Popular Bible Verses from SAN MATEO 18

Share

Pʉgarã o itiarã yʉ yarã yʉre áti nʉcʉbʉgogarã na ca-neñaporo na watoapʉ yʉ anigʉ, ca-ĩiwĩ Jesú.

’Ape wame quenare oco bairo mʉjaare yʉ ĩi: Ati yepapʉ ca-ãna yʉ yarã pʉgarã, “Ati wame Diore mani jenirã,” mʉja ca-ĩata Diore mʉja ca-jeniri wamere mʉja átibojagʉmi yʉ Pacʉ ʉmʉrecóopʉ ca-ãcʉ̃.

To bairo cʉ̃ jã ca-ĩi jeniñaro jicãʉ cawimaʉre cʉ̃ ca-pi joowĩ Jesú. Cʉ̃ pijo, cʉ̃ ca-ejanumu rotiwĩ jã watoapʉ. To bairo átiri, oco bairo jã ca-ĩiwĩ Jesú cʉ̃ buerãre: —Cariape mʉjaare yʉ ĩi. “Ca-ãni majuʉ yʉ ãa,” mʉja ca-ĩi tʉgooñarijere tʉgooña janacõaña. Cawimarã na ca-anore bairo maca tʉgooñaña. “Seeto ca-roti majii yʉ ãa,” ĩi tʉgooñaquẽema cawimarã maca. To bairo mʉja ca-tʉgooña wajoaquẽpata Ʉpaʉ Dio cʉ̃ ca-anopʉ mʉja ejaquetigarã.

To bairi Ʉpaʉ Dio cʉ̃ ca-anopʉ aperã netoro ca-ani majuurã anigarãma noa ani cawimaʉre bairona, “Cawatoa ca-ãcʉ̃ yʉ ãa,” ati yepapʉ ãnapʉ ca-ĩi tʉgooñarã.

To bairi ani cawimaʉre bairo cawatoa ca-ãna yʉ ca-rotiro mena nare cá-átinemorã yʉpʉre cá-átinemorã ãma.

’Cariape mʉjaare yʉ ĩi. Ati yepapʉ yʉ yarã aniri, “Atie Dio ʉmʉrecóo macacʉ cʉ̃ ca-rotiquẽtie ãa,” o ape wame, “Atie Dio cʉ̃ ca-rotirije ãa,” Diore cʉ̃ ca-ĩibojarã mʉja anigarã camajare.

’To bairi mʉja quena mʉja yarã rooro mʉjaare na cá-áto nare mʉja ca-majirioquẽpata mʉja popiyeyegʉmi mani Pacʉ ʉmʉrecóo macacʉ mʉja quenare, ca-ĩiwĩ Jesú.

’Aperã maca anire bairo ca-ãnare caroorijere na cá-átiparore bairo na ca-ĩi wadajãata seeto na popiyeyegʉmi Dio. To bairi anire bairo ca-ãna yʉre ca-apiʉjarãre caroorije na cá-átiparore ca-ĩi wadajãrã ʉ̃ta cui pairi cui na wamʉare jia yo, ca-ʉ̃cʉari yapʉ ca-ree ñuacõa jooata ñuuboro.

’Ati wamere tʉgooñaña mʉjaa. Oveja nuuricarã cien nare ca-cʉgoʉ, jicãʉ cʉ̃re cʉ̃ cá-aáweo yajiata aperã noventa y nueve ca-rʉjarãre caroa ta ca-ani buuropʉ na cũucõari ca-yajiricʉre cʉ̃ macaʉ aácoaboʉmi.