Popular Bible Verses from MATTHEW 22

Share

Jesus áhodííniid, Nijéí t'áá át'é bee, áádóó nii' sizíinii t'áá át'é bee, índa níni' t'áá át'é bee Bóhólníihii niDiyin God ayóó'ííní'ní. Éí ts'ídá aláahgo áádóó alą́ąjį' bik' eh ó'oo'níiłii át'é. Áádóó naaki góne'ígíí t'áá éigi ánáánát'é, T'áá ni ádíí'ní'nínígi át'éego bił kééhót'íinii ayóó'ííní'ní.

Áko díí naakigo bik'eh ó'oo'níiłii éí bee haz'áanii t'áá ałtso índa Diyin God yá dahalne'ii bina'nitin t'áá ałtso bitsé siláii át'é.

Háálá lą'í bíká ádahodoo'niid, nidi t'áá díkwíí nídahaasdláá', dííniid.

Jó, aninéédę́ę́' náá'di'yiijeeh baa hoolzhiizhdi, diné doo nááda'dooyeh da, doo nidi ahaa dabi'dii'níił da doo, nidi yá'ąąshdi Diyin God bidiyingo nidaal'a'ígíigi ádajít'ée doo.

Tax nahalyéii ła' nihá nísh'į́. Áko béeso denériyas wolyéhígíí ła' haa deiz'ą́. Nít'éé' ábijiní, Díishą' háí bitsiits'iin bik'i si'ą́, áádóó háísh bízhi' bikáá'? Nít'éé' ádahałní, Síízar lą́ą. Áko ábijiní, Éí lá bąą, Síízar bíhígíí Síízar baa nídahoh'níił ni, áádóó Diyin God bíhígíí éí Diyin God baa nídahoh'nííł.