Popular Bible Verses from MARK 1

Share

Biiskání t'ah ni' halzhingo nízhdii'na'go doo naagháhígóó ajííyá, ákwe'é sozdoolzin.

kójíníigo, K'ad áajį' ahoolzhiizh, Diyin God bee bóhólníihgo bił haz'áanii baa hodoogáałjį' bílátah dah hashzhiizh; łahgo át'éego tsíńdahidohkeesgo hane' yá'át'éehii deinohdląąh.

Tó biyi'dę́ę́' hajííyáago, t'áá áko yádiłhił ąą ádzaago Níłch'i Diyinii éí hasbídí nahalingo hak'ijį' hadahooleełgo jiiłtsą́, áádóó yádiłhił biyi'dę́ę́' iinéé' diists'ą́ą'go ání, ShiYe' ayóó'óósh'níinii nílį́; t'áá íiyisí naa shił hózhǫ́.

Shí éí tó t'éiyá bee danihisį́į́h nít'éé', nidi bí t'éí Níłch'i Diyinii yee danihisį́įh dooleeł.

Nít'éé' Jesus áhodííniid, Tį', shikéé' woh'ash, áko diné hayiileehí doohłeełgo ánihideeshłííł. T'áá áko hałóó' bee hadahaltsósí t'áá ákǫ́ǫ́ nizhnínilgo bikéé' dashdii'áázh.

Áko naz'neeztą́'ígíí yik'ee t'óó bił adahóóyóí, háálá naat'áanii nilį́įgo na'nitinígíigi át'éego naz'neeztą́ą́', bee haz'áanii yínda'niłtinii nahalingo éí dooda.