Popular Bible Verses from JOHAN 10

Share

Guta khu gu ding leh that ding leh suse ding loungal in ahing pei sih, Kei pen amaun hinna anei na ding u’leh, kiningching tah a aneina ding ua hing pei ka hi.

Kei belamchingpa hoi ka hi, belampu hoiin belamte dingin ahinna apie hi.

Ka belamte’n ka aw aza ua, ken amauh ka thei hi, tualeh amaun ahing zui uhi.

Tualeh ken kumtawn hinna ka pie hi; kumtawnin amangthai sih ding ua, koiman ka khut apat ahing lahpieh thei sih ding uhi.

Kei kotpi khu ka hi, Koipou keima a alut leh hundam in a um dinga, tualeh lut in apawt dinga, neh ding amu ding hi.

Kei belamchingpa hoi ka hi, Ka belamte ka thei a, ka belamten kei ang thei uhi.

Ka pa amauh hing pepa mi zousie sangin athupizaw hi; Koima’n ka Pa khut apat ahing lahpieh zou sih ding hi. Kei leh Ka Pa khat ka hi uh,” achi hi.

Pain kei ahing thei bangin, Ken zong Pa ka thei hi, tualeh belamte a dingin ka hinna ka pie hi.

Koiman ka hinna ahing lahpieh ahi sih a, keima thu a ka pieh ahi zaw hi. Pieh theina leh lahkia theina thuneina ka nei hi. Tam thupieh ka pa apat ka mu ahi,” achi hi.

Tuachi’n Jesu’n akung uah agenkia a, “Chitahtahin na kung uah ka gen ahi, kei belam kotpi khu ka hi.

Hinanleh nehthalaw, belamchingpa dihtah hilou, belamte ama a hilou mi in, ngie hing pei amu chiengin belamte anuasie a ataisan leng hi, tualeh ngiein belamte aman a adelzah zel hi.

“Chitahtahin ka hing hil ahi, koipou kotpi a lut lou a lam tuom a kal a belam huonga lut khu guta leh suomhat ahi.