Popular Bible Verses from IRPHUTNA 27

Share

Khanchu Pathianin irvân irdo leh irnêng satna le, bu tamtak le uain tamtak nang pe ri se: nam tinin ni sin thohai sianlân; chi dang danghaiin chubai nang mûk ri sehai. Ni urênghai laia rêng angin omin lân; ni nu nâihaiin chubai nang mûk ri sehai: Khua nang sâltu chu khosâlin om sianlân, sat nang vurtu chu satvurin om ri se,” a tia.

Khan Esaua’n chu, “A’rhming khom Jakoba an tia, nin phua indik chu a ni hi te? hi voihni a ni khêl ta; ki nâilutîr nitna khom a ni lâk pea, irngai ro, atûn hin, ki satvur dongtum a ni sutpai nôk a ni ta,” a tia. Khan ama ngêtin, “Satvurna chu ni hôi viat ta mak che mo?” a tia.

Khan a pa Isaka’n a kuang khan, “Irngai ro, ni omna hrang chu irnêng sa chu hlataka, le irvân irdo khom hlataka, a iom hrang a ni. Ni chemin a ni, ni ihring hrang a ni, ni sangpa sin ni hong itho pe hrang a ni, khan, hiang hin, ni zoro hnungkhôn tiang chu a ringkol chu ni ring ata ni ipai hrang a ni,” a tia.

Khan Esaua’n a pa kuang khan, “Ka pa satvurna chu inkhat vai mo a ini? O ka pa kei khom satvurna chu nin dong ngêt ro,” a tia. Khan, inring takin Esaua chu a chapa.