LUK 14
14
Jesu kpasa ŋma wi-zɛɛ
1Ŋma wese-ɔm-tɛ Jesu yee so tɛ̀ ko ŋma gasawi ko o Fariziɛn mɛ nyɔŋ mɔ, ɓɛɛ o bíí ya zɔk nɛ̀ a̧. 2Ŋma bíí nɛ̀ tɛ̀ sui sui duka so ti a̧ mbɛt. 3Ɓɛɛ Jesu ak o wi-usi-heembea in o Fariziɛn: «Heembea ee war ha'i mɛ kpasi wi-zɛɛ wese-ɔm-tɛ náà, kóó weyaa nde?» 4Ɓɛɛ wa ya nɛ̀ oi nú-wa. Nɛ́ mɔ'ɔ nɛ̀ Jesu baa wi-zɛɛ‘i, kpás'a, ɓɛɛ fo a̧ sinɛ. 5Ɓɛɛ Jesu ak wa: «Nɛ́ o mgbara'nɛ́ o, kà bem kɔ̧-a̧, kóó ndai kɔ̧-a̧ nɛ́ tika kɔ̧̀ ɗuka kɔ̧̀, ɓɛɛ beka nɛ́ɛ̀ dak a̧ gbonɛ nɛ̀ haya-a wese-ɔm-tɛ na o?»#Mt 12.11 6Ɓɛɛ wa nyɛm mɛ kifi nú tɛ mɔ‘i na.
Hoka fara-duk-nù
7Jesu zɔka'e o bíí nɛ̀ wa saa mɛ nyɔŋ mɔ hok nɛ́ o kuti fara-duk-nù, ɓɛɛ a̧ tɔ̧ ha̧ wa: 8«Ŋgimbi nɛ̀ ŋma bíí sa mɛ mɛ nyɔŋ mɔ tɛ gbaŋa-baa-kóò, ká mɛ́ hok nɛ́ kuti fara mɛ duk nù sɛnɛ na, wen ká ŋma dita-bíí nɛ̀ gana mɛ nɛ̀ wa saa tɛ́ɛ̀ hɔ,#Tua-wen 25.6-7 9ɓɛɛ ká wan-tua nɛ̀ saa mɛ in a̧‘i tɛ́ɛ̀ tɔ̧ ha̧ mɛ: ‹Mɛ̀ kúr, mɛ̀ é fara ha̧ wi’ɛ›; wen ká mɛ kur nɛ̀ foe nɛ́ɛ̀ duk nù sɔŋkur fara mɛ. 10Kà wa nɛ́ saa mɛ tɛ nyɔŋmɔ, ɓɛɛ mɛ̀ nɛ́ɛ̀ duk nù sɔŋkur fara mɛ; hegɔ, ŋgimbi nɛ̀ wi nɛ̀ saa mɛ‘i bé tɛ̀ɛ́ hɔ, ɓɛɛ a̧ tɛ tɔ̧ ha̧ mɛ‘e: ‹Wiyɛ, mɛ̀ nɛ́ siti›; ɓɛɛ foe tɛ gɔn yí-mɛ́ ti o dɔka bíí lɛŋ nɛ̀ ya ká̧ nyɔŋmɔ‘i. 11Wen kóó o ndé nɛ̀ kii mɛ duk si ŋgɔn, Sɔ̧ tɛ gbɔs'a si ɗɔɔ, ɓɛɛ wi nɛ̀ duk si ɗɔɔ, Sɔ̧ tɛ ba a̧ e ŋgɔn.»#Mt 23.12; Lk 18.14
Saa o wi-kɔsa
12Ɓɛɛ Jesu tɔ̧ ha̧ wi nɛ̀ saa a̧ mɛ nyɔŋ mɔ‘i: «Kà mɛ sa o bíí mɛ nyɔŋ mɔ kóó mɛ de gbaŋa, ká mɛ́ sa nɛ́ o sɛm kɔ-mɛ, o nya-mɛ, o bíí kɔ-mɛ in o wanmbɔi nɛ̀ ya katɛ mɛ na, wen ká wa tɛɛ sa mɛ mbɛt oi kɔ-mɛ nɛ̀ mɛ saa nɛ̀ wa'i, ɓɛɛ ká mɛ kpa mɔ kɔ-mɛ si ɗoŋ. 13Ŋgimbi nɛ̀ mɛ sa o bíí mɛ nyɔŋ mɔ, mɛ̀ sa nɛ́ o wisan, o kara-wi, o wi-kum, in o wi-boma-yí, 14ɓɛɛ mɛ tɛ kpa desee wen nɛ̀ wa kpa mɔ mɛ ha̧ oi-aa ha̧ mɛ na! Wen Sɔ̧ tɛ ha̧ mɔɔ-oi-aa ha̧ mɛ ŋgimbi nɛ̀ o wi-de-mɔ nɛ̀ yuwar-a bé tɛ̀ɛ́ kur ŋgɔn tɛ fio.»
