Ntandiko 3
3
Kughuwa kwa muntu
1Bwile obu, njoka ekaba eli na magheji kusaali̱ya binyama byona bya mu kisaka ebi Mukama Luhanga aahangi̱ye. Kilo kimui yaasa hambali mukali̱ ali, yaamughila eti, “Majima Luhanga akaghila ati, ‘Mutaliliya ki̱ghu̱ma kyona kya kiti kya mu musili ghuni’?”
2Mukali̱ aaghila njoka ati, “Tukugubha kuliya bi̱ghu̱ma bya biti bya mu musili ghuni, 3bhaatu Luhanga akaghila ati, ‘Mutaliliya haa ki̱ghu̱ma kya kiti ekili haagati ya musili ghuni kedha ku̱ki̱ku̱mʼo. Nimwakoli̱ye kuwo, mu̱ku̱ku̱wa.’ ”
4Njoka yaaghila mukali̱ eti, “Majima tamu̱ku̱ku̱wa bbaa. 5Luhanga akimani̱ye kwonini ati nimwanaliiye haa ki̱ghu̱ma eki, maaso ghaanu ghakuughulika kandi mukuba nga Luhanga, mukumanya kilungi kandi kibhi.”
6Obu mukali̱ aaboone ngoku bi̱ghu̱ma bya mu kiti eki bi̱nu̱li̱ye kubiliya, bisemeeye mu maaso ghe kandi mbyetaaghisibuwa mu kuha magheji, aakobha bimui haa bi̱ghu̱ma ebi, aabiliya. Aaha bali̱i̱ wee bimui haa bi̱ghu̱ma ebi, naye aaliya. 7Du̱mbi̱ baamanya ngoku bali muhina, nahabweki baaboheesani̱ya mababi ghaa bi̱si̱ngo baabyeswi̱ki̱la.
8Lwagholo kilo eki, musaasa na mukali̱ wee baaghu̱wa elaka lya Mukama Luhanga naalubhantangila mu musili, du̱mbi̱ baamwebi̱si̱i̱li̱la mu biti bya mu musili oghu. 9Bhaatu Mukama Luhanga aabilikila musaasa ati, “Oli haa?”
10Musaasa aamukuukamu ati, “Naaghu̱u̱ye maki̱nde ghaawe mu musili, noobaha, nanga ndi muhina, du̱mbi̱ neebi̱sa.”
11Luhanga aamukuukamu ati, “Ni ani̱ aakughambiiye ati oli muhina? Waliiye haa bi̱ghu̱ma bya kiti eki naakulaghiiye kutaliya?”
12Musaasa aamukuukamu ati, “Mukali̱ oghu wampaaye kuukala naye hani, niiye ampaaye haa bi̱ghu̱ma bya kiti eki, nanje naabiliya.”
13Niibuwo Mukama Luhanga aaghi̱li̱ye mukali̱ ati, “Mbiki waakoli̱ye ebi?”
Mukali̱ aaghila ati, “Njoka niiyo yandimaagi̱ye kandi nanje naabiliya.”
14Nahabweki Mukama Luhanga aaghila njoka ati,
“Haabwa eki waakoli̱ye,
waaki̱i̱nu̱u̱we kusaali̱ya bihanguwa byona
na binyama bya mu kisaka byona!
Olaghendeesi̱yagha mpanda
kandi olaliyagha tu̱u̱tu̱
bilo byona bya bwomi̱i̱li̱ bwawe.
15Kandi nkuta bu̱ghi̱ghu̱
haagati yaawe na mukali̱
kandi haagati ya baasukulu baawe na baasukulu be.
Muusukulu wee alikuhuula mutuwe
kandi naawe omukonde kali̱ghi̱so.”
16Aaghila mukali̱ ati,
“Nkukani̱li̱ya kimui busaali̱ji̱ bwawe mu ku̱byala,
mu busaali̱ji̱ bwamaani̱ niimuwo olabyalilagha baana.
Kweghomba kwawe kulaakalagha haa bali̱i̱ waawe
kandi alakulemagha.”
