LUK 15
15
Sami nɛ̀ yɔa
(Zɔk Mt 18.12-14)
1O wi-ba-garama in o ɗaŋwi nɛɛ lɛŋ si katɛ Jesu ha̧ wa mɛ zii wen kɔ̧-a̧.#Lk 5.29-30 2Nɛ mɔ'ɔ nɛ o Fariziɛn in o wi-usi-heembea ku̧i̧a mɔ, ɓɛɛ tɔ̧: «Wi’ɛ kpɛk kɔ‘i nɛ o ɗaŋwi, nyɔŋ nɛ mɔ in wa!»
3Ɓɛɛ Jesu tɔ̧ lizaŋ'ɛ ha̧ wa: 4«Nɛ o ge mgbara'nɛ́, ká̧ a̧ nɛ boo nɛ sami gɔmŋmaa, ɓɛɛ kà kpɔk yɔ, nɛ beka e oi-aa ɓu-mɔɔrɔ-ɗoŋ-naar-zua-mɔɔrɔ-ɗoŋ-naar fara nyɔŋ mɔ, mɛ nɛɛ kii wan nɛ yɔa, hɔ ŋgimbi n'aa tɛ kpa a̧ kaɗi sɛ na o? 5Ŋgimbi n'aa kpaa a̧ kaɗi, a̧ tɛ ba a̧ nɛ desee e gun ger-a, 6si ɗoŋ tɛ kɔ̧-a̧; a̧ tɛ mɔi̧ o sɛm kɔ̧-a̧ in o wi nɛ ɔ katɛ a̧, ɓɛɛ a̧ tɔ̧ɔ̧ ha̧ wa: ‹Ɛnɛ de nyɛŋɛ in am wen n'am kpaa sami kɔ‘m nɛ yɔɔ so’ɛ.› 7Mi tɔ̧ h’ɛ́nɛ́, nɛ hegɔ a̧ wa tɛ duk nɛ desee yiwese mɛ, wen zu ɗaŋwi kpɔk nɛ kpaia duka-a kɔ‘i gan o wi-de-mɔ nɛ yuwar-a ɓu-mɔɔrɔ-ɗoŋ-naar-zua-mɔɔrɔ-ɗoŋ-naar, nɛ kɔ̧ mɛ kpai duka-a kɔ‘i na.
Kɔya-sede nɛ yɔa
8«Ŋma woyo, nɛ ge okoo ge nɛ a̧a̧ nɛ kɔya-sede ɓu, ɓɛɛ kà kpɔk yɔ, nɛ beka e wee tɛ lamba, mbíí tua, kíí mɔ nɛ de-a hɔ ŋgimbi n'aa kpaa sede'i kaɗi sɛ na o? 9Ɓɛɛ ŋgimbi n'aa kpaa sede'i kaɗi, a̧ tɛ mɔi̧ o sɛm kɔ̧-a̧ in o wi nɛ ɔ katɛ a̧ ɓɛɛ tɔ̧ɔ̧ ha̧ wa: ‹Ɛnɛ de nyɛŋɛ in am wen mi kpaa kɔya-sede nɛ baa yɔ so’ɛ.› 10Mi tɔ̧ h’ɛ́nɛ́, nɛ hegɔ mbɛt a̧ o betom ko Sɔ̧ kpa nɛ desee wen zu ɗaŋwi kpɔk nɛ kpaia duka-a kɔ‘i.»
