Popular Bible Verses from ACTS 1

Share

Nidi nihí Níłch'i Diyinii nihik'i hoole'go bee adziilii nihee dahodooleeł, áko Jerúsalemgi, índa Judíyagi t'áá át'éé nít'éé' áádóó Samériyagi, índa nahasdzáán nidanees'ą́ą́góó shá dahołne' dooleeł.

Áko ábizhdííniid, Ałkéé' bee dahwéelzhíishii índa dayíłkaahii nihił béédahózin doogo doo nihaa deet'ą́ą da, éíyee' aTaa' t'áá bí bee bóhólníihgo yee nihoní'ą́.

Bił nidzíiztą́ągo hach'į' haadzíi'go áhodííniid, T'ááká Jerúsalem bits'ą́ąjį' dah doohkááh yíila', nidi aTaa' eidiní'ánígíí biba' ádanoht'ée dooleeł, éí bee nihił hweeshne'go dasidoots'ą́ą́'. Háálá John éí t'áá aaníí tó yee asį́į́h nít'éé', nidi kodóó t'áadoo lą'í yiłkaahí Níłch'i Diyinii bee nihidi'doolzįh.

Áko ti'hodzooznii'dóó dízdiin yiską́ąjį' hódahooł'aahii bich'į' yit'íní ánízh'diil'įįhgo, t'áá aaníí jiináago bee bééhózinii lą'ídi bee bich'į' ízh'diilyaa, áádóó Diyin God bee bóhólníihgo bił haz'áanii baa yájíłti'.

Áko díidí yee hahaasdzíi'go t'áá dazhníł'į́įgo, dego dah bi'diiltį́ áádóó k'os biyaa aaldohgo bee doo yit'į́į da silį́į́'.

De hooleełgo yá biyi' góde hazhó'ó dazdéez'į́į́' nít'éé', jó'akon, diné naaki algaigo hadít'éego hwíighahgi yiizį', áko áhodííniid, Gáliliidóó hastóí danohłíinii, ha'át'íísh biniyé yá biyi' góde dasídóo'į́į'go nisoozį́? Díí Jesus nihits'ą́ą́' yá'ąąsh góde abi'dooltínígíí, t'áá yá'ąąsh góde hooleełgo daołtsánígi át'éego nínáádoodááł.