Popular Bible Verses from MARK 7

Share

Háálá diné bii'dę́ę́', bijéí bii'dę́ę́' nichxǫ́'ógo nitsáhákees hahwiileeh, adilyé, na'ageh bee tsi'na'adá, diné naatseed, ani'į́į́', adáhonooní, bąąhági áhoonííł, na'adlo', tsi'na'adá, ooch'į́į́d, baa'ihgo áyáti', ádaa ha'niih, áhodiigis. Díí t'áá ałtso doo yá'ádaashxóonii diné bii'dę́ę́' hadahwiileehgo nidabiiłchxǫǫh.

ha'át'íhída t'áá bikáá'dę́ę́' diné biih hwiileehii éí doo nibiiłchxǫǫh da, nidi bii'dę́ę́' hahwiileehii t'éiyá nibiiłchxǫǫh.

Áko ábijiní, T'áá bee ak'e'ashchínígi át'éego nihí t'óó ádahodoł'íinii, Aizéíyah ts'ídá niheełt'éego t'áá nihítséedi nihaa hoolne': Díí diné t'áá bizábąąhídóó t'éiyá yee shił danilį́, nidi dabijéí doo yee shit'áhíjį' ádaat'ée da.

Na'níle'dii shich'į' dahodísin, háálá diné yee nahas'áanii bina'nitin danilį́įgo yee nida'nitin.

Diyin God yee has'áanii nahjį' kódaał'į́įgo diné bi'é'él'į' dayínóhtą'. [Jó, Jew dine'é binahagha' bik'ehgo łeets'aa' áádóó bee adlání táádaahgis, áádóó ákódaat'éhígíí lą'í ádaał'į́.]