11Jesu tɔ̧ɔ̧ woyo: «Ŋma bíí duka so nɛ̀ be-wiwii yiitoo. 12Nɛ mɔ'ɔ nɛ sɔŋkur bem tɔ̧ɔ̧ ha̧ dáà kɔ‘i: ‹Dáà, mbɔi n’ɛnɛ tɛɛ e h’ɛ́ɛ́, ɛnɛ kɛ̧ war kɔ‘m ha̧‘m.› Ɓɛɛ dáà kɔ-wa kɛ̧ mbɔi'i ha̧ wa. 13Zɛ tɛ dɔk ɗoŋ mɔ‘i na, ɓɛɛ sɔŋkur bem mɔi̧ mbɔi kɔ‘i lɛŋ, ɓɛɛ yak si ŋma nù nɛ nyɛi̧a-a. A̧ ɗaŋa mbɔi kɔ̧-a̧‘i lɛŋ tɛ gee tum-mɔ. 14Ŋgimbi n'aa ɗaŋa mbɔi kɔ̧-a̧ lɛŋ kaɗi, gasa kaɓa tika nu hi̧i̧, ɓɛɛ a̧ ku̧ naŋ zɔka bɔnɛ. 15Nɛ́ mɔ'ɔ n'aa nɛ̀ɛ́ ye tom er ŋma bíí nù‘i, ɓɛɛ wi’ɛi tom a̧ si kpɛɛfɔ kɔ‘i ha̧ a̧ mɛ dai o ŋgɔya. 16A̧ kɔ̧ɔ̧ so nyɛmna mɛ sam zak yàké#15.16 yàké: texte tɔ̧̀ɔ̧́ nɛ́ caroubes, nɛ̀ dúk nɛ́ ŋma wáyá-té-nyɔ̀ŋ kó ó mɔ́-dai. nɛ o ŋgɔya nyɔŋ, ɓɛɛ ŋma bíí ha̧ ha̧ a̧ na. 17A̧ aa er zu-a, ta mɔ, ɓɛɛ tɔ̧: ‹O wi-de-tom ko dáà kɔ‘m nyɔŋ nɛ mɔ oi-aa ɓɔn, ɓɛɛ nɛ mɔ'ɔ n'am duk kɔ‘m hɛ̧ɛ̧ fe nɛ wɔ'ɛ! 18Mi tɛ si ɗoŋ tɛ dáà kɔ‘m, ɓɛɛ mi tɔ̧ɔ̧ ha̧ a̧: Dáà, mi dee ɗaŋmɔ ti Sɔ̧ in ti'nɛ́ mbɛt, 19mi nyɛm h’ɛ́nɛ́ mɛ sa'm'e bem k’ɛ́nɛ́ ɓɔna, ɛ̀nɛ̀ ba'm hee ŋma wi-de-tom k’ɛ́nɛ́ ga.› » 20Ɓɛɛ a̧ kur si ɗoŋ tɛ dáà kɔ̧-a̧.
«A̧ biti tɛa-a nɛ nyɛi̧a-a, ɓɛɛ dáà kɔ̧-a̧ kɔɓi a̧; ko dee dáà kɔ̧-a̧ ɓɛɛ war yi kɔŋgɔli ger-a, dui nú-a. 21Ɓɛɛ bem’ɛi tɔ̧ ha̧ dáà kɔ‘i: ‹Dáà mi dee ɗaŋmɔ ti Sɔ̧ in ti'nɛ́ mbɛt, mi nyɛm h’ɛ́nɛ́ mɛ sa'm'e bem k’ɛ́nɛ́ ɓɔna.› 22Ɓɛɛ dáà kɔ̧-a̧ tɔ̧ ha̧ o wi-de-tom kɔ‘i: ‹Ɛ̀nɛ̀ ba gasa laa nɛ gana o ŋma nɛ de-a tɛnɛ nɛ haya-a pi̧ tɛ-a, ɛ̀nɛ̀ pi̧ wele er-a, ɓɛɛ ɛ̀nɛ̀ a ndárà naŋ-a mbɛt. 23Ɛnɛ nɛ́ɛ̀ bá ŋmaŋa be ndai tɛnɛ, ɛnɛ gɔn, ɛɛ nyɔŋ mɔ, ɛɛ de nyɛŋɛ; 24wen bem kɔ‘m hɛ̧ɛ̧ fee so, ɓɛɛ nɛ mɔ'ɔ n'aa kpasa woyo; a̧ yɔɔ so, nɛ mɔ'ɔ n’ɛɛ kpaa a̧ woyo!› Ɓɛɛ wa ku̧ naŋ dee nyɛŋɛ.
