KAHTAMYENGHAN 26
26
Gerar Me Isaac Nyoi
1Sha-a tüopa kahtok me, Abraham hipak me üwangpa ngaiyang pu tokte seanyao yenglepu üne-o ngai. Hüyange Isaac Philistia ahngpa Abimelech tangte Gerarte tai. 2Youngwanpa Isaac tangte ngaiye i, “Egypt kahtokte tah tai; Taowe hanghe kahtok me ngohlak jingne nangte i tüoken me ngoh tüoh. 3Tüopa kahtok me nyoitüoh hüyange Tao nang phei ngohlak hüyange nangte moiman tamlak. Taowe tüolan yikeng mong khongkümpu nangte hüyange nang huhayimlante phalak. Taowe nangpa Abraham phei jiengyangpu ütahte ngai tamlak. 4Taowe nanghunanghalan wangdang shanhalan kih-e maawe jaluntamlak; hüyange nanghu nanghate tüopa kahtok khongkümpu Taowe phalak. Taowe nanghu-nanghalante moimanpu kih-e imante-o moiman pha she jatlan üsheiye üte tonglak. 5Taowe nangte moimanlak, hangjingne Abraham-e ü-ngao jai hüyange ü-ngaokeng hei ngaokhüm jonyangki.”
6Tüokhei Isaac Gerar me nyoi. 7Aope tüome ngohpu kahtalan-e Ite I shekonyu jeng tong, Iye i, “yha-a ü-nao üja.” Iye yha-a “ü sheko” she lye ilakte nyam-e teih, hangjingne ima-a yha yeonge naoyha mei-e ngoh, tüokhei Rebekah yahlak jingne tüome ngohpu kahtalan-e toi phalak te I yeonge nyam. 8Aope Isaac tüoken me hipak lüo-e ngoh, Philistia ahngpa Abimelech-e yoi tawo mepu leiye tai, hüyange Isaac hei Rebekah ni teimeipu nge. 9Tüokhei Abimelech-e Isaac te nyik hüyange i, “Leihuyah, yha-a nang shekonyu!” Hüma-a nange hang ne “Yha-a ü-nao she ipu?” Hüyange Isaac-e Ite i, “Hangjingne yha-a ü-sheko she ima-a tao toikülak she taowe teih.”
10Abimelech-e i, “Nange tomante hanghe linge tampu?” “Ü-kahtalan yo me shejawe nenok shekonyu phei oloh-e shipu ok hah shepu, hüyange nange tomante ümeng pha hah shepu!” 11Tüokhei Abimelech-e kahta üsheite kentingne tam-e i, “Aoyinne tüopa kahta yejema-a Inok shekonyu te yemeipe jonlakei, I üting me li ne tamlak.”
12Hüyange Isaac-e tüopa kahtok me ülidei, hüyange tüopa wangpeng me Iye deiyangpu phei gho tokte nyeiye Iye ülick yah, hangjingne Youngwanpawe I moimantam. 13I hak, hüyange yelakpe küp om-e moth ma-e ngohpu kahta ne meng. 14I jing nyee ükhong, hüyange mahu ükhong, hüyange shaoshanpalan üngang ngohpu ngeye Philistia lanne Ite yeonge müktak. 15Hüyange Abraham shaoshanpalan-e Abraham üyin me ngohwante shaopu yengnung üshei, Philistia lan-e kahtok-e ma-e phünge tam.
16Tüophei me Abimelech-e Isaac te i, “Toman kahtok mepu taitüoh; hangjingne toman phei shenyei she nang wongnange ngaiteki.” 17Tüokhei Isaac tüopa nyoi mepu yayonge tai, hüyange Gerar kahjee me nyoi. 18Hüyange Isaac-e Ipa Abraham hipak me shaopu yengnung nishe shao, hangjingne Abraham li phei me Philistia lanne tüolan phünge tam; hüyange lye yoipawe nyikpu min kih-e muh tüolan yengnung te min.