17Aaghila Adamu ati,
“Nanga uwe waaghu̱u̱ye bya mukali̱ waawe
kandi waaliya haa bi̱ghu̱ma bya kiti naakulaghiiye nti, ‘Otaliliyʼo,’
Etaka lyaki̱i̱nu̱u̱we haabwa eki waakoli̱ye eki,
olakolagha na maani̱ mu busaali̱ji̱ niikuwo otunge byokuliya
bilo byona bya bwomi̱i̱li̱ bwawe.
18Etaka li̱ku̱ku̱tweseli̱ya bi̱si̱ngo na mahuwa
kandi olaliyagha ebi okoli̱ye mu musili.
19Olakolagha na maani̱,
otu̱ngu̱tane niikuwo otunge byokuliya
ku̱hi̱ki̱ya oku̱u̱ki̱ye mu etaka
hambali waalu̱ghi̱ye,
nanga okalu̱gha mu etaka
kandi olikuuka mu etaka.”
20Adamu aaluka mukali̱ wee li̱i̱na Eeva, nanga niiye aaghendagha kufooka ni̱na boona abaakaaye.
21 Mukama Luhanga aakolela Adamu na mukali̱ wee byaku̱lu̱wala ku̱lu̱gha mu mpu kandi aabalu̱wi̱ka. 22Mukama Luhanga aaghila ati, “Endindi muntu aafooki̱ye omui nga etu̱we, aamani̱ye kilungi kandi kibhi. Nahabweki takili kilungi eye kwi̱dha mukono kukobha ki̱ghu̱ma kya kiti kya bwomi̱i̱li̱ kukiliya kandi abe mwomi̱i̱li̱ bilo nʼebilo.” 23Nahabweki Mukama Luhanga aabhinga musaasa mu musili ghwa Edeni̱ kughenda kukola haa etaka hambali aakoleeu̱we. 24Haanu̱ma ya kumubhingamu, aata bu̱lu̱gha ejooba bwa musili ghwa Edeni̱ bakelu̱bbi̱ abaakalagha bakwete bihiyo bikwaka enu̱ma nʼomu maaso kulinda kihanda eki̱ghendi̱ye haa kiti kya bwomi̱i̱li̱.
Избрани в момента:
Ntandiko 3: Lubwisi
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
Talinga-Bwisi: New Testament and 15 Old Testament books in Lubwisi
© Wycliffe Bible Translators, Inc., 2025
Ntandiko 3
3
Kughuwa kwa muntu
1Bwile obu, njoka ekaba eli na magheji kusaali̱ya binyama byona bya mu kisaka ebi Mukama Luhanga aahangi̱ye. Kilo kimui yaasa hambali mukali̱ ali, yaamughila eti, “Majima Luhanga akaghila ati, ‘Mutaliliya ki̱ghu̱ma kyona kya kiti kya mu musili ghuni’?”
2Mukali̱ aaghila njoka ati, “Tukugubha kuliya bi̱ghu̱ma bya biti bya mu musili ghuni, 3bhaatu Luhanga akaghila ati, ‘Mutaliliya haa ki̱ghu̱ma kya kiti ekili haagati ya musili ghuni kedha ku̱ki̱ku̱mʼo. Nimwakoli̱ye kuwo, mu̱ku̱ku̱wa.’ ”
4Njoka yaaghila mukali̱ eti, “Majima tamu̱ku̱ku̱wa bbaa. 5Luhanga akimani̱ye kwonini ati nimwanaliiye haa ki̱ghu̱ma eki, maaso ghaanu ghakuughulika kandi mukuba nga Luhanga, mukumanya kilungi kandi kibhi.”
6Obu mukali̱ aaboone ngoku bi̱ghu̱ma bya mu kiti eki bi̱nu̱li̱ye kubiliya, bisemeeye mu maaso ghe kandi mbyetaaghisibuwa mu kuha magheji, aakobha bimui haa bi̱ghu̱ma ebi, aabiliya. Aaha bali̱i̱ wee bimui haa bi̱ghu̱ma ebi, naye aaliya. 7Du̱mbi̱ baamanya ngoku bali muhina, nahabweki baaboheesani̱ya mababi ghaa bi̱si̱ngo baabyeswi̱ki̱la.
8Lwagholo kilo eki, musaasa na mukali̱ wee baaghu̱wa elaka lya Mukama Luhanga naalubhantangila mu musili, du̱mbi̱ baamwebi̱si̱i̱li̱la mu biti bya mu musili oghu. 9Bhaatu Mukama Luhanga aabilikila musaasa ati, “Oli haa?”
