Popular Bible Verses from SAN MATEO 19

Share

To bairo cʉ̃ jã ca-ĩiro Jesú jãare tʉjʉ: —Camaja na majuuna Dio tʉpʉ aá majiquẽema. Dio maca nipetiri wame cá-áti majii aniri jicãʉna ãmi camajare to canacã rʉmʉ cʉ̃ tʉpʉ na ca-anicõa aninucupere ca-joʉ, jã ca-ĩiwĩ Jesú.

To bairi camajocʉ jicãʉ cʉ̃ nʉmo mena jicãʉre bairona aniri Dio cʉ̃ ca-cũricarã ãma jicã bapa. To bairona Dio cʉ̃ ca-cũricarã aniri ca-ame rocaquetiparã ãma, na ca-ĩiwĩ Jesú.

To bairo cʉ̃ na ca-ĩi jeniñaro: —¿Dio Wadariquere cabuerã anibana quena mʉja majiquẽetí? Nemoopʉ camajare áti jʉgoʉ, caʉmʉ, cãromio na cá-ájupi Dio. Na áti yaparo oco bairo na ca-ĩi cũuñupi: “Ni ucʉ̃ cãromiore nee, cʉ̃ pacʉare tʉgooña janari cʉ̃ nʉmo ye macare ca-tʉgooñapaʉ ãmi. To bairi cõ mena aniri pʉgarã anibana quena cʉ̃ nʉmo mena jicãʉre bairona ãma cʉ̃ nʉmo jãa,” ca-ĩi cũuñupi Dio.

To bairo na jã ca-ĩiro: —Cawimarã yʉ tʉpʉ na apáro. Na mataqueticõaña. Ʉpaʉ Dio cʉ̃ ca-anopʉ cá-aáparã ãma ati maja cawimarãre bairona caroaro yʉre ca-nʉcʉbʉgorã, jã ca-ĩiwĩ Jesú.

To bairo to ca-anibato quena noa, “Ca-ãni majuurã jã ãa,” ca-ĩi tʉgooñarã maca cawatoana ca-ãna majuu na cũugʉmi Dio. “Aperã bero macana jã anigarã,” ca-ĩirã macare ca-jʉgo aniparã na cũugʉmi Dio na macare, ca-ĩiwĩ Jesú.

Jicãʉ yʉ ca-boorijere átigʉ cʉ̃ yere cʉ̃ cá-aáweobataje netoro majuu cʉ̃ joogʉmi Dio ca-ñuurijere. Cʉ̃ wiiri, cʉ̃ yarã, cʉ̃ yarã romiri, cʉ̃ pacʉa, cʉ̃ punaa, cʉ̃ wejeri nipetirijere aáweoʉ yʉ yere átigʉ cʉ̃ ca-cʉgobataje netoro caroa majuu bʉgagʉmi. Anicõa aninucugʉmi Dio tʉpʉ.

To bairo cʉ̃ ca-ĩi jeniñaro oco bairo cʉ̃ ca-ĩiwĩ Jesú: —Caroaʉ majuu anigʉ mʉ ca-cʉgorije nipetiro aperãre joo peocõari, niyerure jee átiri ca-bopacoorãre na jooya. To bairo ácʉ caroare mʉ cʉgogʉ Dio tʉpʉ, jõ buipʉre. To bairo ca-bopacoorãre niyeru nipetiro joo peocõari yʉ mena ajá, cʉ̃ ca-ĩiwĩ Jesú.

To bairo cʉ̃ ca-ĩiro: —¿Nope ĩi caroaʉ yʉre mʉ ĩití? Dio jicãʉna ãmi caroaʉ. Dio tʉpʉ anicõa aninucugʉ Dio cʉ̃ ca-rotiriquere apiʉjaya, ca-ĩiwĩ Jesú cawamaʉ ca-apeye unie paiire.

Cameyo na ca-ĩi waibʉcʉ capaii quenare apopotare yʉta wẽe pĩorica opeacãre cʉ̃ ca-ame butigaata majiriobʉja. To bairona majiriobʉja ca-apeye unie pairã quenare Dio tʉpʉ na ca-ejape.

Yʉ maca oco bairo mʉjaare yʉ ĩi: Jicãʉ cʉ̃ nʉmo apeĩ mena cõ cá-áti epequetibato quena cõ rocaʉ apeore nei, rooro ácʉ áami. Apeĩ cʉ̃ ca-rocaricore ca-nʉmocʉcʉ rooro ácʉ áami cʉ̃ quena.

To bairo tʉgooñarique pairique mena cʉ̃ cá-aáto tʉjʉʉ oco bairo jã ca-ĩiwĩ Jesú cʉ̃ buerãre: —Cariape mʉjaare yʉ ĩi: Ca-apeye pairãre seeto majiriobʉja Dio tʉpʉ aágabapata.