KAHTAMYENGHAN 28
28
1Hüwante Isaac-e Jacob te nyik, hüyange I moiman tam, hüyange henge i, “Nange Kananlan yo mepu sheko ne tahyah. 2Nangnyu üpa Bethuel nokte Mesopotamia te yayonge taitüoh; hüyange tüomepu nangnyu Ijei Laban hayim yo mepu sheko ja yahtüoh. 3Ütahpa Kahwange nang nok ne mengpute moiman tüoh, hüyange nangte hayimlan üngang phatam shih. Tüo kaiye nanga jatlan maapu üpa ne mengtüoh! 4Abraham te lye moiman yangpu kih-e, lye nang hüyange nang huhayimlante moiman shih. Hüyange nange tüopa kahtok, ümeken me nang nyoi yangki hüyange, Kahwange hanghepa Abrahamte pha, tüopa mothlei yahtüoh!” 5Hüke Isaac-e Jacob yanne tei; hüyange lye Jacob hei Esau ni ünyu Rebekah Ijei Aramelan Bethuel üha Laban tangte Mesopotamia te tei.
Esauwe Ishmael Yhala Yah
6Sha-a Isaac-e Jacob te moiman pha hüyange Paddan-aram#Paddan-aram-Mesopotamia she-o ngelak mepu I sheko ne yahne shon she Esauwe shinge pei; hüyange Ite moiman phayange Isaac-e hüke, “Nange Kananlan sheko yo mepu sheko ne yeyahlak,” she ipu lye jai. 7Jacob-e Inyu hei Ipalan ngao jai hüyange Paddan-aram te tai she lye nge ok. 8Tüokhei aope Esauwe Kananlan shekowe Ipa Isaac mongmei ne yetam she nge, 9Ishmael tangte Esau tai hüyange yoi sheko üwang ne yahpu ngoh yangpu tokte, Abraham üha Ishmael üha Nebaioth ünao Mahalath yoi sheko ne yah.
Bethel Me Jacob Shinmang
10Jacob Beersheba mepu yayonge Haran yete tai. 11Wanghe nyip wante I nyoijing jate pei ngoi, hüyange tüoya tüome lak; Tüopa nyoi me ngohpu longja lye yahyange I shang jeyange tüome shilak jingne lam. 12Hüyange lye mang ja mang, hüyange leitüoh, shai ja kahtok mepu wang ngoiye jan, hüyange leitüoh Kahwang shongmokpalan tüopa me tata ongong she nge! 13Hüyange leitüoh, Youngwanpawe tüopa tang me yongyange i, “Tao Youngwanpa nangpa Abraham hüyange Isaac Kahwang; hanghe kahtok me nang lamyange ngohnang tüopa-a Taowe nangte hüyange nanghu nangha lante yahpha ning. 14Nanghu nanghalan-a kahtoknyu pheih shinne ngailak, hüyange nang wanghe nyipjing, ongjing, apye, hüyange heye ngoiye jalunne tailak; hüyange nang hüyange nanghu nanghalan kaiye kahtoknyu nokphong khongkümpu moimanlak. 15Leitüoh, tao nang phei ngohnang, hüyange, nang üpukente tailakei Taowe yinlak, hüyange nang ni she tüopa kahtok te woi yelak; hangjingne Taowe nang phei ngaopu manling manling, Taowe nang yetüohlak.”
16Hüyange Jacob I shipu mepu lao hüyange i, “Üting me Youngwanpa tüome ngohnang; hüyange taowe tüopa yeshingpe ngoh!” 17Hüyange I nyam hüyange i, “Hatüo nyoi-a hangke nyamlakpa! Hatüowa ülao yeje Kahwang nok, hüyange hatüowa wangdang taten.”
18Ünenap shonge Jacob shinlüo, I shang jeyange ngohpu long yah, hüyange teihtüolak jingne tüopa-a yongne tam. Tüophei me Kahwangte phünne phawe tüopa tangme olive minnga yeitam. 19Hüyange lye tüopa kahtok te Bethel she minne tam. Hüpoi tüopa chingnyu min üwangne Luz ngoh yangki. 20Jacob-e Kahwang phei jiengpu ja yah; “Tao yintaipu lamme nange nang ü-phei jamme ngohyange hüyange tao yinne tamma-a, hüyange üte hahying hei inkheklan phama-a, 21hüyange tao üpa nokte yinpu okke leih yema-a, hüma-a nanga ü-Kahwang ne menglak. 22Tüopa teih tüopu long hanghepa taowe yongne tam tüopa nyoi-a nangte yoppe khümpu nyoi ne menglak, hüyange nange üte phapu üshei mepu taowe nangte penphong mepu ja nangte phalak.”
Избрани в момента:
KAHTAMYENGHAN 28: KONYBSI
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
Konyak Naga Bible - ÜJAO LAITEP
Copyright © 2011 by The Bible Society of India
Used by permission. All rights reserved worldwide.