Lizaŋ saa bíí tɛ gbaŋa
(Zɔk Mt 22.1-10)
15Ŋma bíí nɛ̀ duka ka nyɔŋmɔ zia wen'i, ɓɛɛ tɔ̧ ha̧ Jesu: «Wi nɛ̀ tɛ nyɔŋ mɔ tɛ Wan ko Sɔ̧ a̧a̧ nɛ̀ de sɔnti!» 16Ɓɛɛ Jesu tɔ̧ ha̧ a̧: «Ŋma bíí dee gasa gbaŋa, ɓɛɛ sa bíí nɛ̀ dɔka-a. 17Ŋgimbi gbaŋa hɔa, ɓɛɛ a̧ tom wi-de-tom kɔ̧-a̧ mɛ tɔ̧ ha̧ o bíí n'aa saa'e: ‹Ɛ̀nɛ̀ tɛ́, mi ɗafa mɔ lɛŋ kaɗi.› 18Ɓɛɛ wa lɛŋ ku̧u̧ naŋ bɛ̧a̧-a̧ si ɗoŋ ŋmaa: kuti bíí tɔ̧ɔ̧ ha̧ a̧: ‹Mi hi̧fa fɔ, ɓɛɛ mi tɛ nɛ̀ mɛ zɔk fɔ‘i. Mi ai nú ha̧ mɛ, mɛ̀ nyáfí ha̧‘m.› 19Ɓɛɛ ŋma tɔ̧: ‹Mi hi̧fa ndai-wa-fɔ yiitoo tɛ fara mɔɔrɔ, ɓɛɛ mi yak mɛ nɛ̀ɛ́ we ŋgai kɔ-wa; mi ai nú ha̧ mɛ, mɛ̀ nyáfí ha̧‘m.› 20Ŋma woyo tɔ̧ɔ̧ ha̧ a̧: ‹Mi baa kóò kinii ɓɛɛ, hegɔ, mi nyɛm mɛ nɛ̀ na.› 21Wi-de-tom'i baa kifa-nú ko o wi nɔ‘i n'aa saa'i sinɛ ɗoŋ ha̧ wan-tom kɔ‘i. Wan-tom'i kpaa ɗaŋsee, ɓɛɛ a̧ tɔ̧ ha̧ wi-de-tom kɔ̧-a̧: ‹Mɛ̀ yák nɛ̀ haya-a si bee-gara in mɛ̀ yé o mgbara kira nɛnɛ, mɛ̀ káí o wisan, o kara-wi, o wi-boma-yí in o wi-kum tɛnɛ.› 22Wi-de-tom pia ɗoŋ tɔ̧ ha̧ wan-tom: ‹Nyaa, mɔ n’ɛnɛ tɔ̧a̧‘i, mi dea kaɗi; ɓɛɛ oi fara ɓɔna mbɛt.› 23Ɓɛɛ wan-tom tɔ̧ ha̧ wi-de-tom kɔ‘i: ‹Mɛ̀ bá o yuwar in mɛ̀ nɛ́ si o nú fɔ, ɓɛɛ mɛ̀ káí o bíí tɛnɛ nɛ̀ ŋgai wen ha̧ tua kɔ‘m mɛ dun, 24ɓɛɛ mi tɔ̧ h’ɛ́nɛ́, ŋma bíí kpɔk mgbara o bíí n'am saa so nɛti beka fo nyɔŋmɔ kɔ‘m nɛ̀ nú na!› »
Ndaka pata Jesu
(Zɔk Mt 10.37-38)
