुंई, “हे प्रभु, गेह कांह टोहकठे विशवास लहतग” दंङ दोई यीशु बि फ्यग लहरी। 39दंङ यीशु ज़ि कुंई, “गेह दिह संसारारंङ मीहतु न्याय लहज़िमी थल्जी अंज़े शुगाह। दंङ गेह दिऊ थल्जी अंज़े शुगाह कि कांणे दोरे खमोर दंङ दुह मीहतिंङ कंड्रिमी थल्जी अच़ि चेहच़ातोर कि दोरे खंड्रातोर पर दोरे कांणे तोतोर।”
40अरी फरीसी मीहरे दोरंङ साते तोईरे, दोच़ी दीह गप्पा रेड्री रंङ साते यीशु ऊ हखा कुंई, “छि केई कुट्रातन आ कि ञेंहरे ला काणे शुंईयां? 41यीशु ज़ि दोतंङ साते कुंई, अगर केहरे कांणे शुहचंङ ता पापी माह शुंईयां धा कुट्रातंई, कि ञेंहरे खंड्रातंई, दंङ दिऊ थल्जी केतिंङ माफी माह खोकसोतो।
Избрани в момента:
यहून्नो 9: LBFNT
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
Lahuali Bible (लाहौली) by The Love Fellowship is licensed under Creative Commons Attribution-ShareAlike 4.0 License.