Popular Bible Verses from Aepa Gemae 26

Share

Kalaga hageka uka kalaga vekamo mani mopale maiʼnegeʼnao aliʼna auleʼna kategauvanagi. Nagaemo kagaeʼe kaginago vayaʼeʼmo muki mani mopamo lapamiguve. Nagaemo afokamo Emalehamufeʼmo nagoʼyamo ataleteʼna ha paiʼnova polomasi gemo akame huʼna aliʼna afole aiʼna ategauve.

Nagaemo kaginago mafaʼne anagaʼmo magoʼe huʼna kokunate kanefigana huʼna aliʼna afole aiʼna apategauve. Nagaemo muki mani mopaʼamo kaginago mafaʼne anagakamo apamiguve. Nagaemo kaginago vekaletiʼmo muki nofi vayaʼmo aliʼna auleʼna apategauve. Emalehamuʼa geʼnimo afige huvo, huʼna huʼnova gemo akame huge keʼaepa geʼnimo akame huge huno maiʼniyaʼmofeʼmae.

Aisakiʼa ani mopaletiʼmo ataleno uʼnigeʼa uʼa mago alu ani keli kotuʼmo kafiʼnageʼapaeʼmo magoʼe huʼa ge oʼvaiʼnae. Agaemo, Ala kava neʼmoʼa maisuna mopamo lamiyaʼmofeʼmo magoʼe huno alu ya alu yatimo afaʼa afole aigiye, huno huteno agiʼamo Lehomoti ani keli kotuʼmae, huno ateʼniye. Ani agimo aepaʼamo afaʼa maisuna ani kotune.

Ala kava neʼmo Aisakitegamo afole aiteno, Kagaemo Isipi kotegamo uka olamiyo. Nagaemo kaha paisuva haopalegageʼmo maiyo.

Aisakiʼa ani gemo afitenoʼaeʼmo yafa hiʼyalamuʼmo hu maleʼneno Ala kava neʼmo agiʼaleʼmo keya aeno mono huʼniye. Agaemo seli noʼamo alino he tino atetegeʼa aliʼyaʼamo neʼaliya vayaʼmogimo ani keli kotuʼamo kafiʼnae.