25Gba giiwi a̧a̧ tɛ nɛ́ɛ́ nɔ̀ in Jesu yuwar, ɓɛɛ a̧ zik tɛ a̧ tɔ̧ ha̧ wa: 26«Kà ŋma bíí nɛ́ tɛ̀ɛ́ tɛ‘m, kà à̧ kɔ̧‘m gan dáà in nàà kɔ̧-a̧, in kóò kɔ̧-a̧, o bem kɔ̧-a̧ in o nya-a̧, in o boko-nya-a̧ in sɔ̧-tɛ-a mbɛt na, a̧ nyɛm mɛ duk ŋgaiwi kɔ‘m na.#Mt 10.37 27Wi nɛ̀ tui te-diŋa kɔ‘i tɛ́ ɗoŋ-am na, nyɛm mɛ duk ŋgaiwi kɔ‘m na mbɛt.#Mt 10.38; 16.24; Mk 8.34; Lk 9.23 28Nɛ́ o mgbara'nɛ́ nɛ̀ kɔ̧ɔ̧ mɛ de tua, ɓɛɛ nɛ̀ beka duk nù ha̧ a̧ mɛ zɔk mɔ n'aa tɛ ɗaŋ lɛŋ in mɔ n'aa tɛ de ha̧ a̧ mɛ de nɛ̀ tua'i hɔ ti sɛ́ na o? 29Ká̧ a̧ nɛ́ baa naŋ-tua, a̧ ká̧ a̧ nɛ́ kaɗa na, o wi nɛ̀ tɛ zɔk naŋ-tua'i tɛ zɛkɛɗ‘a tɔ̧ nɛnɛ‘e: 30‹Zɔ́k ŋma bíí nɛ̀ baa naŋ-tua ɓɛɛ nyɛm mɛ de tom-aa hɔ ti na.› 31Kà ŋma wannu nɛ̀ a̧a̧ nɛ̀ bíí booro-ɓu, nɛ́ mɛ́ bi ŋma wannu nɛ̀ a̧a̧ nɛ̀ bíí booro-ɓu-yiitoo, a̧ tɛ duk nù mɛ zɔk mgbara mɔ n'aa tɛ de sɛ́. Kà a̧ nɛ́ zɔka'e, o bíí kɔ̧-a̧ nyɛm mɛ bi biro na, 32kà o bíí ko ɓii wannu nɛ́ ɓɔna nɛ̀ nyɛi̧a-a, a̧ tɛ tom bíí mɛ nɛ̀ɛ́ tɔ̧ ha̧ ɓii wannu'i ha̧ wa mɛ nɔ tɔk. 33Kale-a mbɛt, kóó o ndé mgbara'nɛ́ nɛ̀ e o mɔ n'aa a̧a̧ nɛnɛ lɛŋ duk na, nyɛm mɛ duk ŋgaiwi kɔ‘m na.
Tɔŋ nɛ̀ busa
(Zɔk Mt 5.13; Mk 9.50)
34«Tɔŋ nɛ́ demɔ, ɓɛɛ kà kpɔra tɔŋ nɛ́ gboo kaɗi, wi tɛ de héé ge ha̧ a̧ mɛ kpɔr nɛnɛ woyo ge? 35Wi nyɛm mɛ a̧ tɔŋ‘i kpɛɛfɔ, kóó zuku-paa na mbɛt; wi tɛ gbai nɛ́ a̧ a taŋ ɓɛɛ. Wi nɛ̀ a̧a̧ nɛ̀ zer mɛ zii mɔ, a̧ a̧ zíí ŋgaɓo.»
Избрани в момента:
LUK 14: GB11DC
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
KALATA KO SƆ̧ La Sainte Bible en Langue Gbaya © L’Alliance Biblique du Cameroun, 2011.
