Ntandiko 2
2
1Nahabweki eghulu na nsi na bu̱li̱ kintu kyona byahuwa kuhanguwa. 2Haa kilo kyamusanju̱, Luhanga akaba naamali̱ye mulimo oghu aakolagha, du̱mbi̱ haa kilo kyamusanju̱ aahuumula milimo yee yoona.#Bahebbulaayo 4:4 3Du̱mbi̱ Luhanga aaha mu̱gi̱sa kilo kyamusanju̱ eki, aakifoola kilo kyeli̱ye, nanga niikiyo aahuumuliiyemu milimo yoona ya kuhanga eghi aakoli̱ye. 4Eghi niiyo nsoboolola ya kuhanguwa kwa eghulu na nsi.
Adamu na Eeva
Obu Mukama Luhanga aahangi̱ye eghulu na nsi, 5hakaba hatalimu bi̱si̱ngo kedha bilimuwa. Mukama Luhanga akaba atakatooneei̱ye mbu̱la hansi kandi akaba ataliyo muntu oghu akukola haa etaka eli, 6bhaatu maasi ghaalu̱ghagha mu etaka ghaamalakaka etaka lyona.
7 Mukama Luhanga aakola muntu mu etaka, aamuhuuha mu mihuli lwoha lwa bwomi̱i̱li̱, du̱mbi̱ muntu aaba mwomi̱i̱li̱.#1 Bakoli̱nto 15:45
8 Mukama Luhanga aatʼo musili bu̱lu̱gha ejooba, mu Edeni̱, eghi niiyo aataaye muntu oghu aahangi̱ye. 9Mukama Luhanga aatwesi̱ya mu musili oghu biti bya milingo yoona, biti bisemeeye mu maaso ghaa muntu kandi ebili na bi̱ghu̱ma bisemeeye kuliya. Haagati ya musili oghu, hakaba halimu kiti kya bwomi̱i̱li̱ na kiti kya kumanya kilungi kandi kibhi.
10Musili Edeni̱ oghu ghwalu̱ghaghamu maasi aghaaseesekagha mu musili oghu, gheebaghani̱jamu bi̱twi̱ke bbinaa bya maasi. 11Li̱i̱na lya kyʼoku̱du̱bha baakighilaghamu Pi̱sooni̱, kikaba kikwamiiye mu kyalo kyona eki baaghilaghamu Havila, hambali feeja eli. 12Feeja ya mu kyalo eki ekaba esemeleeye kimui, halimu dhee malaasi ghasasiiye kimui na ebaale lya muhendo baaghilaghamu bbedolaki̱. 13Li̱i̱na lya ki̱twi̱ke kyakabili baakighilaghamu Gi̱hooni̱. Ki̱twi̱ke eki kikaba kikwamiiye mu kyalo kyona kya Ku̱u̱si̱. 14Li̱i̱na lya ki̱twi̱ke kyakasatu baakighilaghamu Ti̱gu̱li̱i̱si̱. Ki̱twi̱ke eki kyasendagha nkighenda bu̱lu̱gha ejooba bwa Asi̱li̱ya. Ki̱twi̱ke kyakanaa baakighilaghamu Efulaati̱.
15 Mukama Luhanga aatwala muntu, aamuta mu musili ghwa Edeni̱ kukolaghamu na kughuloleelela. 16Mukama Luhanga aalaghila muntu ati, “Oli na bughabe kuliya bi̱ghu̱ma byona bya bu̱li̱ kiti ekili mu musili muni, 17bhaatu okulaghiluwa kutaliya haa bi̱ghu̱ma bya kiti kya kumanya kilungi kandi kibhi, nanga kilo eki olikiliyʼo, majima kuwo oli̱ku̱wa.”
