Popular Bible Verses from Ruku 12

Share

Ijihuni hahi amairie nirisave areri rena para'eje 'ajaha hi'avara. Vea muka ka'ene Ema Puni Harihijara rohunijaho ja pakame paheji'inakúne ijá ve'avara 'iamana.

'Enakaivo ja maraku'a Huni ara 'unamiji 'ee Huni 'unama ka'ene arimaiji saravakame iji'a uneunechaka mwe'akaki jara pivusahujaho Hura vajihuna.

Hu pu ijá 'iama 'Unama ani ani'ina ka'ene niho'o ituname urarena parajujija hami 'ajohe ki'avara. Ijihuni maijaho ema ijihuni hiijaho kukua mapoka ka'ene huni navujipo reje hihuna pana 'iamana.

Joni uneunechaka mamaa kajipo na'avari tinijikano joni oja 'ee vwihijaho 'u'o ijí nahuna.

Ja ea irahipo hine vwihananavi'i temuka ape'avajaho 'ú ijí temuka kajara veje joni hia vea pina kú'o huri ranave hi va'eja?

'Enarena Hu Huni tisaiporu ijá 'iama Na ja 'waravukúne jara ichá'ina hihunijaho pavwiha'avare 'ee ika'ina pavwiha'avara. Nú 'iruma iraki i'eja pavwiha'avara. 'Ene joni haha ika'ina pavwihana 'wahuna.

'Ene ijí joni húmata sapasa icharo namujaho Hu nihena kamu. 'Enakúne ja paju'avara. Ijihuni maijaho jara uka ma'u'u maa kajija asitahara.

'Enakúne eakije niho'o patea juna'avara. Ijihuni maijaho joni Omijaho ura rene teamama para'eju'e Huni arijaho ja mihu.

'Enakúne ikaho vwihaha. Uka ka'ene jaijasaha oju kare kiha. Pu niho'o puni 'ina pa'one 'ee puni 'iruma pa'eke rira kwino ahuma irechavu kaivo Godira 'iruma vajihu. 'Enakaivo jara uka niho'o asitaha parajara.

'Enakúne jara 'unama ka'ene 'iruma 'eka ine 'ee toa ihunijaho pahine sarame vwiha'avara.

'Ena'omo Godira sinara ka'ene iviasi mai'o navura'omo niari ato'uve veni rehunijija 'ajoha'amajaho Hu ichá'ina'e ja 'ajohahuna vwihajo? Ema ka'ene joni nimairoa ma'u'umaakije!

Uneunecha mapoka ka'ene vaji navu'e ea mapoka pakivura'omo túna'i samahirahuna. 'Ene ea mapoka hemi navujaho ni'i ni'i hena kihuna.