LUK 14
14
Jesu kpasa ŋma wi-zɛɛ
1Ŋma wese-ɔm-tɛ Jesu yee so tɛ̀ ko ŋma gasawi ko o Fariziɛn mɛ nyɔŋ mɔ, ɓɛɛ o bíí ya zɔk nɛ̀ a̧. 2Ŋma bíí nɛ̀ tɛ̀ sui sui duka so ti a̧ mbɛt. 3Ɓɛɛ Jesu ak o wi-usi-heembea in o Fariziɛn: «Heembea ee war ha'i mɛ kpasi wi-zɛɛ wese-ɔm-tɛ náà, kóó weyaa nde?» 4Ɓɛɛ wa ya nɛ̀ oi nú-wa. Nɛ́ mɔ'ɔ nɛ̀ Jesu baa wi-zɛɛ‘i, kpás'a, ɓɛɛ fo a̧ sinɛ. 5Ɓɛɛ Jesu ak wa: «Nɛ́ o mgbara'nɛ́ o, kà bem kɔ̧-a̧, kóó ndai kɔ̧-a̧ nɛ́ tika kɔ̧̀ ɗuka kɔ̧̀, ɓɛɛ beka nɛ́ɛ̀ dak a̧ gbonɛ nɛ̀ haya-a wese-ɔm-tɛ na o?»#Mt 12.11 6Ɓɛɛ wa nyɛm mɛ kifi nú tɛ mɔ‘i na.
Hoka fara-duk-nù
7Jesu zɔka'e o bíí nɛ̀ wa saa mɛ nyɔŋ mɔ hok nɛ́ o kuti fara-duk-nù, ɓɛɛ a̧ tɔ̧ ha̧ wa: 8«Ŋgimbi nɛ̀ ŋma bíí sa mɛ mɛ nyɔŋ mɔ tɛ gbaŋa-baa-kóò, ká mɛ́ hok nɛ́ kuti fara mɛ duk nù sɛnɛ na, wen ká ŋma dita-bíí nɛ̀ gana mɛ nɛ̀ wa saa tɛ́ɛ̀ hɔ,#Tua-wen 25.6-7 9ɓɛɛ ká wan-tua nɛ̀ saa mɛ in a̧‘i tɛ́ɛ̀ tɔ̧ ha̧ mɛ: ‹Mɛ̀ kúr, mɛ̀ é fara ha̧ wi’ɛ›; wen ká mɛ kur nɛ̀ foe nɛ́ɛ̀ duk nù sɔŋkur fara mɛ. 10Kà wa nɛ́ saa mɛ tɛ nyɔŋmɔ, ɓɛɛ mɛ̀ nɛ́ɛ̀ duk nù sɔŋkur fara mɛ; hegɔ, ŋgimbi nɛ̀ wi nɛ̀ saa mɛ‘i bé tɛ̀ɛ́ hɔ, ɓɛɛ a̧ tɛ tɔ̧ ha̧ mɛ‘e: ‹Wiyɛ, mɛ̀ nɛ́ siti›; ɓɛɛ foe tɛ gɔn yí-mɛ́ ti o dɔka bíí lɛŋ nɛ̀ ya ká̧ nyɔŋmɔ‘i. 11Wen kóó o ndé nɛ̀ kii mɛ duk si ŋgɔn, Sɔ̧ tɛ gbɔs'a si ɗɔɔ, ɓɛɛ wi nɛ̀ duk si ɗɔɔ, Sɔ̧ tɛ ba a̧ e ŋgɔn.»#Mt 23.12; Lk 18.14
Saa o wi-kɔsa
12Ɓɛɛ Jesu tɔ̧ ha̧ wi nɛ̀ saa a̧ mɛ nyɔŋ mɔ‘i: «Kà mɛ sa o bíí mɛ nyɔŋ mɔ kóó mɛ de gbaŋa, ká mɛ́ sa nɛ́ o sɛm kɔ-mɛ, o nya-mɛ, o bíí kɔ-mɛ in o wanmbɔi nɛ̀ ya katɛ mɛ na, wen ká wa tɛɛ sa mɛ mbɛt oi kɔ-mɛ nɛ̀ mɛ saa nɛ̀ wa'i, ɓɛɛ ká mɛ kpa mɔ kɔ-mɛ si ɗoŋ. 13Ŋgimbi nɛ̀ mɛ sa o bíí mɛ nyɔŋ mɔ, mɛ̀ sa nɛ́ o wisan, o kara-wi, o wi-kum, in o wi-boma-yí, 14ɓɛɛ mɛ tɛ kpa desee wen nɛ̀ wa kpa mɔ mɛ ha̧ oi-aa ha̧ mɛ na! Wen Sɔ̧ tɛ ha̧ mɔɔ-oi-aa ha̧ mɛ ŋgimbi nɛ̀ o wi-de-mɔ nɛ̀ yuwar-a bé tɛ̀ɛ́ kur ŋgɔn tɛ fio.»
