Popular Bible Verses from MARK 6

Share

Áko ábizhdííniid, Tį', t'áá sáhí doo naagháhígóó diikahgo haada nízahjį' háádadoołyįh. Háálá diné lą'í ałnánáálį́įgo biniinaa dazh'dooyį́į́ł yę́ęgi nidi doo há hoo'aah da.

Áko Jesus áhodííniid, Diyin God yá halne'ii t'áá ałtsogóó diné bił dajílį́, nidi t'áá hakéyahgi áádóó hak'éí índa bił hajííjéé' bitahgi éí doo bił ajílį́į da.

Áko Jesus tsinaa'eeł yii'dę́ę́' hááyáago ayóó át'é diné yíl'áago yiyiiłtsą́, áko dibé éí baa áhályáanii ádin nahalingo biniinaa baa a'ááh jiniizį́į́', áádóó lą'í bee nízhdíníitą́ą́'.

Áko ákwii áhooníiłii ayóó át'éii doo baa nijóya' át'ée da, nidi diné bąąh dah nidahaz'ánígíí t'áá díkwíí t'éí bik'i dah dahizhdilníihgo nááhizhdiiłjéé'. Áko doo da'oodlą́ą́góó biniinaa t'óó hoł ahayóí. Áko kin dah naazhjaa'góó nazh'nitingo tázhdíghááh.

Áádóó łees'áán ashdla' índa łóó' naakiígíí néidiinil áádóó yá'ąąshgóó déez'į́į'go yik'i sodoolzin, índa łees'áán niyiitíihgo bídahooł'aahii yitainiih, éí diné yitaa deidoonih biniyé, áádóó łóó' naakiígíí ałdó' t'áá ałtso yá ałts'ádayiizti'. Áko t'áá ádzíłtso da'jííyą́ą'go hwiih dadzizlį́į́'. Áádóó łees'áán áádóó łóó' nidahaasti'go bi'oh da'jííyą́'ígíí náádadziisdláa'go ts'iizis naakits'áadah bii' hadazhdééłbįįd.