19Hüpoi aope kahjee me Isaac jing shaoshanpalan-e yengnung shao, hüyange yeng tüo; 20Gerar nyeeyompalan-e Isaac nyeeyompalan phei tee ngai hüyange i, “Tüopa yeng-a toman jing üja.” Tüokhei Isaac-e tüopa yengnung te “Teepu”#Esek she-o ngelak. she minne tam.
21Tüophei me Isaac shaoshanpalan-e ülao yengnung ja shao, hüyange tüopa jingne-o teengai. Tüokhei Iye tüopa min “We ne mengpu”#Sitnah she-o ngelak. she min. 22Hüyange tüopa mepu yanne taiye ülao yengnung ja shao, hüyange tüopa jingne iman-e mop ngaipu hango yenang, tüokhei lye tüopa te “Bumei”#Rehoboth she-o ngelak. she min-e tam. Hüyange lye i, “Hangjingne shaapa-a Youngwanpawe tüopa kahtok me ngohlak jingne temante bumei phanang. Teman tüoken me jalunne ngohlak.”
23Isaac yayong hüyange Beersheba te tai. 24Tüoya I shong te Youngwanpa ngai hüyange i, “Taowa nangpa Abraham Kahwang; nyamme tahngoh; tao nang phei ngohnang. Taowe nang te moiman tamlak hüyange huhayimlan üngang nangte phalak. Ü-shaoshanpa Abraham te Taowe janyangpu jingne moiman tamlak.”
25Tüoken me Isaac-e wümjong ja ling, hüyange Youngwanpa te yop khüm. Tüophei me lye tüoken me yoi nyenok we. Hüyange tüoken me I shaoshanpa lan-e ülao yengnung ja shao.
Isaac Hei Abimelech Nipa Me Teimongpu
26Hüwante Abimelech Gerar mepu Ite jampongpa Ahuzzath hei I yoi nyahpong woipa Phikol, yahyange Isaac tangte tai. 27Tüokhei Isaac-e tonge i. “Numan-e üte nu hüyange numan mepu tao yanne teiyang phei te hangne ü-tangte peipu?”
28Iman-e jan, “Sha-a toman-e shingteki hüke nang phei Youngwanpa ngohnang, hüyange teman pa me lahnyik mongkopu teimongpu ja anglak yang she toman-e teihnangki. Teman pa me teijanpu ja linghah; 29Hüke toman-e nangte shaoshi ne yetampu kih-e, hüyange toman-e nangte ümei tokte kaiye hang ümengo yelingpu kih-e, hüyange nang chingmei me yanne teipu kih-e nange toman shaoshi ne yetamlak she nange-o janne tamhu nangki. Youngwanpawe nang te moimanteki she shaapa-a meimei-e shingteki.” 30Tüophei me Isaac-e iman jingne mo ja tüm, hüyange iman-e hah hüyange ying. 31Ünenap iman shonge lüowe jaja phei teijiengpu yah, hüyange Isaac-e iman lünge tei, hüyange iman I mepu chingmei me yan.
32Hüyange tüonyih muh Isaac shaoshanpalan peiye, iman-e shaopu yengnung jeng Ite i, iman-e i, “Toman-e yeng tüoteki.” 33#Kaht 21.31.lye tüopa yengnung te “Shibah#Shibah - Jiengpu she-o ngelak.” she min. Tüojing üne tüopa chingnyute tenyih ngoiye Beersheba she nyiknang.
Esau Jing Mihjat Shekolan
34Aope Esau wangpeng deli lwngmei ne meng, lye Hitlan naoyha ni ngoiye yah. Beeri üha Judith, hüyange Elon üha Basemath; 35hüyange iman-e Isaac hei Rebekah ni üyin jingne khah-e linge tam.
Избрани в момента:
KAHTAMYENGHAN 26: KONYBSI
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
Konyak Naga Bible - ÜJAO LAITEP
Copyright © 2011 by The Bible Society of India
Used by permission. All rights reserved worldwide.