25«Kaya-bem kɔ̧-a̧ ɓɔna so kɔ‘i kpɛɛfɔ mɛ. Ŋgimbi n'aa pia ɗoŋ hɛɗi ɗoŋ tua, a̧ zii nɛ gítí bi̧ɔ̧ in yɔɔ-yɔyɛ. 26A̧ saa ŋma wi-de-tom, ɓɛɛ a̧ ak a̧ wen gítí mɔ‘i. 27Ɓɛɛ wi-de-tom tɔ̧ ha̧ a̧: ‹Nɛ́ nya-mɛ a̧ pia, ɓɛɛ dáà kɔ-mɛ gɔn de ŋmaŋa be-ndai ha̧ a̧, wen n'aa pia nɛ haya-tɛ.› 28Kaya-bem dee nyimsea ɓɛɛ bɛ̧ yee tua. Dáà kɔ̧-a̧ gboo zan ɓɛɛ ai nú ha̧ a̧ mɛ ye tua. 29Ɓɛɛ a̧ tɔ̧ ha̧ dáà kɔ̧-a̧: ‹Kinii dee pɛ nɛ dɔka-a n'am de nɛ tom h’ɛ́nɛ́; mi de ŋgazu in'nɛ̀ɛ́ war kpɔk na, ɓɛɛ koo nɛ́ ŋma be-gbadua ɛ́nɛ́ ha̧ ha̧‘m de nɛ saa in o sɛm kɔ‘m na. 30Ɓɛɛ war ko bem k’ɛ́nɛ́ hɛ̧ɛ̧, ɗoŋ n'aa ɗaŋa mbɔi k’ɛ́nɛ́ in o kó-de-mɔ nɛ mbɔɗɔnu kaɗi, a̧ pia ɗoŋ ɓɛɛ ɛnɛ gɔna de ŋmaŋa be ndai ha̧ a̧.› 31Ɓɛɛ dáà kɔ̧-a̧ tɔ̧ ha̧ a̧: ‹Bem kɔ‘m, mɛ́ duk kɔ-mɛ in am ɓɔnsɛnɛ, ɓɛɛ mɔ kɔ‘m lɛŋ nɛ́ mɔ kɔ-mɛ; 32ɓɛɛ ɛɛ tɛ̀ɛ́ de so nɛ saa nɛ tortɛ wen nya-mɛ hɛ̧ɛ̧ fee so, nɛ mɔ'ɔ n'aa kpasa; a̧ yɔɔ so, nɛ mɔ'ɔ n’ɛɛ kpaa a̧ woyo’ɛ!› »
Избрани в момента:
LUK 15: GB11DC
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
KALATA KO SƆ̧ La Sainte Bible en Langue Gbaya © L’Alliance Biblique du Cameroun, 2011.
LUK 15
15
Sami nɛ̀ yɔa
(Zɔk Mt 18.12-14)
1O wi-ba-garama in o ɗaŋwi nɛɛ lɛŋ si katɛ Jesu ha̧ wa mɛ zii wen kɔ̧-a̧.#Lk 5.29-30 2Nɛ mɔ'ɔ nɛ o Fariziɛn in o wi-usi-heembea ku̧i̧a mɔ, ɓɛɛ tɔ̧: «Wi’ɛ kpɛk kɔ‘i nɛ o ɗaŋwi, nyɔŋ nɛ mɔ in wa!»
3Ɓɛɛ Jesu tɔ̧ lizaŋ'ɛ ha̧ wa: 4«Nɛ o ge mgbara'nɛ́, ká̧ a̧ nɛ boo nɛ sami gɔmŋmaa, ɓɛɛ kà kpɔk yɔ, nɛ beka e oi-aa ɓu-mɔɔrɔ-ɗoŋ-naar-zua-mɔɔrɔ-ɗoŋ-naar fara nyɔŋ mɔ, mɛ nɛɛ kii wan nɛ yɔa, hɔ ŋgimbi n'aa tɛ kpa a̧ kaɗi sɛ na o? 5Ŋgimbi n'aa kpaa a̧ kaɗi, a̧ tɛ ba a̧ nɛ desee e gun ger-a, 6si ɗoŋ tɛ kɔ̧-a̧; a̧ tɛ mɔi̧ o sɛm kɔ̧-a̧ in o wi nɛ ɔ katɛ a̧, ɓɛɛ a̧ tɔ̧ɔ̧ ha̧ wa: ‹Ɛnɛ de nyɛŋɛ in am wen n'am kpaa sami kɔ‘m nɛ yɔɔ so’ɛ.› 7Mi tɔ̧ h’ɛ́nɛ́, nɛ hegɔ a̧ wa tɛ duk nɛ desee yiwese mɛ, wen zu ɗaŋwi kpɔk nɛ kpaia duka-a kɔ‘i gan o wi-de-mɔ nɛ yuwar-a ɓu-mɔɔrɔ-ɗoŋ-naar-zua-mɔɔrɔ-ɗoŋ-naar, nɛ kɔ̧ mɛ kpai duka-a kɔ‘i na.