18 Mukama Luhanga aaghila ati, “Takili kilungi musaasa kuukala ali enkaha. Nkumukolela mu̱kooneli̱ oghu amusemeleeye.”
19Bwile obu Mukama Luhanga akaba amali̱ye kuhanga ku̱lu̱gha mu etaka bisolo byona, na noni̱ sya mu mwanya. Aabileetela muntu kulola mali̱i̱na akubiluka, ti̱ li̱i̱na eli muntu aalu̱ki̱ye kihanguwa kyona, niiliyo li̱i̱na lyakiyo. 20Muntu aaluka mali̱i̱na bisolo, noni̱ sya mu mwanya, na binyama byona bya mu kisaka.
Bhaatu mu ebi byona, taabaayemu mu̱kooneli̱ oghu asemeleeye Adamu. 21Nahabweki Mukama Luhanga aaghwesaghi̱li̱ya musaasa mpongo syamaani̱. Ti̱ obu aabaabaagha anaghwesaghiiye, aamuuyamu lubalu̱ lumui, aaghalila kihulu eki na nyama. 22Mukama Luhanga aakola mukali̱ ku̱lu̱gha mu lubalu̱ olu aai̱ye mu musaasa, du̱mbi̱ aamuleetela musaasa.
23Musaasa aaghila ati,
“Lini niiliyo eku̱wa eli̱lu̱ghi̱ye mu maku̱wa ghanje
kandi nyama eghi elu̱ghi̱ye mu nyama yanje,
balamughilaghamu ‘mukali̱,’
nanga bakamuuya mu musaasa.”
24Eki niikiyo kilalekagha musaasa alekaghe ese wee na ni̱na wee, eebohelʼo mukali̱ wee, ti̱ babe muntu omui.#Matayo 19:5; Maliko 10:8; 1 Bakoli̱nto 6:16; Beefeeso 5:31
25Musaasa na mukali̱ wee bakaba bali muhina kandi tabakwatuwagha nsoni̱.
Избрани в момента:
Ntandiko 2: Lubwisi
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
Talinga-Bwisi: New Testament and 15 Old Testament books in Lubwisi
© Wycliffe Bible Translators, Inc., 2025
Ntandiko 2
2
1Nahabweki eghulu na nsi na bu̱li̱ kintu kyona byahuwa kuhanguwa. 2Haa kilo kyamusanju̱, Luhanga akaba naamali̱ye mulimo oghu aakolagha, du̱mbi̱ haa kilo kyamusanju̱ aahuumula milimo yee yoona.#Bahebbulaayo 4:4 3Du̱mbi̱ Luhanga aaha mu̱gi̱sa kilo kyamusanju̱ eki, aakifoola kilo kyeli̱ye, nanga niikiyo aahuumuliiyemu milimo yoona ya kuhanga eghi aakoli̱ye. 4Eghi niiyo nsoboolola ya kuhanguwa kwa eghulu na nsi.
Adamu na Eeva
Obu Mukama Luhanga aahangi̱ye eghulu na nsi, 5hakaba hatalimu bi̱si̱ngo kedha bilimuwa. Mukama Luhanga akaba atakatooneei̱ye mbu̱la hansi kandi akaba ataliyo muntu oghu akukola haa etaka eli, 6bhaatu maasi ghaalu̱ghagha mu etaka ghaamalakaka etaka lyona.
7 Mukama Luhanga aakola muntu mu etaka, aamuhuuha mu mihuli lwoha lwa bwomi̱i̱li̱, du̱mbi̱ muntu aaba mwomi̱i̱li̱.#1 Bakoli̱nto 15:45
8 Mukama Luhanga aatʼo musili bu̱lu̱gha ejooba, mu Edeni̱, eghi niiyo aataaye muntu oghu aahangi̱ye. 9Mukama Luhanga aatwesi̱ya mu musili oghu biti bya milingo yoona, biti bisemeeye mu maaso ghaa muntu kandi ebili na bi̱ghu̱ma bisemeeye kuliya. Haagati ya musili oghu, hakaba halimu kiti kya bwomi̱i̱li̱ na kiti kya kumanya kilungi kandi kibhi.
