Popular Bible Verses from ACTS 2

Share

Áko Peter áhodííniid, T'ááłá'í nootínígo łahgo át'éego Diyin God bich'į' tsíńdahidohkeesgo Jesus Christ bízhi' bee tó bee danihi'dólzį́į́h, áko Diyin God bich'į' ádił da'soohsí'ígíí nihá yóó'iididoo'ááł, áádóó Níłch'i Diyinii nihaa deet'áanii nihíí' dadooleeł.

Áko t'áadoo ádahozdiilzéhí daal'aadii yee nida'nitinígíí bik'ehgóó ádajít'é índa ahił dajídlį́įgo bááh ninádajiitihgo nídajidį́į́h áádóó sonídazdilzįįhgo hoolzhish.

T'áá ádzíłtso Níłch'i Diyinii hwii' hadadéébįįd, áko Níłch'i Diyinii yádahwiiłti'go ał'ąą dine'é dabizaad bee yádajiłti'go baa nízhdiikai.

Nít'éé' t'áadoo hooyání ayóó át'éego yiyołígíí nahalingo yá'ąąshdę́ę́' hodiists'ą́ą́', áko kin biyi' nidzíiztání góne' t'áá át'é hadéébįįd. Áko t'ááłá'í jinítínígo atsoo' kǫ' nidahalingo hak'ijį' adahwiizle'go dajiiłtsą́. T'áá ádzíłtso Níłch'i Diyinii hwii' hadadéébįįd, áko Níłch'i Diyinii yádahwiiłti'go ał'ąą dine'é dabizaad bee yádajiłti'go baa nízhdiikai.

T'áá ákwíí jį́ aheełt'éego nitsídadzikeesgo kin bii' sohodizin bił haz'ánígóó ałnáádajikah, índa hoł dahózhǫ́ǫgo áádóó ahił dajídlį́įgo dahooghangóó bááh ninádajiitih áádóó nída'jidį́į́h, Diyin God baa dahojiniihgo diné t'áá ałtso hoł danilį́įgo hoolzhish. Áko t'áá ákwíí jį́ yisdáhákáhígíí Bóhólníihii hóyiyiinííł.

Diyin God haadzíi'go ání, Nihodoogáałjį' ayííłką́ągo kódahooníił doo: nihokáá' dine'é t'áá ałtso shiNíłch'i bik'i hwiidooleeł, áko nihiye'ké áádóó nihitsi'ké Diyin God yá dahalne' dadooleeł, áádóó nihitsíłke'é bił ádahat'į́į dooleeł, índa nihadahastóí nideiyeeł dooleeł

Áádóó da'oodlánígíí t'áá ałtso bee dahólóonii bił ałts'ą́ą́' da'dzíłk'iizgo t'ááłáhígi kééhojit'į́į́ nít'éé'; ha'át'íhída bee hódahólníihii índa hanaalye'é haa nidahaaznii', áko diné t'áá ałtso t'ááłá'í nítínígo choideidooł'įįłii bee ádaadinii bitaa dadziznii'.

Áko t'áá háiida Bóhólníihii bízhi' bee józhíigo níjooskanígíí yisdáhodoołtééł.

jį́honaa'éí bił chahodoołhił, índa tł'éhonaa'éí dił nahalin dooleeł, Bóhólníihii nídoodááł t'ah doo beiyíłkaahgóó áhodoonííł. Jó, éí ayóó át'é índa bik'ee t'óó ił ahayóigo ha'doo'ááł.