KAHTAMYENGHAN 26
26
Gerar Me Isaac Nyoi
1Sha-a tüopa kahtok me, Abraham hipak me üwangpa ngaiyang pu tokte seanyao yenglepu üne-o ngai. Hüyange Isaac Philistia ahngpa Abimelech tangte Gerarte tai. 2Youngwanpa Isaac tangte ngaiye i, “Egypt kahtokte tah tai; Taowe hanghe kahtok me ngohlak jingne nangte i tüoken me ngoh tüoh. 3Tüopa kahtok me nyoitüoh hüyange Tao nang phei ngohlak hüyange nangte moiman tamlak. Taowe tüolan yikeng mong khongkümpu nangte hüyange nang huhayimlante phalak. Taowe nangpa Abraham phei jiengyangpu ütahte ngai tamlak. 4Taowe nanghunanghalan wangdang shanhalan kih-e maawe jaluntamlak; hüyange nanghu nanghate tüopa kahtok khongkümpu Taowe phalak. Taowe nanghu-nanghalante moimanpu kih-e imante-o moiman pha she jatlan üsheiye üte tonglak. 5Taowe nangte moimanlak, hangjingne Abraham-e ü-ngao jai hüyange ü-ngaokeng hei ngaokhüm jonyangki.”
6Tüokhei Isaac Gerar me nyoi. 7Aope tüome ngohpu kahtalan-e Ite I shekonyu jeng tong, Iye i, “yha-a ü-nao üja.” Iye yha-a “ü sheko” she lye ilakte nyam-e teih, hangjingne ima-a yha yeonge naoyha mei-e ngoh, tüokhei Rebekah yahlak jingne tüome ngohpu kahtalan-e toi phalak te I yeonge nyam. 8Aope Isaac tüoken me hipak lüo-e ngoh, Philistia ahngpa Abimelech-e yoi tawo mepu leiye tai, hüyange Isaac hei Rebekah ni teimeipu nge. 9Tüokhei Abimelech-e Isaac te nyik hüyange i, “Leihuyah, yha-a nang shekonyu!” Hüma-a nange hang ne “Yha-a ü-nao she ipu?” Hüyange Isaac-e Ite i, “Hangjingne yha-a ü-sheko she ima-a tao toikülak she taowe teih.”
10Abimelech-e i, “Nange tomante hanghe linge tampu?” “Ü-kahtalan yo me shejawe nenok shekonyu phei oloh-e shipu ok hah shepu, hüyange nange tomante ümeng pha hah shepu!” 11Tüokhei Abimelech-e kahta üsheite kentingne tam-e i, “Aoyinne tüopa kahta yejema-a Inok shekonyu te yemeipe jonlakei, I üting me li ne tamlak.”
12Hüyange Isaac-e tüopa kahtok me ülidei, hüyange tüopa wangpeng me Iye deiyangpu phei gho tokte nyeiye Iye ülick yah, hangjingne Youngwanpawe I moimantam. 13I hak, hüyange yelakpe küp om-e moth ma-e ngohpu kahta ne meng. 14I jing nyee ükhong, hüyange mahu ükhong, hüyange shaoshanpalan üngang ngohpu ngeye Philistia lanne Ite yeonge müktak. 15Hüyange Abraham shaoshanpalan-e Abraham üyin me ngohwante shaopu yengnung üshei, Philistia lan-e kahtok-e ma-e phünge tam.
16Tüophei me Abimelech-e Isaac te i, “Toman kahtok mepu taitüoh; hangjingne toman phei shenyei she nang wongnange ngaiteki.” 17Tüokhei Isaac tüopa nyoi mepu yayonge tai, hüyange Gerar kahjee me nyoi. 18Hüyange Isaac-e Ipa Abraham hipak me shaopu yengnung nishe shao, hangjingne Abraham li phei me Philistia lanne tüolan phünge tam; hüyange lye yoipawe nyikpu min kih-e muh tüolan yengnung te min.
