Popular Bible Verses from JOHN 16

Share

Shí shee nihił dahózhǫ́ǫ doo biniyé díí t'áá ałtso bee nihich'į' haasdzíí'. Nahasdzáán bikáa'gi nihich'į' nidahwii'náa doo, nidi chánah danohłį́, shí nihokáá' bił nidahazt'i'ii bik'eh déshdlį́į́'.

T'áá áko nidi Níłch'i Diyinii t'áá aaníinii ííshją́ą́ áyoolíiłii nihaa honíle'go, éí t'áá aaníinii t'áá ałtso biyi'góó nihoo'ish doo, háálá doo t'áá bíniik'eh yáłti' da doo, nidi yidiits'a'ígíí éí yaa halne' doo, ádahodooníłígíí ałdó' yee nihił halne' doo.

Hoolzhishdę́ę́' kojį' t'ah doo shízhi' bee da'díínóhkeed da; da'díínóhkeedgo nihaa doolyééł, áko nihíni' bíighahgo nihił dahózhǫ́ǫ doo.

Azhą́ ákót'ée nidi t'áá aaníígóó nihił hashne': nídésdzáhígíí t'áá íiyisí nihá yá'át'ééh, háálá doo nídésdzáágóó, Áká Análwo'ii doo nihee hodooleeł da; nídésdzáago éí nihaa deesh'aał. Áko éí nihaa honíle'go, bąąhági át'éii áádóó ts'ídá t'áá ákogi é'ét'é índa ánihodiyoot'ááł nihokáá' dine'é yaa ákodanízingo íidoolííł

T'áá ákót'éego nihí k'ad yínííł danohłį́, nidi náánihiiłtsą́ągo nihijéí bił nídahodoojǫǫł, áko nihił dahózhónígíí éí diné doo ła'da nihighaididoot'áał da. Áko éí beiníłką́ądi doo nidashídídóołkił da. T'áá aaníí, t'áá aaníígóó ánihidishní, T'áá ha'át'íhída aTaa' shízhi' bee bídayínóhkeedgo, nihaididoo'ááł.

T'áá aaníí, t'áá aaníígóó ánihidishní, Nihí daahchago atínídadinohdleeh doo, nidi nihokáá' dine'é éí bił dahózhǫ́ǫ dooleeł; nihí yínííł nidaahkai doo, nidi yínííł nidaahkaígíí ił hózhǫ́ nídoodleeł.