Popular Bible Verses from Aepa Gemae 41

Share

Yosefeʼa geʼaleʼmo aeno atagaina hunoʼaeʼmo, Nagaiʼnimo alagamuna gemo aepaʼamo afaʼa kaha opaigufa Gotikeʼmo aepaʼamo afaʼa kaha paisigeno kaipamoʼmo falu hugiye, huno ha paiʼniye.

Feloʼa aliʼyaʼamo neʼaliya vayaʼaifeʼmo hapa painoʼaeʼmo, Goti Aunemeʼamoʼmo ani vekafi maiʼniye. Alu vekamo ani agufa vekaeʼmo kahauya huta agesupiye.

Inagi Feloʼa Yosefefeʼmo ha painoʼaeʼmo, Gotiʼa muki ani kavaʼamo alino kave liʼniyaʼmofeʼmo kagaemo afiteka ageʼnana agufa kava huno mago afiteno ageʼniya vekamo alagi oʼmaiʼniye. Kagaemo muki noʼnifi haneʼniya yateʼmo yagaige muki vayaʼnileʼmo yagaika apatege hugane. Nagaemo kini siateʼmo maisuva kavatetiʼmo aeʼna kaga segauve.

Agaemo hunoʼaeʼmo Gotiʼa naha maeʼnigeʼna kana yaʼmo aliʼnova koteʼmo muki huʼnova kavaʼnimoʼa alagepa kavaʼageʼmo afole aiʼniye. Ani kavaʼmo huʼniyaʼmofeʼmo napa tu mafaʼnemo agiʼamo Ifalemiʼae huno ateʼniye.

Inagi Yosefeʼa hunoʼaeʼmo, Gotiʼa naha maeʼnigeʼna kana yaʼmo aliʼnova kavafeʼmo nage kaniʼna atalege afoʼnimo afamo anaga vayaʼaeʼmo nage kaniʼna apatalege huʼnove. Ani kavaʼmo huʼniyaʼmofeʼmo Yosefeʼa yege mafaʼnemo agimo Manasaʼae huno ateʼniye.