Lizaŋ saa bíí tɛ gbaŋa
(Zɔk Mt 22.1-10)
15Ŋma bíí nɛ̀ duka ka nyɔŋmɔ zia wen'i, ɓɛɛ tɔ̧ ha̧ Jesu: «Wi nɛ̀ tɛ nyɔŋ mɔ tɛ Wan ko Sɔ̧ a̧a̧ nɛ̀ de sɔnti!» 16Ɓɛɛ Jesu tɔ̧ ha̧ a̧: «Ŋma bíí dee gasa gbaŋa, ɓɛɛ sa bíí nɛ̀ dɔka-a. 17Ŋgimbi gbaŋa hɔa, ɓɛɛ a̧ tom wi-de-tom kɔ̧-a̧ mɛ tɔ̧ ha̧ o bíí n'aa saa'e: ‹Ɛ̀nɛ̀ tɛ́, mi ɗafa mɔ lɛŋ kaɗi.› 18Ɓɛɛ wa lɛŋ ku̧u̧ naŋ bɛ̧a̧-a̧ si ɗoŋ ŋmaa: kuti bíí tɔ̧ɔ̧ ha̧ a̧: ‹Mi hi̧fa fɔ, ɓɛɛ mi tɛ nɛ̀ mɛ zɔk fɔ‘i. Mi ai nú ha̧ mɛ, mɛ̀ nyáfí ha̧‘m.› 19Ɓɛɛ ŋma tɔ̧: ‹Mi hi̧fa ndai-wa-fɔ yiitoo tɛ fara mɔɔrɔ, ɓɛɛ mi yak mɛ nɛ̀ɛ́ we ŋgai kɔ-wa; mi ai nú ha̧ mɛ, mɛ̀ nyáfí ha̧‘m.› 20Ŋma woyo tɔ̧ɔ̧ ha̧ a̧: ‹Mi baa kóò kinii ɓɛɛ, hegɔ, mi nyɛm mɛ nɛ̀ na.› 21Wi-de-tom'i baa kifa-nú ko o wi nɔ‘i n'aa saa'i sinɛ ɗoŋ ha̧ wan-tom kɔ‘i. Wan-tom'i kpaa ɗaŋsee, ɓɛɛ a̧ tɔ̧ ha̧ wi-de-tom kɔ̧-a̧: ‹Mɛ̀ yák nɛ̀ haya-a si bee-gara in mɛ̀ yé o mgbara kira nɛnɛ, mɛ̀ káí o wisan, o kara-wi, o wi-boma-yí in o wi-kum tɛnɛ.› 22Wi-de-tom pia ɗoŋ tɔ̧ ha̧ wan-tom: ‹Nyaa, mɔ n’ɛnɛ tɔ̧a̧‘i, mi dea kaɗi; ɓɛɛ oi fara ɓɔna mbɛt.› 23Ɓɛɛ wan-tom tɔ̧ ha̧ wi-de-tom kɔ‘i: ‹Mɛ̀ bá o yuwar in mɛ̀ nɛ́ si o nú fɔ, ɓɛɛ mɛ̀ káí o bíí tɛnɛ nɛ̀ ŋgai wen ha̧ tua kɔ‘m mɛ dun, 24ɓɛɛ mi tɔ̧ h’ɛ́nɛ́, ŋma bíí kpɔk mgbara o bíí n'am saa so nɛti beka fo nyɔŋmɔ kɔ‘m nɛ̀ nú na!› »
Ndaka pata Jesu
(Zɔk Mt 10.37-38)
