Popular Bible Verses from Ranehlö 35

Share

Ngaich ngöṙô ngam Tēv tö ò, Chū-ö Chin Tēv Tökeuheūttöre chöngö: mikūönlö man mikūönlö man yēḵ ṙūhölre ṙôken inrē: löklen in meh yip min pumnāmö tarik, manūlö pumnāmö tarik inrē, löknyö i ṙat meh min inrē nö yih yip rācha. Ngaich ngih panam inrē kahëtö Chu in nā Aprahām nā Isāk, kētö e Chin in meh, ip kūön meh inrē unôichrit meh ngih panam nö kētu tö Chu.

Tā-a töi chōholre, öi chuh Pētĕl, hòṅ chu in e vīlö tahāklö ngam Tēv, ngam samapṙô chu hē el kanihngen chu, ngam holtöṙah chu inrē el talöökö chu kiröönngöre.

Ngaich ngam Tēv nö ngöṙô tö ò, Yāköp an ngam minë-eny meh: öt ngöhören an ngam minë-eny meh Yāköp nö havëka min, Israĕl pöri min ngam minë-nyö meh.

Ngaich ngöṙô Yāköp tö yik aṅ patīre, tö yik taṙòkhöre inrē mi-in ò, Kēngö nup insātēv yin nup mi-in yīö, ahëtlöre, haṙī-il hilāre inrē

Ngaich ngam Tēv nö ngöṙô tö Yāköp, Chōholre, kuṙòh, chuh Pētĕl, ngaich iyöng in e: vīlö tahāklö ngam Tēv in e, ngam tömeūkö tö meh hē meh afalngöre tö Isô öp mëm meh.

Ngaich ik hē chanūhu ök nômö ò, (pòn kapah angā-aṅ) nö kaheuk minë-eny ò nö Penōni: ngaich pöri ök kikōnyö yöng ò nö kaheūkan nö Penyamin.