Popular Bible Verses from Yohana 17

Share

Ǹ mà' vɛ́nà ń oò mà' tù' boò rú, bɔ̀b boò bíl nɛ́b ḿ bərá. Nwɔŋ ń tə́ vɛ́nà.

Gɔ̀ŋsə́ aa bɛ́d bə gá rə, aa yóo' nɛ́b bəd boò gàb kúnú, ámda ń kùmsə̀n Vɛnɛ́b vɛ́nà bìá, ám nə́ŋ̀ní, bít boò gàb Yéésù Krístù, nɛ́ŋə̀ aa ń tùmà roó.

«Mə́ nyɛ̀m m nɛ́b sáànmbə̀ bəraa yée yílə́ ní sé. Zá mə́ nyɛ̀m m kə̀ nɛ́b aa bə̀ dá mə́ bagǹ, nwɔŋ bəraa nɛ́b sáànmbə̀ bəd bə̀ tə́ baàn də bòórú roó. Mə́ tə́ən nyɛɛ̀m, bɔ̀b nɛ́b bəd kóólé, boò kùm nə́ŋ̀ní. Báá, boò wál kə̀ obə́n tá, kìínmbə̀ ám kɔ̀ ń wál kə̀ máá tá, máá kɔ̀ mə́ wál kə̀ ám tə́ rə kíin. Mə́ tə́ən nyɛɛ̀m boò kùm nə́ŋ̀ní, bɔ̀b nɛ́b zɔ̀ŋə yɛ́b bə bə̀ bəd boò gàb kúnú, ámda ń tùm máà sùnú.

Mə́ nyɛ̀m m də, bɔ̀b ǹ vú' bə̀ kíìn zɔ̀ŋə yɛ́b bə gá, zá mə́ í' ǹ súú bə̀ Nɛ́ŋə̀ Vaksə́ nɛɛ̀n tɛ́mú.

Mə́ pii bə̀ kaŋsɛ́l aa ḿ pii máà roó, bɔ̀b boò kùm nə́ŋ̀ní, kìínmbə̀ ń kə̀ máá tá, bə́n kuùm nə́ŋ̀ní rə kíin. Mə́ tə́ boò rú, kìínmbə̀ ámkɔ̀ ń tə́ máá rú rə kíin. Kə̀ aakíin də, bə̀ dá taà kuùm nə́ŋ̀ní vɛ́nà. Kàanyée gə́, nɛ́b zɔ̀ŋə yɛ́b bə bə̀ dá taà gabàá, ń tùm máà sùnú. Bə̀ dá gabm̀ gə́, ń í' bə̀ tə́ kúnú, kìínmbə̀ nɛɛ̀n aa ń í' mə́ rú rə kíin.