25Gba giiwi a̧a̧ tɛ nɛ́ɛ́ nɔ̀ in Jesu yuwar, ɓɛɛ a̧ zik tɛ a̧ tɔ̧ ha̧ wa: 26«Kà ŋma bíí nɛ́ tɛ̀ɛ́ tɛ‘m, kà à̧ kɔ̧‘m gan dáà in nàà kɔ̧-a̧, in kóò kɔ̧-a̧, o bem kɔ̧-a̧ in o nya-a̧, in o boko-nya-a̧ in sɔ̧-tɛ-a mbɛt na, a̧ nyɛm mɛ duk ŋgaiwi kɔ‘m na.#Mt 10.37 27Wi nɛ̀ tui te-diŋa kɔ‘i tɛ́ ɗoŋ-am na, nyɛm mɛ duk ŋgaiwi kɔ‘m na mbɛt.#Mt 10.38; 16.24; Mk 8.34; Lk 9.23 28Nɛ́ o mgbara'nɛ́ nɛ̀ kɔ̧ɔ̧ mɛ de tua, ɓɛɛ nɛ̀ beka duk nù ha̧ a̧ mɛ zɔk mɔ n'aa tɛ ɗaŋ lɛŋ in mɔ n'aa tɛ de ha̧ a̧ mɛ de nɛ̀ tua'i hɔ ti sɛ́ na o? 29Ká̧ a̧ nɛ́ baa naŋ-tua, a̧ ká̧ a̧ nɛ́ kaɗa na, o wi nɛ̀ tɛ zɔk naŋ-tua'i tɛ zɛkɛɗ‘a tɔ̧ nɛnɛ‘e: 30‹Zɔ́k ŋma bíí nɛ̀ baa naŋ-tua ɓɛɛ nyɛm mɛ de tom-aa hɔ ti na.› 31Kà ŋma wannu nɛ̀ a̧a̧ nɛ̀ bíí booro-ɓu, nɛ́ mɛ́ bi ŋma wannu nɛ̀ a̧a̧ nɛ̀ bíí booro-ɓu-yiitoo, a̧ tɛ duk nù mɛ zɔk mgbara mɔ n'aa tɛ de sɛ́. Kà a̧ nɛ́ zɔka'e, o bíí kɔ̧-a̧ nyɛm mɛ bi biro na, 32kà o bíí ko ɓii wannu nɛ́ ɓɔna nɛ̀ nyɛi̧a-a, a̧ tɛ tom bíí mɛ nɛ̀ɛ́ tɔ̧ ha̧ ɓii wannu'i ha̧ wa mɛ nɔ tɔk. 33Kale-a mbɛt, kóó o ndé mgbara'nɛ́ nɛ̀ e o mɔ n'aa a̧a̧ nɛnɛ lɛŋ duk na, nyɛm mɛ duk ŋgaiwi kɔ‘m na.
Tɔŋ nɛ̀ busa
(Zɔk Mt 5.13; Mk 9.50)
34«Tɔŋ nɛ́ demɔ, ɓɛɛ kà kpɔra tɔŋ nɛ́ gboo kaɗi, wi tɛ de héé ge ha̧ a̧ mɛ kpɔr nɛnɛ woyo ge? 35Wi nyɛm mɛ a̧ tɔŋ‘i kpɛɛfɔ, kóó zuku-paa na mbɛt; wi tɛ gbai nɛ́ a̧ a taŋ ɓɛɛ. Wi nɛ̀ a̧a̧ nɛ̀ zer mɛ zii mɔ, a̧ a̧ zíí ŋgaɓo.»
Избрани в момента:
:
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
KALATA KO SƆ̧ La Sainte Bible en Langue Gbaya © L’Alliance Biblique du Cameroun, 2011.