Popular Bible Verses from Ranehlö 24

Share

Ngaich ngöṙô angā-aṅ, Ō Mā Tēv, Tēv ap yöngṙen chu Aprahām, vë-ekūö Meh chin, tīntö tölöök taneūngen chu i ngih sakāmö, ane inrē hameuktö miṙēlōnre ip yöngṙen chu Aprahām.

Hökngen e pöchö, Hòṅ öp rēlö öp tö ngöh el nang töṙô chu min, Ṙātö ngam hanòk mak man, vë-ekūö meh chin, hòṅ chu òk; ngaich ngöṙô min angā-aṅ, Yĕh òk, töich kētö òk minë ūṅt meh inrē: hökngen ò pöchö nö angā-aṅ halēnngen meh nö lumnööṙö öp kūön alaha Meh Isāk; ngaich in e chū-ö min akahalōn tö Meh hameuktö miṙēlōnre ip yöngṙen chu.

Ngaich Isāk nö kēhĕtnen ò nö el inrūkui ök yöngre kikānö Sëra, ngaich kē-ĕ Repëka, ngaich angā-aṅ nö pīhö ò; hāngenlōn angā-aṅ tö ò: ngaich ang Isāk nö haṙāmölōn unôichrit kinpaha ök yöng ò kikānö.

Ngaich chā-a nö hakôlò Repëka, nö ngöṙô tö ò, Më-eṅ kanānö ih, yöng yip tököṅnyu man yēḵ tösöm köṅny, hökngen ap kūön meh nö hayōm kūö inkūp yip tökunyāha el mat tö cha.

Hōten meh chin chūöku ṙô kilēḵngôre im Mā Tēv, ngam Tēv ngam halīöngö, ane inrē Tēv ngam tumlat, tö meh min öm uh kēḵ pīhö ngòh kūön chu kikōnyö tö kikānö aṅ Kanā-an, vē tö iyöngö elṙôngö tö chu: Chuh panam chu pöri min më-eṅ, i yip mak alaha chu, öm kē pīhö Isāk, ngòh kikōnyö kūön chu.