Popular Bible Verses from MAK 13

Share

Anga ngama ngajunma nenâng emitchek hèn. Rohkomin athôan tokokiet henhenpa dâlemsen danglahma lektong eka ere hehba khopemin.

Jetletma dangen, ngale chep achã letma tongen, chenrãngma ngako sanpoat pa chenthu hokmin a erepa nema jetmet.

Ngale chenthu ne khhek lahma metloat thinnâng siethokko, nema chenroh dânthâng min a ngama ammama neksekmah en; chenthu sanpoat pa mehûthako, Joban ma chenni jabthuk ehèn a erepa dânthangen. Chenrãngma ngako nema jabmin jabkhabpa newah ledangmin; ereheh Asâthôanju ngewah ehûra.

Rangle hah eta chhihjâa, rohkomin Nga jabkhabpa chenthumin leta chhihjâmin.

“Ere rangwo le sanpoat pa chenthu hokmin a erepa henmemin jetmah - rangkhethung wah Joban ngintatte hehmemin jetmah, ngale Chha memin jetmah, ere rangwo sanpoat pa Wa Joban ma lolobajet a.

Ngale ne kêanâ hehnângmin erediko hahtaang nângmin rantîn metat enkomin nekchei en. Erohpa metkep dângmin, rohkomin arepa athôan sanpoat pa hûera ngama dangmah.

Erohwah chep achã letma bembemjû tongen, chenrãngma ngako hum tângtewa pa chenthu hokmin a erepa nema jetmet - rangjâthah nângmin tahûra, ba rangpen mongtang nângmin tahûra, wowenkho nângmin tahûra, ba rangkhahkho nângmin tahûra. Nema lejetpoatko ate sitsiak mehong hûrako, ne juplek letma nekchen khehû ehèn. Ngama nenâng chenni ngaeka, erepa chentô nâng ngaekang: Chep achã letma bembemjû tongen!”

Diakthe pumma diakthe demko emênmîn a; wanthe hahsông pumma wanthe hahsông demko khum apanmîn. Chentô thenâng hahtii, ngale rem edanga. Areheh naahôngrãng wok bângkekko chetwah rãngrãng edanga.

Rohkomin athôan sanpoat hokmako, Nginkongsen pa chentô mihnyan nyuchha nâng bengchoh thômêng kohmin.

Ajahthem mihnyan hehma ngamîn keplahma ehuwakra, thinma ‘nga a ate!’ ngama ngalahma ajahthem mihnyan heh emoksiet a.

“Nededema jetletma dangen. Nea Sanagog hehnâng siethû lahma ewat hèn; ngale nema hahpênte ngale Lowang hehmako ngamînko chepletma thinnâng Nginkongsen pa ethôkoh en.

Chenrãngma ngako, Misaia mõang ngale mõngmõang heh ehonga; Ngale Joban ma ren eka mihnyan heh meta diapchhah ekorãng ngama thinma nyahrãng patritli ngale bâritli moatlem hehmin emoa.

“Ere chêmchoh sanpoat thôan diwah rangkuhko sanpa nyekjâ erea, ngale dâmin leliettûmin, rangkho wah merit heh jârit erea, ngale rangkho wah chentô kheki hehmin thinthe kowah emahjâa.