Kɔya-sede nɛ yɔa
8«Ŋma woyo, nɛ ge okoo ge nɛ a̧a̧ nɛ kɔya-sede ɓu, ɓɛɛ kà kpɔk yɔ, nɛ beka e wee tɛ lamba, mbíí tua, kíí mɔ nɛ de-a hɔ ŋgimbi n'aa kpaa sede'i kaɗi sɛ na o? 9Ɓɛɛ ŋgimbi n'aa kpaa sede'i kaɗi, a̧ tɛ mɔi̧ o sɛm kɔ̧-a̧ in o wi nɛ ɔ katɛ a̧ ɓɛɛ tɔ̧ɔ̧ ha̧ wa: ‹Ɛnɛ de nyɛŋɛ in am wen mi kpaa kɔya-sede nɛ baa yɔ so’ɛ.› 10Mi tɔ̧ h’ɛ́nɛ́, nɛ hegɔ mbɛt a̧ o betom ko Sɔ̧ kpa nɛ desee wen zu ɗaŋwi kpɔk nɛ kpaia duka-a kɔ‘i.»
11Jesu tɔ̧ɔ̧ woyo: «Ŋma bíí duka so nɛ̀ be-wiwii yiitoo. 12Nɛ mɔ'ɔ nɛ sɔŋkur bem tɔ̧ɔ̧ ha̧ dáà kɔ‘i: ‹Dáà, mbɔi n’ɛnɛ tɛɛ e h’ɛ́ɛ́, ɛnɛ kɛ̧ war kɔ‘m ha̧‘m.› Ɓɛɛ dáà kɔ-wa kɛ̧ mbɔi'i ha̧ wa. 13Zɛ tɛ dɔk ɗoŋ mɔ‘i na, ɓɛɛ sɔŋkur bem mɔi̧ mbɔi kɔ‘i lɛŋ, ɓɛɛ yak si ŋma nù nɛ nyɛi̧a-a. A̧ ɗaŋa mbɔi kɔ̧-a̧‘i lɛŋ tɛ gee tum-mɔ. 14Ŋgimbi n'aa ɗaŋa mbɔi kɔ̧-a̧ lɛŋ kaɗi, gasa kaɓa tika nu hi̧i̧, ɓɛɛ a̧ ku̧ naŋ zɔka bɔnɛ. 15Nɛ́ mɔ'ɔ n'aa nɛ̀ɛ́ ye tom er ŋma bíí nù‘i, ɓɛɛ wi’ɛi tom a̧ si kpɛɛfɔ kɔ‘i ha̧ a̧ mɛ dai o ŋgɔya. 16A̧ kɔ̧ɔ̧ so nyɛmna mɛ sam zak yàké#15.16 yàké: texte tɔ̧̀ɔ̧́ nɛ́ caroubes, nɛ̀ dúk nɛ́ ŋma wáyá-té-nyɔ̀ŋ kó ó mɔ́-dai. nɛ o ŋgɔya nyɔŋ, ɓɛɛ ŋma bíí ha̧ ha̧ a̧ na. 17A̧ aa er zu-a, ta mɔ, ɓɛɛ tɔ̧: ‹O wi-de-tom ko dáà kɔ‘m nyɔŋ nɛ mɔ oi-aa ɓɔn, ɓɛɛ nɛ mɔ'ɔ n'am duk kɔ‘m hɛ̧ɛ̧ fe nɛ wɔ'ɛ! 18Mi tɛ si ɗoŋ tɛ dáà kɔ‘m, ɓɛɛ mi tɔ̧ɔ̧ ha̧ a̧: Dáà, mi dee ɗaŋmɔ ti Sɔ̧ in ti'nɛ́ mbɛt, 19mi nyɛm h’ɛ́nɛ́ mɛ sa'm'e bem k’ɛ́nɛ́ ɓɔna, ɛ̀nɛ̀ ba'm hee ŋma wi-de-tom k’ɛ́nɛ́ ga.› » 20Ɓɛɛ a̧ kur si ɗoŋ tɛ dáà kɔ̧-a̧.