19Hüpoi aope kahjee me Isaac jing shaoshanpalan-e yengnung shao, hüyange yeng tüo; 20Gerar nyeeyompalan-e Isaac nyeeyompalan phei tee ngai hüyange i, “Tüopa yeng-a toman jing üja.” Tüokhei Isaac-e tüopa yengnung te “Teepu”#Esek she-o ngelak. she minne tam.
21Tüophei me Isaac shaoshanpalan-e ülao yengnung ja shao, hüyange tüopa jingne-o teengai. Tüokhei Iye tüopa min “We ne mengpu”#Sitnah she-o ngelak. she min. 22Hüyange tüopa mepu yanne taiye ülao yengnung ja shao, hüyange tüopa jingne iman-e mop ngaipu hango yenang, tüokhei lye tüopa te “Bumei”#Rehoboth she-o ngelak. she min-e tam. Hüyange lye i, “Hangjingne shaapa-a Youngwanpawe tüopa kahtok me ngohlak jingne temante bumei phanang. Teman tüoken me jalunne ngohlak.”
23Isaac yayong hüyange Beersheba te tai. 24Tüoya I shong te Youngwanpa ngai hüyange i, “Taowa nangpa Abraham Kahwang; nyamme tahngoh; tao nang phei ngohnang. Taowe nang te moiman tamlak hüyange huhayimlan üngang nangte phalak. Ü-shaoshanpa Abraham te Taowe janyangpu jingne moiman tamlak.”
25Tüoken me Isaac-e wümjong ja ling, hüyange Youngwanpa te yop khüm. Tüophei me lye tüoken me yoi nyenok we. Hüyange tüoken me I shaoshanpa lan-e ülao yengnung ja shao.
Isaac Hei Abimelech Nipa Me Teimongpu
26Hüwante Abimelech Gerar mepu Ite jampongpa Ahuzzath hei I yoi nyahpong woipa Phikol, yahyange Isaac tangte tai. 27Tüokhei Isaac-e tonge i. “Numan-e üte nu hüyange numan mepu tao yanne teiyang phei te hangne ü-tangte peipu?”
28Iman-e jan, “Sha-a toman-e shingteki hüke nang phei Youngwanpa ngohnang, hüyange teman pa me lahnyik mongkopu teimongpu ja anglak yang she toman-e teihnangki. Teman pa me teijanpu ja linghah; 29Hüke toman-e nangte shaoshi ne yetampu kih-e, hüyange toman-e nangte ümei tokte kaiye hang ümengo yelingpu kih-e, hüyange nang chingmei me yanne teipu kih-e nange toman shaoshi ne yetamlak she nange-o janne tamhu nangki. Youngwanpawe nang te moimanteki she shaapa-a meimei-e shingteki.” 30Tüophei me Isaac-e iman jingne mo ja tüm, hüyange iman-e hah hüyange ying. 31Ünenap iman shonge lüowe jaja phei teijiengpu yah, hüyange Isaac-e iman lünge tei, hüyange iman I mepu chingmei me yan.
32Hüyange tüonyih muh Isaac shaoshanpalan peiye, iman-e shaopu yengnung jeng Ite i, iman-e i, “Toman-e yeng tüoteki.” 33#Kaht 21.31.lye tüopa yengnung te “Shibah#Shibah - Jiengpu she-o ngelak.” she min. Tüojing üne tüopa chingnyute tenyih ngoiye Beersheba she nyiknang.
Esau Jing Mihjat Shekolan
34Aope Esau wangpeng deli lwngmei ne meng, lye Hitlan naoyha ni ngoiye yah. Beeri üha Judith, hüyange Elon üha Basemath; 35hüyange iman-e Isaac hei Rebekah ni üyin jingne khah-e linge tam.
Избрани в момента:
:
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
Konyak Naga Bible - ÜJAO LAITEP
Copyright © 2011 by The Bible Society of India
Used by permission. All rights reserved worldwide.