Popular Bible Verses from PAODAKHAIYU CHIKHA 5

Share

“ ‘Neletao Ramai MAPAO nou kharochi peikhai touyu thaifüa nepfü ae nepuoye tsükhoulo, sükulouzü Ramai MAPAO nou neletao hi peikhai touyu teidei hisü neletao nou hrüsho-a buloulai.

Chikha sütao teitei nou zülo, sükulouzü neletao nou talou poloua hrülaiyu teidei hisü hateitei nou kaozhou vei-a bailai alia phasho-a hrüloulai.

Neletao nou bashara moyuma zhurai taraliye nakou tholai moe, daiolouzü neletao Ramai MAPAO nasüe E baie, ae Esü Ramai kukhe ngaoraiyu Ramai-e. Eye ngaorayu mai hisü Enou puletao vei tyaosholea asü ae adai koute veahoyu sü peiwe. Ana Eye leshiyu mai alia avei chikhatao hinou tayu mai hisü khaphao the-the koute avei leshi zhuveayu nasü ngaopeiwe.

“ ‘Neletao bashara moyuma rakiva hinou moa deiphao hinou moyuma deikhe hinou mokhaiyuma dzükhe hinou buyu hana tarali vei zhurai souloua tholai moe

“ ‘Neletao Eye baimoa Ramai kukheye tholai moe.

“ ‘Neletao Ramai MAPAO zhih sü kaomoyu hinou poa vah soulai moe, mai taralia azhih poa kaomoyu vah souyu mai hisü Enou tudee peilai.

Puletao nou haibüa teisa bulouzü, teisa haibüa Eye tsükhou-a bulouzü, alia avei chikhatao züa bukoute louzü, hateitei sü puletaoye donou alia puletao vei tyaosholea koute hi kaozhou vei-a bukoute loulai.

“ ‘Soteithe zhousü reilo, alia süzhou hai shee-a khailo.

“ ‘Kinapa maivei kilu thainüso, kinapa maivei chapfü moyuma kilai mai, mokhaiyuma kinapa vei hana taralia thainüso.’

“ ‘Khulou vah souso.

“ ‘Kinapa maiye da shaki soupeiso.

“ ‘Maiye southaso.

“ ‘Maivei vaoso.

Neletao Ramai MAPAO Enou neletaoye sü Ejipt maivei qila soua buyu hinou khailupa peie; südonou Soteithe nasü neletao Ramai MAPAO nou kharochi peikhai touyu thaifüa reilo.

Teithe arou sü neletao nou vah soulai, ana teithe anai zhousü neletao Ramai MAPAO donou soteithe soulai. Haizhou sü neletao nou vah soulai moe, neletao nahmai, kilai mai, kikhaorü moyuma neletao teidei hinou koa hrüyu shetumai ali koutea panou vah soulai moe.

‘Neletaoye Ejipt teidei hinou, maivei qila soua hrüyu hinou sapa peiyu MAPAO Ramai nasü Enoue.