Popular Bible Verses from EPHESAMAI 4

Share

alia Khrista vanou Ramai nou neletaoye khaipeiyu sübüa neletao alinou liye khuhao-a ea zhuvea leshi peia alinou li mah khaipeikhaio.

Teisanou natai-a, kaona-a shamea-a bulo. Alinou liye shamea peiyu nou koa neletao vei leshisü pongaokhaio.

Neletao mü hinou chi-lashi paopawuso, anou nelenou paoyu sünanou keia buyu maitaohi avei soupei loure donou teile kao-zhou zhua soudu papei loure chi sütaonou paolouwo.

Neletao hrohinou khataoyu, züsüyu, rarouyu, shusoua züvayu, maichi paoshiyu ea maiye ngaoba-ngaoshiyu teiteisü thaokhaiwuwo

Neletao nou raroubukhaia mah souwuso, alia neletao nou rarouyu hisü panou teinghiye louwuso. Rashinahi teile zhou-avei peiwuso.

Südonou neletao vei hrü akunahi buyu zhai ea madayu ke-zhe züpa thaifüa souhao-soushiyu neletao vei hrü akunasü thaowuwo. Neletao le ea tsüsü teiteinou sou ashu vuzüwulai, alia acheche vuzüyu ea sheeyu hinou Ramai vei zhu rai-a soupeikhai touyu zhai ashu nasü banoulo.

Kaonayu vei phukhai touyu hinou rako vei lero zhoyu nasü khailoure donou telo.

“Emai hi sapeinatao peiyu” sü puh baie; puhnou kamaiye sü sei-atamai, kamaiye sü rachi paolamai, kukhe maiye sü Ko Avei paodou-apeimai ea kukhe maiyenou zhaokho-apeimai ea dou-apeimai panou souloure donou dowure. Puhnou haisü Khrista vei pfüphao soudu puloure donou sheeyu mai hrülaiye Khristamai vei kuvah vei vah donou souda peire souloure. Alia sübüa Eletao hrülaisü Eletao vei lü alikhei souyu nahi ea Ramai Nahpoutuye alikheisoua süyu tsünahi koa vezholai; Eletao sü Khrista vei sah shotouyu sünahi khe-a licheyu maitao soutalai.

Südonou Eletaowo lah puletao nou chopa louyu do sünanou kukhe maiye sümah sümo peiyu madayu maitao vei doupeiyu teikhai teiteinou hükou-hükhe-a pfüa laiyu nahmaitao büwu laimoe. Süjüwo, leshi hinou acheche chi nasü pao-a Eletao vei pei soua buyu Khrista hisü ha pfüphou hinou dushu palou vuzülai.