Popular Bible Verses from Aepa Gemae 24

Share

Havaetagenoʼaeʼmo Gotifeʼmo hunoʼaeʼmo, Ala kava neʼmo ala vekaʼnimo Emalehamu Gotiʼamogae, huno, Kahao ke hove, kagaemo ala vekaʼnimo Emalehamutegamo alagepa kavaʼmo hisanafeʼmo mani afinaʼmo aliʼyaʼnimo alagepa huka alika afole aika ato.

Ani kavaʼmo afole aino, nagaemo mago a mafaʼneeʼmo, ina lafeʼmo kahaoke hogi, ani kekamo alika afe paiʼnegeʼna aiseʼamo aniʼmo neno, huʼna hisugenoʼaeʼmo afaʼa no, huno huteno, kamolu anagakaʼeʼmo aniʼmo he fiʼna apamiguve, huno hisiya a mafaʼnemo aliʼyakamo neʼaliya vekamo Aisaki aʼamo lekana paika atesana a mafaʼnemo maigiye. Nagaemo ani kavaʼmo ageteʼnaeʼmo ala vekaʼnimo ha neʼmane, huʼna agegauve, huno nunumuʼmo huʼniye.

Inagi Aisakiʼa Lipekaʼmo avalelino uno lamino itaʼamo Sela seli nopiʼmo ateteno aliʼniye. Aisakiʼa Lipekafeʼmo lusi kava huno hau ayamopafiʼmo hauʼniyaʼmofeʼmo aipamoʼmo kanale huʼnigeno alagepa huno maiʼniye. Hogoteno itaʼamoʼmo faliʼniya kavafeʼmo aipamoʼmo kana huʼnigeno maiʼniyaʼmofeʼmae.

Apakaemo Lipekafeʼmo aliʼa auleʼa ateteʼapaeʼmo, lasatimogae, huʼa, kagaemo asole tauseni tauseniʼa vayaʼai itaʼapimogamo maigane. Kaginago vayaʼmogimo kame vayaʼapimo aeʼa apaka seteʼa taoniʼapimo aligae, huʼa ha paiteʼa Lipekaʼe aliyaʼamo neʼaliya aʼne anaganagi Emalehamu aliʼyaʼamo neʼaliya vekagi vayaʼagi huʼa aliʼa apateʼnageʼa uʼnae.

Maleʼneka Ala kava neʼmo kokuʼnateʼe ma mopafiʼeʼmo neʼyagaiya Goti agiʼaletiʼmo kagoʼyamo ataleteka naha paigane. Kenani nofi vayaʼai folagapiʼmo maiʼnova vayaʼmogi a mafaʼne anagapatiʼmo mafaʼnekamo aʼmo avaleliʼna oʼmegauve, huka naha paiyo. Kagaemo koʼnilega konagaʼnimogimo maiʼnayanagi uka mafaʼneʼnimo Aisaki aʼmo avalelika eno, huno ha paiʼniye.