10Musaasa aamukuukamu ati, “Naaghu̱u̱ye maki̱nde ghaawe mu musili, noobaha, nanga ndi muhina, du̱mbi̱ neebi̱sa.”
11Luhanga aamukuukamu ati, “Ni ani̱ aakughambiiye ati oli muhina? Waliiye haa bi̱ghu̱ma bya kiti eki naakulaghiiye kutaliya?”
12Musaasa aamukuukamu ati, “Mukali̱ oghu wampaaye kuukala naye hani, niiye ampaaye haa bi̱ghu̱ma bya kiti eki, nanje naabiliya.”
13Niibuwo Mukama Luhanga aaghi̱li̱ye mukali̱ ati, “Mbiki waakoli̱ye ebi?”
Mukali̱ aaghila ati, “Njoka niiyo yandimaagi̱ye kandi nanje naabiliya.”
14Nahabweki Mukama Luhanga aaghila njoka ati,
“Haabwa eki waakoli̱ye,
waaki̱i̱nu̱u̱we kusaali̱ya bihanguwa byona
na binyama bya mu kisaka byona!
Olaghendeesi̱yagha mpanda
kandi olaliyagha tu̱u̱tu̱
bilo byona bya bwomi̱i̱li̱ bwawe.
15Kandi nkuta bu̱ghi̱ghu̱
haagati yaawe na mukali̱
kandi haagati ya baasukulu baawe na baasukulu be.
Muusukulu wee alikuhuula mutuwe
kandi naawe omukonde kali̱ghi̱so.”
16Aaghila mukali̱ ati,
“Nkukani̱li̱ya kimui busaali̱ji̱ bwawe mu ku̱byala,
mu busaali̱ji̱ bwamaani̱ niimuwo olabyalilagha baana.
Kweghomba kwawe kulaakalagha haa bali̱i̱ waawe
kandi alakulemagha.”
17Aaghila Adamu ati,
“Nanga uwe waaghu̱u̱ye bya mukali̱ waawe
kandi waaliya haa bi̱ghu̱ma bya kiti naakulaghiiye nti, ‘Otaliliyʼo,’
Etaka lyaki̱i̱nu̱u̱we haabwa eki waakoli̱ye eki,
olakolagha na maani̱ mu busaali̱ji̱ niikuwo otunge byokuliya
bilo byona bya bwomi̱i̱li̱ bwawe.
18Etaka li̱ku̱ku̱tweseli̱ya bi̱si̱ngo na mahuwa
kandi olaliyagha ebi okoli̱ye mu musili.
19Olakolagha na maani̱,
otu̱ngu̱tane niikuwo otunge byokuliya
ku̱hi̱ki̱ya oku̱u̱ki̱ye mu etaka
hambali waalu̱ghi̱ye,
nanga okalu̱gha mu etaka
kandi olikuuka mu etaka.”
20Adamu aaluka mukali̱ wee li̱i̱na Eeva, nanga niiye aaghendagha kufooka ni̱na boona abaakaaye.
21 Mukama Luhanga aakolela Adamu na mukali̱ wee byaku̱lu̱wala ku̱lu̱gha mu mpu kandi aabalu̱wi̱ka. 22Mukama Luhanga aaghila ati, “Endindi muntu aafooki̱ye omui nga etu̱we, aamani̱ye kilungi kandi kibhi. Nahabweki takili kilungi eye kwi̱dha mukono kukobha ki̱ghu̱ma kya kiti kya bwomi̱i̱li̱ kukiliya kandi abe mwomi̱i̱li̱ bilo nʼebilo.” 23Nahabweki Mukama Luhanga aabhinga musaasa mu musili ghwa Edeni̱ kughenda kukola haa etaka hambali aakoleeu̱we. 24Haanu̱ma ya kumubhingamu, aata bu̱lu̱gha ejooba bwa musili ghwa Edeni̱ bakelu̱bbi̱ abaakalagha bakwete bihiyo bikwaka enu̱ma nʼomu maaso kulinda kihanda eki̱ghendi̱ye haa kiti kya bwomi̱i̱li̱.
Избрани в момента:
:
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
Talinga-Bwisi: New Testament and 15 Old Testament books in Lubwisi
© Wycliffe Bible Translators, Inc., 2025