Popular Bible Verses from LUK 3

Share

Kheakü küyimki mihtsürü alala, tüsho Jisu she baptibah tamkhüntamnüde alakhea, thüning khimshuh-a lakheah, tüsho müthrithrümpü nangde Amüsüh Me api kheak aki, tüsho yinmi chingnü düsheak khülang arü, “Nü inü amuzhodakkhi tsührü; nü kheak inü tsüde mulong keamchoh.”

Johannü arü alala ki alo, “Inü nüsa kenü baptijihchoh; tüshe I kheaknü atobe, ajingkhümpü zhi she inü atrünjihpü müthülünkhi arümuroh; apinü Amüsüh Me tüsho monü nüsa baptijihbah.

Mulong müthrikhi ayede aso asoang, tüsho nüsa küdah thsüde, ‘Isa abuh Abraham lah’ de athapü dütankih; tümüde inü nüsa ki thachoh, Thrünpuhnü harü lungbo chingnü Abraham tsührübo asürüshihpü kuklah.

Kheakü ha she sangying aban kheak awü dünkih-a lah; jumonü aso masokhi sangdung aban kiushakbah tüsho mo ching yukbah.”

Isaia wukihrü yubo hüm ching ha thrüta lah, “Sunglo ching zhikhi düsheak khülang: ‘Atungpuh limro thsakhamjang, api tsahpungbo mukhiungarihdo thsüjang. Jindükhün aban adangmibah, müzüng tüsho awung aban arihde akambah. Akhürang limrobo mukhiungarihdo akambah, dükukthuruk limrobo shahshah akambah. Tüsho mihtsürü alalanü Thrünpuh akhümkhit ngübah.’ ”