Popular Bible Verses from ܒܪܝܬܐ 22

Share

ܘܩܪܹܐ ܠܹܗ ܐܲܒ݂ܪܵܗܵܡ ܫܸܡܵܐ ܕܗ̇ܝ ܕܘܼܟܵܐ، ”ܡܵܪܝܵܐ ܒܸܬ ܬܲܪܣܹܐ،“ ܕܟܹܐ ܦܵܝܫܵܐ ܐ݇ܡܝܼܪܬܵܐ ܐܸܕܝܘܿܡ ܝܵܘܡܵܐ، ”ܒܛܘܼܪܵܐ ܕܡܵܪܝܵܐ ܒܸܬ ܦܵܐܹܫ ܬܘܼܪܣܝܼܵܐ.“

ܐ݇ܡܝܼܪܹܗ ܐܲܠܵܗܵܐ، ”ܫܩܘܿܠ ܠܒܪܘܿܢܘܼܟ݂ ܝܼܚܝܼܕܵܝܵܐ ܐܝܼܣܚܵܩ، ܕܟܹܐ ܡܲܚܸܒܸܬ ܠܹܗ، ܘܙܹܠ݇ ܠܘܼܟ݂ ܠܐܲܪܥܵܐ ܕܡܘܼܪܝܼܵܐ، ܘܡܲܐܣܸܩ ܠܹܗ ܬܵܡܵܐ ܠܕܸܒ݂ܚܵܐ ܡܘܼܩܕܵܐ، ܥܲܠ ܚܲܕ ܡ̣ܢ ܛܘܼܪ̈ܵܢܹܐ ܕܐܵܡܪܹܢܘܼܟ݂.“

ܐ݇ܡܝܼܪܹܗ ܡܲܠܲܐܟ݂ܵܐ، ”ܠܵܐ ܦܲܫܛܸܬ ܐܝܼܕܘܼܟ݂ ܠܝܵܠܵܕ݇ܐ، ܘܠܵܐ ܥܵܒ݂ܕܹܬ ܐܸܠܹܗ ܡܸܢܕܝܼ، ܣܵܒܵܒ ܐܵܕܝܼܵܐ ܝ݇ܕܝܼܥ ܠܝܼ ܕܙܵܕܥܵܢܵܐ ܡ̣ܢ ܐܲܠܵܗܵܐ ܝܘܸܬ، ܘܠܵܐ ܚܣܝܼܟ݂ ܠܘܼܟ݂ ܠܒܪܘܿܢܘܼܟ݂، ܠܝܼܚܝܼܕܵܝܘܼܟ݂، ܡܸܢܝܼ.“

ܓ̰ܘܼܘܸܒ ܠܹܗ ܐܲܒ݂ܪܵܗܵܡ، ”ܒܪܘܿܢܝܼ، ܐܲܠܵܗܵܐ ܒܓܵܢܹܗ ܒܸܬ ܬܲܪܣܹܐ ܦܹܐܪܵܐ ܩܵܐ ܕܸܒ݂ܚܵܐ ܡܘܼܩܕܵܐ.“ ܘܐ݇ܙܝܼܠ ܠܗܘܿܢ ܬܸܪܘܲܝܗܝ ܡܸܚܕܵܕܹ̈ܐ.

ܒܲܪܘܼܟܹܐ ܒܸܬ ܒܲܪܟܸܢܘܼܟ݂، ܘܡܲܙܝܘܼܕܹܐ ܒܸܬ ܡܲܙܝܸܕܸܢ ܠܙܲܪܥܘܼܟ݂ ܐܲܝܟ݂ ܟܵܘܟ݂ܒܹ̈ܐ ܕܫܡܲܝܵܐ، ܘܐܲܝܟ݂ ܣܹܠܵܐ ܕܥܲܠ ܣܸܦܬܵܐ ܕܝܵܡܵܐ، ܘܒܸܬ ܝܵܪܹܬ ܙܲܪܥܘܼܟ݂ ܠܬܲܪܥܵܐ ܕܕܸܫܡܸܢܘܼ̈ܗܝ. ܘܒܸܬ ܦܵܝܫܝܼ ܒܘܼܪܟܹܐ ܒܙܲܪܥܘܼܟ݂ ܟܠܲܝܗܝ ܐܸܡܘܵܬܹ̈ܐ ܕܐܲܪܥܵܐ، ܣܵܒܵܒ ܫܡܝܼܥ ܠܘܼܟ݂ ܠܩܵܠܝܼ.“

ܘܗܘܹܐ ܠܵܗ̇ ܡ̣ܢ ܒܵܬ݇ܪ ܕܐܲܢܹܐ ܡܸܢܕܝܼܵܢܹ̈ܐ، ܐܲܠܵܗܵܐ ܓ̰ܘܼܪܸܒ ܠܹܗ ܠܐܲܒ݂ܪܵܗܵܡ، ܘܐ݇ܡܝܼܪܹܗ ܐܸܠܹܗ، ”ܐܲܒ݂ܪܵܗܵܡ.“ ܘܐ݇ܡܝܼܪܹܗ، ”ܗܵܐ ܐܵܢܵܐ.“

ܐܝܼܢܵܐ ܩܪܹܐ ܠܹܗ ܐܸܠܹܗ ܡܲܠܲܐܟ݂ܵܐ ܕܡܵܪܝܵܐ ܡ̣ܢ ܫܡܲܝܵܐ، ܒܹܐܡܵܪܵܐ، ”ܐܲܒ݂ܪܵܗܵܡ، ܐܲܒ݂ܪܵܗܵܡ.“ ܗ̇ܘ ܓ̰ܘܼܘܸܒ ܠܹܗ، ”ܗܵܐ ܐܵܢܵܐ.“

ܘܩܪܹܐ ܠܹܗ ܡܲܠܲܐܟ݂ܵܐ ܕܡܵܪܝܵܐ ܠܐܲܒ݂ܪܵܗܵܡ ܓܵܗܵܐ ܕܬܲܪܬܹܝ ܡ̣ܢ ܫܡܲܝܵܐ، ܒܹܐܡܵܪܵܐ، ”ܝ݇ܡܹܐ ܠܝܼ ܒܓܵܢܝܼ، ܒܹܐܡܵܪܵܐ ܝܠܹܗ ܡܵܪܝܵܐ، ܣܵܒܵܒ ܥܒ݂ܝܼܕ ܠܘܼܟ݂ ܐܵܗܵܐ ܡܸܢܕܝܼ، ܘܠܵܐ ܚܣܝܼܟ݂ ܠܘܼܟ݂ ܠܒܪܘܿܢܘܼܟ݂، ܠܝܼܚܝܼܕܵܝܘܼܟ݂؛

ܟܲܕ ܐ݇ܬܹܐ ܠܗܘܿܢ ܠܕܘܼܟܵܐ ܕܐ݇ܡܝܼܪܵܐ ܝܗ݇ܘܵܐ ܐܸܠܹܗ ܐܲܠܵܗܵܐ؛ ܒܢܹܐ ܠܹܗ ܐܲܒ݂ܪܵܗܵܡ ܬܵܡܵܐ ܡܲܕܒܚܵܐ، ܘܚܪܝܼܙ ܠܹܗ ܩܲܝܣܹ̈ܐ. ܐ݇ܣܝܼܪܹܗ ܠܐܝܼܣܚܵܩ ܒܪܘܿܢܹܗ ܘܡܘܼܬܸܒ݂ ܠܹܗ ܥܲܠ ܡܲܕܒܚܵܐ، ܥܲܠ ܩܲܝܣܹ̈ܐ.