Popular Bible Verses from ܒܪܝܬܐ 39

Share

ܗܘܹܐ ܠܹܗ ܡܵܪܝܵܐ ܥܲܡ ܝܵܘܣܸܦ، ܘܡܘܼܢܬܹܐ ܠܹܗ ܗ̇ܘ، ܘܚܝܹܐ ܠܹܗ ܓܵܘ ܒܲܝܬܵܐ ܕܡܵܪܹܗ ܡܸܨܪܵܝܵܐ.

ܗܲܕܟ݂ܵܐ ܣܘܼܦܹܐ ܠܹܗ ܟܠ ܡܸܢܕܝܼ ܕܐܝܼܬ ܗ݇ܘܵܐ ܠܹܗ ܒܐܝܼܕܵܐ ܕܝܵܘܣܸܦ؛ ܘܠܲܝܬ ܗ݇ܘܵܐ ܠܹܗ ܚܲܒܪܵܐ ܒܗܸܟ̃ ܡܸܢܕܝܼ ܫܒ݂ܘܿܩ ܡ̣ܢ ܠܲܚܡܵܐ ܕܐܵܟܹܠ ܗ݇ܘܵܐ. ܘܝܵܘܣܸܦ ܫܲܦܝܼܪܵܐ ܝܗ݇ܘܵܐ ܒܚܸܙܘܵܐ ܘܒܩܵܘܡܬܵܐ.

ܘܣܘܼܦܹܐ ܠܹܗ ܓܘܼܪܵܐ ܕܒܹܝܬ ܐܲܣܝܼܪܹ̈ܐ ܒܐܝܼܕܵܐ ܕܝܵܘܣܸܦ ܠܟܠܲܝܗܝ ܐܲܣܝܼܪܹ̈ܐ ܕܝܼܗ݇ܘܵܘ ܬܵܡܵܐ؛ ܘܟܠ ܡܸܢܕܝܼ ܕܦܵܐܹܫ ܗ݇ܘܵܐ ܥܒ݂ܝܼܕܵܐ ܬܵܡܵܐ، ܗ̇ܘ ܝܼܗ݇ܘܵܐ ܡܸܫܬܲܐܠܵܢܵܐ.

ܘܫܩܝܼܠ ܠܹܗ ܐܸܠܹܗ ܡܵܪܹܗ ܘܕܪܹܐ ܠܹܗ ܒܒܹܝܬ ܐܲܣܝܼܪܹ̈ܐ، ܐܲܝܟܵܐ ܕܐܲܣܝܼܪܹ̈ܐ ܕܡܲܠܟܵܐ ܕܸܪܝܲܝ ܝܗ݇ܘܵܘ. ܘܗܘܹܐ ܠܹܗ ܬܵܡܵܐ. ܘܗܘܹܐ ܠܹܗ ܡܵܪܝܵܐ ܥܲܡ ܝܵܘܣܸܦ، ܘܡܘܼܚܙܹܐ ܠܹܗ ܐܸܠܹܗ ܫܵܦܵܩܲܬ، ܘܝܘܼܗ݇ܒܸܠ ܠܹܗ ܐܸܠܹܗ ܪ̈ܲܚܡܹܐ ܒܥܲܝܢܹ̈ܐ ܕܓܘܼܪܵܐ ܕܒܹܝܬ ܐܲܣܝܼܪܹ̈ܐ.

ܗܘܹܐ ܠܵܗ̇ ܡ̣ܢ ܒܵܬ݇ܪ ܐܲܢܹܐ، ܫܘܼܗܘܸܬ ܠܵܗ̇ ܒܲܟ݂ܬܵܐ ܕܡܵܪܹܗ ܥܲܠ ܝܵܘܣܸܦ، ܘܐ݇ܡܝܼܪܵܗ̇، ”ܕܡܘܿܟ݂ ܥܲܡܝܼ.“ ܐܝܼܢܵܐ ܡܘܼܚܦܸܠ ܠܹܗ ܝܵܘܣܸܦ ܘܐ݇ܡܝܼܪܹܗ ܐܸܠܘܼܗ̇، ”ܚܙܝܼ، ܡܵܪܝܼ ܠܹܐ ܝܵܕܹܥ ܡܘܿܕܝܼ ܐܝܼܬ ܠܟܸܣ ܠܝܼ ܓܵܘ ܒܲܝܬܵܐ، ܒܗ̇ܝ ܕܟܠ ܡܸܢܕܝܼ ܣܘܼܦܝܹܗ ܝܠܹܗ ܒܐܝܼܕܝܼ. ܠܲܝܬ ܒܘܼܫ ܓܘܼܪܵܐ ܡܸܢܝܼ ܓܵܘ ܐܵܗܵܐ ܒܲܝܬܵܐ، ܘܠܹܐ ܝܠܹܗ ܚܣܝܼܟ݂ܵܐ ܡܸܢܕܝܼ ܡܸܢܝܼ ܫܒ݂ܘܿܩ ܡܸܢܵܟ݂ܝ، ܣܵܒܵܒ ܒܲܟ݂ܬܹܗ ܝܘܲܬܝ. ܕܵܐܟ݂ܝܼ ܥܵܒ݂ܕܹܢ ܐܵܗܵܐ ܒܝܼܫܬܵܐ ܓܘܼܪܬܵܐ، ܘܚܵܛܹܝܢ ܥܲܠ ܐܲܠܵܗܵܐ؟“

ܐܝܼܢܵܐ ܚܲܕ ܝܵܘܡܵܐ ܟܲܕ ܥܒ݂ܝܼܪܹܗ ܝܵܘܣܸܦ ܠܒܲܝܬܵܐ ܠܸܥܒ݂ܵܕܵܐ ܫܘܼܠܹܗ، ܠܲܝܬ ܗ݇ܘܵܐ ܐ݇ܚܹܪ݇ܢܵܐ ܡ̣ܢ ܗܲܕܵܡܹ̈ܐ ܒܒܲܝܬܵܐ ܬܵܡܵܐ. ܘܕܒ݂ܝܼܩ ܠܵܗ̇ ܐܸܠܹܗ ܒܠܒ݂ܝܼܫܬܹܗ، ܒܹܐܡܵܪܵܐ، ”ܕܡܘܿܟ݂ ܥܲܡܝܼ.“ ܐܝܼܢܵܐ ܫܒ݂ܝܼܩ ܠܹܗ ܠܒ݂ܝܼܫܬܹܗ ܒܐܝܼܕܘܼܗ̇، ܘܥܪܝܼܩ ܠܹܗ ܘܦܠܝܼܛ ܠܹܗ ܠܒܲܕܲܪ.