10Musili Edeni̱ oghu ghwalu̱ghaghamu maasi aghaaseesekagha mu musili oghu, gheebaghani̱jamu bi̱twi̱ke bbinaa bya maasi. 11Li̱i̱na lya kyʼoku̱du̱bha baakighilaghamu Pi̱sooni̱, kikaba kikwamiiye mu kyalo kyona eki baaghilaghamu Havila, hambali feeja eli. 12Feeja ya mu kyalo eki ekaba esemeleeye kimui, halimu dhee malaasi ghasasiiye kimui na ebaale lya muhendo baaghilaghamu bbedolaki̱. 13Li̱i̱na lya ki̱twi̱ke kyakabili baakighilaghamu Gi̱hooni̱. Ki̱twi̱ke eki kikaba kikwamiiye mu kyalo kyona kya Ku̱u̱si̱. 14Li̱i̱na lya ki̱twi̱ke kyakasatu baakighilaghamu Ti̱gu̱li̱i̱si̱. Ki̱twi̱ke eki kyasendagha nkighenda bu̱lu̱gha ejooba bwa Asi̱li̱ya. Ki̱twi̱ke kyakanaa baakighilaghamu Efulaati̱.
15 Mukama Luhanga aatwala muntu, aamuta mu musili ghwa Edeni̱ kukolaghamu na kughuloleelela. 16Mukama Luhanga aalaghila muntu ati, “Oli na bughabe kuliya bi̱ghu̱ma byona bya bu̱li̱ kiti ekili mu musili muni, 17bhaatu okulaghiluwa kutaliya haa bi̱ghu̱ma bya kiti kya kumanya kilungi kandi kibhi, nanga kilo eki olikiliyʼo, majima kuwo oli̱ku̱wa.”
18 Mukama Luhanga aaghila ati, “Takili kilungi musaasa kuukala ali enkaha. Nkumukolela mu̱kooneli̱ oghu amusemeleeye.”
19Bwile obu Mukama Luhanga akaba amali̱ye kuhanga ku̱lu̱gha mu etaka bisolo byona, na noni̱ sya mu mwanya. Aabileetela muntu kulola mali̱i̱na akubiluka, ti̱ li̱i̱na eli muntu aalu̱ki̱ye kihanguwa kyona, niiliyo li̱i̱na lyakiyo. 20Muntu aaluka mali̱i̱na bisolo, noni̱ sya mu mwanya, na binyama byona bya mu kisaka.
Bhaatu mu ebi byona, taabaayemu mu̱kooneli̱ oghu asemeleeye Adamu. 21Nahabweki Mukama Luhanga aaghwesaghi̱li̱ya musaasa mpongo syamaani̱. Ti̱ obu aabaabaagha anaghwesaghiiye, aamuuyamu lubalu̱ lumui, aaghalila kihulu eki na nyama. 22Mukama Luhanga aakola mukali̱ ku̱lu̱gha mu lubalu̱ olu aai̱ye mu musaasa, du̱mbi̱ aamuleetela musaasa.
23Musaasa aaghila ati,
“Lini niiliyo eku̱wa eli̱lu̱ghi̱ye mu maku̱wa ghanje
kandi nyama eghi elu̱ghi̱ye mu nyama yanje,
balamughilaghamu ‘mukali̱,’
nanga bakamuuya mu musaasa.”
24Eki niikiyo kilalekagha musaasa alekaghe ese wee na ni̱na wee, eebohelʼo mukali̱ wee, ti̱ babe muntu omui.#Matayo 19:5; Maliko 10:8; 1 Bakoli̱nto 6:16; Beefeeso 5:31
25Musaasa na mukali̱ wee bakaba bali muhina kandi tabakwatuwagha nsoni̱.
Избрани в момента:
:
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
Talinga-Bwisi: New Testament and 15 Old Testament books in Lubwisi
© Wycliffe Bible Translators, Inc., 2025