Popular Bible Verses from GENESIS 45

Share

Áko kojį' nidashiyoołnii'ígíí t'áadoo bąąh danihíni'í, índa t'áadoo ách'į' nihá nídahachįįhí. Háálá Diyin God t'áá nihítséedi shiníł'a'go dahináanii dadoodzih biniyé ádzaa lá.

Áko nihí doo kwe'é dashinooł'a' da, nidi Diyin God át'į́, áko Féro bizhé'é nishłį́įgo índa bighan t'áá át'é áádóó Ííjip kéyah t'áá át'éé nít'éé' binanisht'áago áshiilaa.

Nidi Diyin God nihítséedi kojį' shiníł'a'; éí niha'áłchíní nahasdzáán bikáá'góó náás da'ahílchíih doo, índa shí shinahjį' ayóó át'éii bee dadoohdzih biniyé ádzaa.

Áko Jóseph bik'isóó áyidííniid, T'áá shǫǫdí, shíighahjį' ninohkááh. Áko hwíighahjį' nijíkaigo áhodííniid, Shí, Jóseph nihik'is, Ííjip kéyahjį' nidahisoołnii'ígíí ásht'į́.

Háálá díí kéyah bii' hodichingo k'ad naaki nááhai, áádóó ashdla' nináádoohah hadziih; éí bii' doo nidahwiildlaad da doo, índa doo da'agizh da doo.

Áko Jóseph bik'isóó áyidííniid, Shí Jóseph ásht'į́. Da' shizhé'éésh t'ah hiná? Áko hak'isóó bił nidzizínígíí doo hach'į' hadaodziih ádaadzaa da, háálá t'óó bił adahayóigo nídaasdzííd.