Popular Bible Verses from Ranehlö 25

Share

Ngaich ngam Mā Tēv nö ngöṙô tö ò, Nët nap mumā-aṅ tarik ellōn meh, Ane inrē nët tak nap tarik ellōn meh nö haköösiṙen min: Öp töhĕng tak min tarik, tökalēḵ töngam tahëng tak; kūönkūö öp manāngö min öp maṙöinylö.

Aṙēten chu, ha-aṅlen chu töngam töngāṅv elmat kanychi; tön ha-euk chin; lökten ök minë-eny ò nö kaheūkö nö Ētöm.

Ngaich Isāk nö vë-ekūö ngam Mā Tēv tö pòkūö ök pīhö ò, pò ò nö ötkūönu: ngaich ngam Mā Tēv nö vë-evkūö tö ò, pirūkö nyīö ngaich ök pīhö ò Repëka.

Ngaich ngöṙô Isô, Yĕh meuk, hòṅ kapah chin: asuh ap kanôlò chu min tö tīngam minā-aṅ chu? Ngaich ngöṙô Yāköp, Urĕh man chūöku ṙô kilēngôre in chu; ngaich chūöku ṙô anga-aṅ nö kilēk̠ngôre nö in ò; inyihngö ök minā-aṅre ngaich nö in Yāköp.

Ngaich unôichnyi tö ò ök kahëm ò, ngaich ök eltī ò nö ṙapngöre nö i kulôichröön Isô; ngaich kaheūkö minë-eny angā-aṅ nö Yāköpː tafūöl anāi samyeūheu Isāk nö köiny hē Repëka nö kayôk̠nyen cha.

Hangenlōn Isāk tö Isô, pòn kāk̠ alaha pô ò tö hanchōn: ngaich Repëka nö hāngenlōn tö Yāköp.