Popular Bible Verses from Aepa Gemae 37

Share

Mago afinaʼmo Yosefeʼa alagamuna ageteno nepuʼamogifeʼmo ava ge huno hapa paiʼnigeʼa afiteʼapaeʼmo magoʼe huʼa apaini huteʼa alagi ohapauʼniye.

Isaleli mafaʼneʼamo Yosefefeʼmo lusi kava huno hauʼnigeno alu mafaʼne anagaʼaeʼmo aiseʼamo hauʼniye. Kosuna leʼniyapatiʼmo alino ateʼniyaʼmofeʼmae. Yekopuʼa alapaʼage siotimo alagepa yatala siotimo alo huno amiʼniye.

Nepuʼamogimo ageʼnayana afoʼapimoʼmo Yosefefekeʼmo lusi kava huno hauʼnigeno apakaefeʼmo aiseʼamo hauʼniya kavaʼmo ageteʼapaeʼmo Yosefefeʼmo alagi ohapauʼnigeʼa apaini huteʼa agaeʼeʼmo alagepa huʼa magokepi gege huʼa oʼmaiʼnae.

Henagaʼamo Yosefeʼa alagi magoʼe huno alagamuna agetenoʼaeʼmo nepuʼamogifeʼmo ina ge huno hapa paiʼniye. Afiyo, huno, nagaemo magoʼe huʼna alagamuna ageʼnovana hemeni alagamunafiʼmo yegegi kaigi leveniʼa kanefinagi huʼa nagaeteʼmo ape huʼa nateʼnageʼna ageʼnove, huno hapa paiʼniye.

Yosefe nepuʼamogimo apaipa kafa haeʼnayaʼmonanafa afoʼamoʼmo afitenoʼaeʼmo ani kavafeʼmo alino aipa agesafi maleʼniye.

Yosefeʼa hapa painoʼaeʼmo, Lapaoke hovanagi, alagamuna ageʼnova gemo afiyo. Lagaemo mukiʼamo mago hoyafikeʼmo maiʼneta vitimo hayaeʼnonana nagae viti hayamoʼmo aeno he tino haneʼnigeʼa lapakae viti hayamoʼmo nagae viti hayaleʼmo he tiʼa faiʼa vego huʼa ateʼneʼa ape huʼa ateʼnae, huno hapa paiʼniye.

Egetao. Hemenimo kamitimo amagiteta agufaʼamo alita mago kelifiʼmo yaga auta atalegaune. Ataletetaeʼmo henagaʼamo lagaemo hutaeʼmo, Mago afela pusimoʼmo haeʼnisifi, huta hugune. Alagamunaʼamoʼmo haiya agufa kavaʼmo afole aisifigeta agegaune, huʼa huʼnae.

Ani Mitiyani kagemiyaʼapiʼe vayaʼmo eʼnayana nepuʼamogimo Yosefeʼmo ago kelifati avaleliʼa hai eʼa Isameli nofi vayaʼmo apamiʼnageʼa tuveti siluva moniletiʼmo miya faiteʼa Isipi kotegamo avaleliʼa uʼnae.

Apakaemo apakaiʼapimo huʼapaeʼmo, Ageyo, huʼa, alagamuna neʼageya vekamo ago eʼniye.

Apakaemo ageʼnayana afagiʼaleʼmo eʼnigeʼa ageteʼapaeʼmo hapaopaleʼmo eno hogo osuʼnigeʼapaeʼmo kamitimo amagisageno falisiyafeʼmo vege huʼnae.

Mago kola hisiya kavaʼmo osuge agufaleʼmo lapaya oʼalige hutetapa asagautapa mani kelifiʼmo yaga autapa ataleyo, huno hapa paiʼniye. Apayapatiʼmo agufamo alino katino ateteno afoʼamotegamo avalelino uno atesiyafeʼmo ani gemo huʼniye.