Popular Bible Verses from MATTHEW 21

Share

Áko da'iinohdlą́ągo t'áá ha'át'íhída dayínóhkeedgo sodadołzingo, éí nihaa dahalyée doo.

Áko Jesus hanáánáádzíi'go áhodííniid, T'áá aaníí ánihidishní, T'áadoo nihił naaki danilíní da'iinohdlą́ągo, t'áá díí fig sikaadii áshłaaígi át'éii doo t'éí baa nidaahkai da doo, nidi azhą́ díí dził, Dah ni'doot'aahgo tónteel biyi' góne' andi'yólghan, bidooniid nidi, ákódoonííł.

Áko halą́ąjį' índa hakéédę́ę́' nooyéłígíí dadilwoshgo ádaaní, David biYe' nilíinii baa ha'niih doo! Bóhólníihii bízhi' bee bi'dójíigo yigáłígíí bik'ihojidlíi doo! Aghánáhóó'áádę́ę́' baa ha'niih doo!

Áko ábijiní, Jó, bee ak'e'ashchį́, Shikin éí kin bii' sohodizin wolyée doo, nít'éé' nihí aghada'ii'níiłii be'a'áán ádaahłaa lá.

Záíyan bich'é'é bił dahołne', Jó'akon, Aláahgo niNanit'a'í nilíinii a'ohgo í'dólzingo télii, Jó, éí télii yázhí yik'i dah sidáago nich'į' bił yigááł.

Nít'éé' Jesus áháłní, Da' kót'éego Diyin God bizaad bee ak'eda'ashchínígíísh biyi' t'ah doo dayínółta' da? Kin ádeił'íní tsé doo deiniizį́'ígíí, t'áá éí tsé bee naaná'ástł'inii silį́į́'; díidí Bóhólníihii áát'įįdígíí át'é, áko daníil'į́įgo bik'ee t'óó nihił adahayóí.

Éí bąą ánihidishní, Diyin God bee bóhólníihgo bił haz'áanii nihighadidoot'ááł, índa náánáła' dine'é éí bits'ą́ą́dóó aneest'ą' nídahoodleeł doo biniyé baa didoot'ááł.