KAHTAMYENGHAN 28
28
1Hüwante Isaac-e Jacob te nyik, hüyange I moiman tam, hüyange henge i, “Nange Kananlan yo mepu sheko ne tahyah. 2Nangnyu üpa Bethuel nokte Mesopotamia te yayonge taitüoh; hüyange tüomepu nangnyu Ijei Laban hayim yo mepu sheko ja yahtüoh. 3Ütahpa Kahwange nang nok ne mengpute moiman tüoh, hüyange nangte hayimlan üngang phatam shih. Tüo kaiye nanga jatlan maapu üpa ne mengtüoh! 4Abraham te lye moiman yangpu kih-e, lye nang hüyange nang huhayimlante moiman shih. Hüyange nange tüopa kahtok, ümeken me nang nyoi yangki hüyange, Kahwange hanghepa Abrahamte pha, tüopa mothlei yahtüoh!” 5Hüke Isaac-e Jacob yanne tei; hüyange lye Jacob hei Esau ni ünyu Rebekah Ijei Aramelan Bethuel üha Laban tangte Mesopotamia te tei.
Esauwe Ishmael Yhala Yah
6Sha-a Isaac-e Jacob te moiman pha hüyange Paddan-aram#Paddan-aram-Mesopotamia she-o ngelak mepu I sheko ne yahne shon she Esauwe shinge pei; hüyange Ite moiman phayange Isaac-e hüke, “Nange Kananlan sheko yo mepu sheko ne yeyahlak,” she ipu lye jai. 7Jacob-e Inyu hei Ipalan ngao jai hüyange Paddan-aram te tai she lye nge ok. 8Tüokhei aope Esauwe Kananlan shekowe Ipa Isaac mongmei ne yetam she nge, 9Ishmael tangte Esau tai hüyange yoi sheko üwang ne yahpu ngoh yangpu tokte, Abraham üha Ishmael üha Nebaioth ünao Mahalath yoi sheko ne yah.
Bethel Me Jacob Shinmang
10Jacob Beersheba mepu yayonge Haran yete tai. 11Wanghe nyip wante I nyoijing jate pei ngoi, hüyange tüoya tüome lak; Tüopa nyoi me ngohpu longja lye yahyange I shang jeyange tüome shilak jingne lam. 12Hüyange lye mang ja mang, hüyange leitüoh, shai ja kahtok mepu wang ngoiye jan, hüyange leitüoh Kahwang shongmokpalan tüopa me tata ongong she nge! 13Hüyange leitüoh, Youngwanpawe tüopa tang me yongyange i, “Tao Youngwanpa nangpa Abraham hüyange Isaac Kahwang; hanghe kahtok me nang lamyange ngohnang tüopa-a Taowe nangte hüyange nanghu nangha lante yahpha ning. 14Nanghu nanghalan-a kahtoknyu pheih shinne ngailak, hüyange nang wanghe nyipjing, ongjing, apye, hüyange heye ngoiye jalunne tailak; hüyange nang hüyange nanghu nanghalan kaiye kahtoknyu nokphong khongkümpu moimanlak. 15Leitüoh, tao nang phei ngohnang, hüyange, nang üpukente tailakei Taowe yinlak, hüyange nang ni she tüopa kahtok te woi yelak; hangjingne Taowe nang phei ngaopu manling manling, Taowe nang yetüohlak.”
16Hüyange Jacob I shipu mepu lao hüyange i, “Üting me Youngwanpa tüome ngohnang; hüyange taowe tüopa yeshingpe ngoh!” 17Hüyange I nyam hüyange i, “Hatüo nyoi-a hangke nyamlakpa! Hatüowa ülao yeje Kahwang nok, hüyange hatüowa wangdang taten.”
18Ünenap shonge Jacob shinlüo, I shang jeyange ngohpu long yah, hüyange teihtüolak jingne tüopa-a yongne tam. Tüophei me Kahwangte phünne phawe tüopa tangme olive minnga yeitam. 19Hüyange lye tüopa kahtok te Bethel she minne tam. Hüpoi tüopa chingnyu min üwangne Luz ngoh yangki. 20Jacob-e Kahwang phei jiengpu ja yah; “Tao yintaipu lamme nange nang ü-phei jamme ngohyange hüyange tao yinne tamma-a, hüyange üte hahying hei inkheklan phama-a, 21hüyange tao üpa nokte yinpu okke leih yema-a, hüma-a nanga ü-Kahwang ne menglak. 22Tüopa teih tüopu long hanghepa taowe yongne tam tüopa nyoi-a nangte yoppe khümpu nyoi ne menglak, hüyange nange üte phapu üshei mepu taowe nangte penphong mepu ja nangte phalak.”
Избрани в момента:
:
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
Konyak Naga Bible - ÜJAO LAITEP
Copyright © 2011 by The Bible Society of India
Used by permission. All rights reserved worldwide.