Popular Bible Verses from Yohana 16

Share

Mə́ bàà ii nwɔŋ aarə, bɔ̀b ìì bɔ̀b tɛbàá, wálke íí kə̀ máára. Íí dá búúd bé'ǹ yɛ́b aa nyìì kə̀ invaksə́ yée ba. Zá ìì kùm kə̀ váàndoá. Máá gə́, mə́ kàn yɛ́b yàá!»

Nwul Gìdń aa tə́ vɛ́nà i'ǹ də wə́ə́ì gə́, íí dá nyiìn kə̀ vɛ́nà. Gám nwɔŋ kə̀ yíl oò bə̀ ní gá. Zá dá ii in bəraa kììà rə ní uràá, bít dá ii in bəraa dáà yaànà rə baanàá.

Yaà wə́ə́ bə́ŋyóo, íí nyɛ̀m in nə́ŋ̀má máá nə́gə́lə́ sé. Ìì dɛ̀d kúnú, íí dákíìn bɔbàá, bít kə̀ aakíin də, tɛ́m làmkè íí dá kuùm gbà'á.»

Zá mə́ tə́ ii nwɔŋ sɔ̀ɔ̀n baanàá, aí gə́, aa dá sɔɔ̀n də, máà ɛ̀m kúnú. Kàandə, mə́ ɛ̀m síngə́, nɛ́ŋə̀ aa dá ii láŋ̀ bərə, yaà aí səǹ gá. Zá mə́ ɛ̀mì gə́, máùwà kíìn tuùm aànnà aí sunú. Bít sɛŋ aa dáà yaànà bərə, dá nɛ́b zɔ̀ŋə yɛ́b bə bə̀ i'ǹ gə́, bə̀ záá yíl boò tə́ invaksə́ yílú, wɔ̀ɔ̀lə̀ Vɛnɛ́b bə̀ yílú, bít kə̀ fágə́n Vɛnɛ́b bə̀ yílú.

Kə̀ aakíin də, aí kɔ̀ íí kìì tɛ́m nwuukèì bə́ŋyóo. Zá bíd yaà máá ii kíìn bé'nàá, bít tɛ́m íí dá kuùm kə̀ làmkèá; nɛ́ŋə̀ nə́ŋ̀má bán tɛ́m làmkè íí aarə nyá'ǹ ke'ǹmbə̀ gá. «Sɛŋ aarə yaà wə́ə́ì gə́, íí dɛ̀d mə́ in nə́ŋ̀má sɔ̀ŋ gá. Mə́ tə́ ii kíìn baanàá, aarə nwɔŋ sɔ̀ɔ̀ná' in aa íí dɛ̀d máá nə́gə́lə́ rə gə́ kóólé, Báá mə́ dáá ii kíìn piinàá.

Mə́ tə́ ii kíìn baanàá, aarə nwɔŋ sɔ̀ɔ̀ná' íí dákíìn kpəənàá, bít íí dá nwɔŋ dalàá, zá nɛ́b zɔ̀ŋə yɛ́b bə bə̀ dá làmkè kiinàá. Aí kɔ̀ íí dá kuùm kə̀ tɛ́m nwuukèá, zá tɛ́m nwuukè aí bə̀ dá tɛ́m làmkè bílàá.