Popular Bible Verses from GENESIS 35

Share

Áko Diyin God ánáábidoo'niid, Diyin God Aláahgo Ayóó'ábóodziilii nishłį́; náásgóó na'áłchíní k'ee'ąą yilzhish doo; k'ee'ąą nooht'į́įł doo; dadine'é índa ał'ąą dine'é nits'ą́ą́dóó hodooleeł, índa nits'ą́ą́dóó naat'áanii ch'íhidookah. Éíbraham índa Áízak éí kéyah baa diní'áanii naa dideesh'ááł, índa na'áłchíní náás da'ahílchíihii ałdó' baa dideesh'ááł.

Áko sołtį', Béthel góde dii'nééł; áadi Diyin God bich'į' náádi'yeesh'nih biniyé bikáá' náá'iiniihí ádeeshłííł; shich'į' nahwii'ná yę́ędą́ą́' éí shich'į' ééhoosinii éí t'áá naasháágóó shaa áhályą́ą́ nít'éé'.

Áádóó Diyin God ábidííniid, Jéíkab éí nízhi'; k'ad éí doo Jéíkab yinílyée da doo, nidi Ízrel yinílyée doo, áádóó Ízrel yee hóózhi'.

Ákohgo Jéíkab éí ba'áłchíní índa yił naakaígíí t'áá ałtso áyidííniid, Ana'í bi'eda'alyaii nihee dahólóonii yóó'adahołtł'iid áádóó ádąąh dahołdééh, índa danihi'éé' ła' biih náádaahkai.

Diyin God éí Jéíkab áyidííniid, Dah diinéehgo Béthelgóó dínééh; áadi kénááhót'į́į doo; ákwe'é Diyin God bich'į' náádi'yííłnih biniyé bikáá' náá'iiniihí ádíílííł; nínaaí Íísa bits'ą́ą́' yóó'íínílwod yę́ędą́ą́' ákwii nich'į' yit'íní í'diishyaa.

Ákódzaago hwii' sizíinii hwii' haalyeedgo Benónai joolyée doo, jidííniid, háálá dadziztsą́, nidi bizhé'é éí Bénjamin yidííniid.