«A̧ biti tɛa-a nɛ nyɛi̧a-a, ɓɛɛ dáà kɔ̧-a̧ kɔɓi a̧; ko dee dáà kɔ̧-a̧ ɓɛɛ war yi kɔŋgɔli ger-a, dui nú-a. 21Ɓɛɛ bem’ɛi tɔ̧ ha̧ dáà kɔ‘i: ‹Dáà mi dee ɗaŋmɔ ti Sɔ̧ in ti'nɛ́ mbɛt, mi nyɛm h’ɛ́nɛ́ mɛ sa'm'e bem k’ɛ́nɛ́ ɓɔna.› 22Ɓɛɛ dáà kɔ̧-a̧ tɔ̧ ha̧ o wi-de-tom kɔ‘i: ‹Ɛ̀nɛ̀ ba gasa laa nɛ gana o ŋma nɛ de-a tɛnɛ nɛ haya-a pi̧ tɛ-a, ɛ̀nɛ̀ pi̧ wele er-a, ɓɛɛ ɛ̀nɛ̀ a ndárà naŋ-a mbɛt. 23Ɛnɛ nɛ́ɛ̀ bá ŋmaŋa be ndai tɛnɛ, ɛnɛ gɔn, ɛɛ nyɔŋ mɔ, ɛɛ de nyɛŋɛ; 24wen bem kɔ‘m hɛ̧ɛ̧ fee so, ɓɛɛ nɛ mɔ'ɔ n'aa kpasa woyo; a̧ yɔɔ so, nɛ mɔ'ɔ n’ɛɛ kpaa a̧ woyo!› Ɓɛɛ wa ku̧ naŋ dee nyɛŋɛ.
25«Kaya-bem kɔ̧-a̧ ɓɔna so kɔ‘i kpɛɛfɔ mɛ. Ŋgimbi n'aa pia ɗoŋ hɛɗi ɗoŋ tua, a̧ zii nɛ gítí bi̧ɔ̧ in yɔɔ-yɔyɛ. 26A̧ saa ŋma wi-de-tom, ɓɛɛ a̧ ak a̧ wen gítí mɔ‘i. 27Ɓɛɛ wi-de-tom tɔ̧ ha̧ a̧: ‹Nɛ́ nya-mɛ a̧ pia, ɓɛɛ dáà kɔ-mɛ gɔn de ŋmaŋa be-ndai ha̧ a̧, wen n'aa pia nɛ haya-tɛ.› 28Kaya-bem dee nyimsea ɓɛɛ bɛ̧ yee tua. Dáà kɔ̧-a̧ gboo zan ɓɛɛ ai nú ha̧ a̧ mɛ ye tua. 29Ɓɛɛ a̧ tɔ̧ ha̧ dáà kɔ̧-a̧: ‹Kinii dee pɛ nɛ dɔka-a n'am de nɛ tom h’ɛ́nɛ́; mi de ŋgazu in'nɛ̀ɛ́ war kpɔk na, ɓɛɛ koo nɛ́ ŋma be-gbadua ɛ́nɛ́ ha̧ ha̧‘m de nɛ saa in o sɛm kɔ‘m na. 30Ɓɛɛ war ko bem k’ɛ́nɛ́ hɛ̧ɛ̧, ɗoŋ n'aa ɗaŋa mbɔi k’ɛ́nɛ́ in o kó-de-mɔ nɛ mbɔɗɔnu kaɗi, a̧ pia ɗoŋ ɓɛɛ ɛnɛ gɔna de ŋmaŋa be ndai ha̧ a̧.› 31Ɓɛɛ dáà kɔ̧-a̧ tɔ̧ ha̧ a̧: ‹Bem kɔ‘m, mɛ́ duk kɔ-mɛ in am ɓɔnsɛnɛ, ɓɛɛ mɔ kɔ‘m lɛŋ nɛ́ mɔ kɔ-mɛ; 32ɓɛɛ ɛɛ tɛ̀ɛ́ de so nɛ saa nɛ tortɛ wen nya-mɛ hɛ̧ɛ̧ fee so, nɛ mɔ'ɔ n'aa kpasa; a̧ yɔɔ so, nɛ mɔ'ɔ n’ɛɛ kpaa a̧ woyo’ɛ!› »
Избрани в момента:
:
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
KALATA KO SƆ̧ La Sainte Bible en Langue Gbaya © L’Alliance Biblique du Cameroun, 2011.