Popular Bible Verses from JOHN 15

Share

Ch'il na'atł'o'ii sikaadii nishłį́, nihí t'éí ats'áda'iitł'óohii danohłį́. Shii' hojílóonii, áádóó shí hwii' honishłóonii, ts'ídá éí aneest'ą' lą'í hats'ą́ą́dóó náhoodleeł, háálá t'áá shídingo t'áadoo bídanooł'ání da.

Shii' dahonohłǫ́, shí ałdó' nihii' honishłǫ́ǫ doo. Ats'á'átł'óohii t'áá bízhánígo doo bąąh náhádleeh da, bá íí'áii biłgo t'éiyá, ts'ídá ákót'éego doo shii' dahonohłǫ́ǫ́góogo, aneest'ą' doo nihits'ą́ą́dóó náhoodleeł da doo.

Áko shii' dahonohłǫ́ǫgo, áádóó shizaad nihii' dahólǫ́ǫgo, t'áá danohsinígíí dayínóhkeed, áko nihá bi'doolnííł.

Nihí doo nídashidoołtį́į da, nidi shí t'éí nánihiyéláa'go ninihinínil, nihits'ą́ą́dóó aneest'ą' nidahwiileeh doo biniyé dahidohkááh, áko nihineest'ą' t'áá hólǫ́ǫ doo, áádóó t'áá ha'át'íhída shízhi' bee aTaa' bídayínóhkeedígíí, éí nihaididoo'ááł.

Diné bik'isóó ayóó'ádayó'níinii yá niná'ádeet'áanii yá daaztsą́ągo, kót'éego ayóó'ó'ó'ní ayóó át'éii náánáła' diné doo hwee nááhódlǫ́ǫ da.

Shits'áda'iitł'óohgo doo bineest'ą' dahaleehii, t'áá ałtso shits'áyiinííł, t'áá ałtso bineest'ą' bąąh nídahadleehígíí éí bits'áoz'a' bílátah níjiigish, t'ah biláhígo bąąh nínáádahodoodleeł biniyé.

Díí bee hoséł'áanii át'é, éí ayóó'ánihósh'nínígi át'éego ayóó'áda'ahíínóh'ní.

Aneest'ą' t'óó ahayóí nihits'ą́ą́dóó náhoodleełígíí bee shiTaa' ayóó át'éego baa ha'niih, áko éí bee shídahooł'aahii danohłį́į doo.

Shí ch'il na'atł'o'ii t'áá aaníinii nishłį́, shiTaa' éí ch'il na'atł'o'ii yaa áhályáanii nilį́.

Áko diné t'áá háiida doo shii' hojílǫ́ǫ́góó, éí ats'á'átł'óhígíí yóó'ahelghą́ąhgo yigą́hígíí nahojílin; jó, éí áłah ál'įįh áko tsídza dahalka'go, adahidilk'ą́ą́h.

Shibee ił hózhǫ́ nihii' dahólǫ́ǫ doo biniyé díí bee nihich'į' hahásdzíí', áko nihíni' bíighahgo nihił dahózhǫ́ǫ doo.

T'áá shiTaa' yee nahas'áanii bik'eh honish'į́įgo be'ayóó'ó'ó'ni' bii' honishłónígi át'éego, bee nahoséł'áanii bik'eh dahonoł'į́įgo, she'ayóó'ó'ó'ni' bii' dahonohłǫ́ǫ doo.

Ayóó'áda'ahíínóh'níi doo biniyé díí bee nihida'séłnii'.

Nihokáá' dine'é bíí' danohłį́įgo, nihokáá' dine'é ayóó'ádanihó'níi doo nít'éé', háálá t'áá daabíi'ii t'éiyá ayóó'ádayó'ní, nidi nihokáá' dine'é doo bíí' danohłį́į da, nidi t'áá nihokáá' dine'é bitahdóó nánihiyéláá', éí bąą nihokáá' dine'é danihijoołá.